குளிர்காலத்தில் உங்க டயட்ல தினமும் ஒரு சிட்டிகை பெருங்காயம் சேர்த்துக்கோங்க.. அவ்ளோ நன்மைகள் இருக்கு

குளிர்காலம் அனைவருக்கும் நிம்மதியான, மகிழ்ச்சியான காலநிலையாக இருப்பினும், பல்வேறு நோய்த்தொற்றுக்கள் அதிகரிக்கும் காலமாகவும் அமைகிறது. ஏனெனில், இந்த காலகட்டத்தில் உடலில் நோயெதிர்ப்புச் சக்தி குறைந்து காணப்படுகிறது. குறிப்பாக, நோயெதிர்ப்புச் சக்தி பலவீனமாக உள்ளவர்கள், குழந்தைகள் மற்றும் பெரியவர்கள் என அனைவரும் எளிதில் நோய்த்தொற்றுக்களால் பாதிக்கப்படுகின்றனர். எனவே, இது போன்ற காலநிலையில் உடலை பாதுகாப்பாகவும், ஆரோக்கியமாகவும் வைத்துக் கொள்வது அவசியமாகும்.

இந்நிலையில், குளிர்கால நோய்த்தொற்றுக்களிலிருந்து நம்மைப் பாதுகாப்பதற்கு அன்றாட உணவுமுறையில் சில மாற்றங்களைக் கொண்டு வர வேண்டும். அந்த வகையில், குளிர்காலத்தில் நீங்கள் அடிக்கடி நோய்வாய்ப்பட்டால், தினமும் ஒரு சிட்டிகை பெருங்காயம் உட்கொள்வது நன்மை பயக்கும் என்று கூறப்படுகிறது. பெருங்காயம் சிறந்த பாரம்பரிய மருந்துகளில் ஒன்றாகும். இது பல சிறிய மற்றும் பெரிய பிரச்சினைகளிலிருந்து உடலைப் பாதுகாக்கும் மருத்துவ குணங்களைக் கொண்டுள்ளது.

குளிர்காலத்தில் பெருங்காயம் ஏன் சாப்பிட வேண்டும்?

குளிர்காலத்தில் பெருங்காயத்தின் நன்மைகளில் ஒன்றாக, இது உடலுக்கு வெப்பத்தை அளிக்கிறது. மேலும், இது செரிமானத்தை மேம்படுத்துகிறது மற்றும் நோய் எதிர்ப்பு சக்தியை அதிகரிக்கும். இதற்கு, குளிர்காலத்தில் தினமும் ஒரு சிட்டிகை பெருங்காயத்தை உட்கொள்ள வேண்டும். பெருங்காயத்தை உட்கொள்வது உடலுக்கு பல நன்மைகளையும் வழங்குகிறது.

இதில் குளிர்காலத்தில் பெருங்காயம் சாப்பிடுவதால் ஏற்படும் நன்மைகள் குறித்து தி டயட் எக்ஸ்பர்ட்ஸ் நிறுவனத்தின் தலைமை நிர்வாக அதிகாரி மற்றும் தலைமை உணவியல் நிபுணர் டாக்டர் சிம்ரத் கதுரியா அவர்கள் விரிவாகக் குறிப்பிட்டுள்ளார். அதைப் பற்றி இங்குக் காண்போம்.

பெருங்காயம் சாப்பிடுவதால் உடலுக்கு ஏற்படும் நன்மைகள்

வலுவான செரிமான அமைப்பு

தினமும் பெருங்காயத்தை உட்கொள்வது, செரிமான அமைப்பை மேம்படுத்த உதவுகிறது. பெருங்காயம் சாப்பிடுவது அஜீரணம், வயிற்றுப் பிடிப்புகள் மற்றும் வாயு போன்ற பல்வேறு பிரச்சனைகளில் இருந்து நிவாரணம் அளிக்கிறது. இதன் மூலம் எரிச்சல் கொண்ட குடல் நோய்க்குறி(IBS) பிரச்சனையைத் தவிர்க்கலாம்.

இந்த பதிவும் உதவலாம்: பெருங்காயத்தில் இவ்வளவு மகிமை இருக்கா.? மருத்துவர் விளக்கம்..

