குளிர்காலத்தில் கம்பு சாப்பிடுவதால் உங்க உடலுக்கு என்னாகும் தெரியுமா? நிபுணர் தரும் விளக்கம்

குளிர்காலம் அனைவருக்கும் நிம்மதியான, மகிழ்ச்சியான காலநிலையாக இருப்பினும், பல்வேறு நோய்த்தொற்றுக்கள் அதிகரிக்கும் காலமாகவும் அமைகிறது. ஏனெனில், இந்த காலகட்டத்தில் உடலில் நோயெதிர்ப்புச் சக்தி குறைந்து காணப்படுகிறது. குறிப்பாக, நோயெதிர்ப்புச் சக்தி பலவீனமாக உள்ளவர்கள், குழந்தைகள் மற்றும் பெரியவர்கள் என அனைவரும் எளிதில் நோய்த்தொற்றுக்களால் பாதிக்கப்படுகின்றனர். எனவே, இது போன்ற காலநிலையில் உடலை பாதுகாப்பாகவும், ஆரோக்கியமாகவும் வைத்துக் கொள்வது அவசியமாகும். மேலும் இந்த காலநிலையில், மக்கள் தங்கள் உடல் நிலைக்கு ஏற்ப உணவுமுறைகளைக் கையாள வேண்டும்.

இந்த வரிசையில் தினை வகைகளும் அடங்குகின்றன. தினையைப் பொறுத்த வரை ஏராளமான வகைகள் உள்ளன. அவை, ராகி, கம்பு, சோளம், கேழ்வரகு உள்ளிட்ட பல வகைகள் உள்ளது. அவை ஒவ்வொன்றுமே தனித்தனி ஆரோக்கிய பண்புகளைக் கொண்டதாகும். இவற்றை சரியான காலநிலைக்கு ஏற்ப எடுத்துக் கொள்வதன் மூலம் பல்வேறு நன்மைகளைப் பெற முடியும். அந்த வகையில், குளிர்காலத்தில் கம்பு உட்கொள்வது ஆரோக்கியமானதா என்ற கேள்வி அனைவருக்கும் எழக்கூடியதாக அமைகிறது.

கம்புவில் உள்ள ஊட்டச்சத்துக்கள்

Pearl millet என்றழைக்கப்படும் கம்பு இந்திய உணவு வகைகளின் ஒரு இன்றியமையாத பகுதியாக இருந்து வருகிறது. குறிப்பாக வட இந்தியாவில், கம்பு குளிர்காலத்தின் மிக முக்கியமான பிரதான உணவுகளில் ஒன்றாக உள்ளது. இந்தத் தினை குளிர்காலத்தில் பரவலாக உட்கொள்ளப்படுவதற்கு பல்வேறு காரணங்கள் உள்ளன. குறிப்பாக, அதில் உள்ள ஊட்டச்சத்துக்களே காரணமாகும்.

கம்புவில் இரும்பு, மெக்னீசியம், பாஸ்பரஸ், பி-காம்ப்ளக்ஸ் வைட்டமின்கள், நார்ச்சத்து மற்றும் ஆன்டிஆக்ஸிடன்ட்கள் போன்ற தாதுக்களும், வைட்டமின்கள் மற்றும் ஆன்டிஆக்ஸிடன்ட்கள் போன்றவையும் உள்ளன. இந்த ஊட்டச்சத்து கலவைகள் நிறைந்த கம்புவானது, பசையம் இல்லாத தானியமாகும். இந்த தானியத்தை தினசரி உணவில் சேர்த்துக்கொள்வதன் மூலம் பல்வேறு நன்மைகளைப் பெறலாம்.

how-to-make-millet-mixture-recipe-and-why-it's-perfect-for-winter-Main-1765192343780.jpg

குளிர்காலத்தில் கம்பு சாப்பிடுவதற்கான காரணங்கள்

இதில் குளிர்காலத்தில் கம்பு சாப்பிடுவதால் என்னென்ன நன்மைகள் கிடைக்கும் என்பது குறித்து உணவியல் மற்றும் ஊட்டச்சத்து நிபுணரான ஸ்வேதா ஜே பஞ்சல் அவர்கள் தனது இன்ஸ்டாகிராம் பக்கத்தில் சில தகவல்களைப் பகிர்ந்துள்ளார். அதைப் பற்றி இங்குக் காண்போம்.