எடை இழப்புக்கு

உடல் எடையை இழக்க விரும்புபவர்கள், தங்கள் உணவில் பெருங்காயம் சேர்த்துக் கொள்வது நன்மை பயக்கும். இது செரிமானத்தை மேம்படுத்தவும், வாயு உருவாவதைத் தடுக்கவும் உதவுகிறது. மேலும், இது உடல் பருமனைத் தடுக்க உதவுகிறது.

இரத்த சர்க்கரையை கட்டுக்குள் வைத்திருக்க

தினமும் பெருங்காயம் உட்கொள்வது இரத்த சர்க்கரையை கட்டுப்படுத்த உதவுகிறது. எனவே, தினமும் காலையில் பெருங்காயம் தண்ணீரைக் குடிக்கலாம். இது நீரிழிவு நோயைக் கட்டுப்படுத்த பெரிதும் உதவுகிறது. 

ஃப்ரீ ரேடிக்கல்களிலிருந்து பாதுகாப்பதற்கு

பெருங்காயத்தில் நல்ல அளவிலான ஆக்ஸிஜனேற்றிகள் நிறைந்துள்ளன. இவை ஃப்ரீ ரேடிக்கல்களிலிருந்து பாதுகாக்க உதவுகின்றன. பெருங்காயத்தை உட்கொள்வது வீக்கம், இதய நோய், புற்றுநோய் மற்றும் வகை 2 நீரிழிவு போன்ற பிரச்சினைகளைத் தடுக்க உதவுகிறது.

சரும ஆரோக்கியத்திற்கு மேம்படுத்த

பெருங்காயத்தை உட்கொள்வது உடல் ஆரோக்கியத்திற்கும், சருமத்திற்கும் மிகுந்த நன்மை பயக்கும். இது இயற்கையாகவே சருமத்தை பிரகாசமாக்கி, சுருக்கங்கள் மற்றும் பருக்கள் போன்ற பிரச்சனைகளிலிருந்து நிவாரணம் அளிக்க உதவுகிறது.

குளிர்காலத்தில் பெருங்காயத்தை எப்படி உட்கொள்வது?

• பெருங்காயம் ஒரு சூப்பர்ஃபுட் என்றே கருதப்படுகிறது. இதை குளிர்காலத்தில் தினமும் உட்கொள்ள விரும்பினால், ஒரு டம்ளர் நீரில், ஒரு சிட்டிகை பெருங்காயத்தை கலந்து காலையில் குடிக்கலாம்
• பெருங்காயத்தில் ஆக்ஸிஜனேற்ற, அழற்சி எதிர்ப்பு மற்றும் நுண்ணுயிர் எதிர்ப்பு பண்புகள் உட்பட பல மருத்துவ குணங்கள் உள்ளன என்பது குறிப்பிடத்தக்கது.
• எனவே, ஒரு சிட்டிகை பெருங்காயத்தைத் தினமும் உட்கொள்வதன் மூலம் ஆரோக்கிய நன்மைகளைப் பெறலாம்.

குளிர்காலத்தில் தினமும் ஒரு சிட்டிகை பெருங்காயம் சாப்பிடுவது ஏராளமான நன்மைகளைத் தருகிறது. எந்த பக்க விளைவுகளும் இல்லாமல் பல்வேறு சிறிய மற்றும் பெரிய பிரச்சனைகளிலிருந்து உடலைப் பாதுகாக்க விரும்பினால், பெருங்காயம் ஒரு சிறந்த தேர்வாக இருக்கும். எனினும், எந்தவொரு புதிய பொருளையும் தங்களது உணவில் எடுத்துக் கொள்ளும் முன்பாக, நிபுணர் அல்லது மருத்துவர் ஆலோசனை பெறுவது அவசியமாகும்.

பொறுப்புத்துறப்பு

இதில் வழங்கப்பட்ட தகவல்கள் பொதுவான தகவல் நோக்கங்களுக்காக மட்டுமே. எனினும், தனிப்பட்ட தகவல்களைப் பெற விரும்புபவர்கள் அல்லது புதிய முயற்சிகளைக் கையாள விரும்புபவர்கள் எப்போதும் தகுதிவாய்ந்த நிபுணரை அணுகுவது நல்லது.

இந்த பதிவும் உதவலாம்: வெறும் வயிற்றில் பெருங்காய நீர் மட்டும் குடித்து பாருங்கள்! ஸ்லிம் உடல் உறுதி!

Image Source: Freepik