ஊட்டச்சத்து நிபுணர் தனது பதிவில், “குளிர்காலத்தில் கம்பு சாப்பிடும்போது இதுதான் நடக்கும்:” என்று தலைப்பில் குறிப்பிட்டுள்ளார்.

இந்த பதிவும் உதவலாம்: அரிசியை விட 8 மடங்கு இரும்பு.! கம்பு சாப்பிட்டா என்ன ஆகும் தெரியுமா.? மருத்துவர் விளக்கம்..

மேலும் அவர், குளிர் காலங்களில் உடலுக்குத் இயற்கையாகவே தேவைப்படும் வெப்பம், மெதுவான ஆற்றல் மற்றும் தாதுக்கள் நிறைந்த ஊட்டச்சத்தை உடல் உடனடியாகப் பெறத் தொடங்குகிறது. கம்பு என்பது நார்ச்சத்து, இரும்புச்சத்து, மெக்னீசியம், புரதம் மற்றும் குடலுக்கு உகந்த சிக்கலான கார்போஹைட்ரேட்டுகள் நிறைந்த, மிகவும் சக்திவாய்ந்த குளிர்கால தானியங்களில் ஒன்றாகும்” என்று கூறினார்.

அன்றாட உணவில் கம்புவை பல்வேறு வழிகளில் சேர்க்கலாம். இதில் நிபுணர் குளிர்காலத்தில் கம்பு ரொட்டி அல்லது கிச்சடி சேர்ப்பதால் உடலில் என்னாகும் என்பது குறித்து கூறியுள்ளார்.

• செரிமானத்தை மேம்படுத்தி அமிலத்தன்மையைக் குறைக்க உதவுகிறது
• உடலை உள்ளிருந்து கதகதப்பாக வைத்திருக்க உதவும்
• இரத்த சர்க்கரை அளவை நிலைப்படுத்துவதற்கு உதவுகிறது
• தைராய்டு மற்றும் ஹார்மோன் சமநிலைக்கு உதவும்
• நீண்ட நேரம் வயிறு நிரம்பிய உணர்வைத் தந்து, பசி உணர்வைக் குறைப்பதற்கு உதவுகிறது
• இரும்புச்சத்து மற்றும் ஆற்றலை அதிகரிக்க வழிவகுக்கும்
• குளிர் மாதங்களில் சிறந்த சருமத்திற்கும், நோய் எதிர்ப்பு சக்திக்கும் மிகுந்த நன்மை பயக்கும்.

how-to-make-kambu-koozh-or-pearl-millet-porridge

View this post on Instagram

A post shared by Dietitian Shweta J Panchal | The Diet Therapy (@dt.shwetashahpanchal)

மேலும் ஊட்டச்சத்து நிபுணர், “இந்திய குளிர்கால உணவுகள் உடலியலுக்காகவே வடிவமைக்கப்பட்டுள்ளன — நவநாகரீகப் போக்குகளுக்காக அல்ல. கம்பு என்பது உங்கள் வளர்சிதை மாற்றம், குடல், ஹார்மோன்கள் மற்றும் பருவகாலத் தேவைகளுடன் இணைந்து செயல்படும் ஒரு தானியத்திற்குச் சரியான எடுத்துக்காட்டு” என்று அறிவுறுத்துகிறார்.

முடிவுரை

கம்பு ஒரு பல்துறை தானியமாகும். இதை ரொட்டி, கிச்சடி தவிர, கம்பு பராத்தா, கம்பு பாக்கரி போன்ற பல்வேறு வழிகளில் எடுத்துக் கொள்ளலாம். இதன் வெப்பமூட்டும் தன்மையும், அதிக நார்ச்சத்து மற்றும் அதிக ஊட்டச்சத்து உள்ளடக்கம் இருப்பதால் இது குளிர்காலத்திற்குத் தேவையான சிறந்த தேர்வாகும்.

பொறுப்புத்துறப்பு

இதில் வழங்கப்பட்ட தகவல்கள் பொதுவான தகவல் நோக்கங்களுக்காக மட்டுமே. எனினும், தனிப்பட்ட தகவல்களைப் பெற விரும்புபவர்கள் அல்லது புதிய முயற்சிகளைக் கையாள விரும்புபவர்கள் எப்போதும் தகுதிவாய்ந்த நிபுணரை அணுகுவது நல்லது.

இந்த பதிவும் உதவலாம்: Millet Rice: நாவில் எச்சில் ஊறும் சுவையில் நாட்டுக்கம்பு சாதம்! இப்படி செஞ்சா மிச்சமே இருக்காது

Image Source: Freepik