Is it good to eat peanuts in winter: குளிர்காலம் வந்துவிட்டாலே உடல் ஆரோக்கியத்தின் மீது அதிக கவனம் செலுத்துவது அவசியமாகும். இந்நிலையில் குளிர்ந்த காலநிலையில் உணவுமுறைகளைப் பாதுகாப்பாக கையாள வேண்டியது அவசியமாகும். ஏனெனில் இந்த காலகட்டத்திலேயே தெரு உணவுகள், கறி உணவுகள் போன்ற உணவுகளிலேயே அதிக நாட்டம் இருக்கும். எனினும், உடல் எடையைக் கட்டுக்குள் வைத்திருப்பதும், ஆரோக்கியமான வாழ்க்கை முறையைக் கையாள்வதும் முக்கியமாகும்.
எனவே உணவுமுறைகளைப் பொறுத்த வரை ஆரோக்கியமான உணவுகளுடன், ஆரோக்கியமான சிற்றுண்டிகளைத் தேர்வு செய்வதும் அவசியமாகும். அந்த வகையில், குளிர்காலத்தில் வேர்க்கடலை உட்கொள்ளல் ஒரு சிறந்த ஆரோக்கியமான சிற்றுண்டியாகக் கருதப்படுகிறது. இது பல்வேறு ஆரோக்கிய நன்மைகளை வழங்குகிறது. இது சுவையானது மட்டுமல்லாமல், குளிர்காலத்தில் குளிர்ச்சியை எதிர்த்துப் போராட உதவும் பல்வேறு ஊட்டச்சத்துக்களை வேர்க்கடலை கொண்டுள்ளது.
இந்த பதிவும் உதவலாம்: Benefits of Eating Nuts Everyday: தினமும் ஒரு கைப்பிடி நட்ஸ் சாப்பிடுவது இவ்வளவு நல்லதா?
குளிர்காலத்தில் வேர்க்கடலை சாப்பிடுவதால் கிடைக்கும் நன்மைகள்
ஊட்டச்சத்துக்கள் நிறைந்த
வேர்க்கடலை ஆனது பல்வேறு வகையான வைட்டமின்கள் மற்றும் தாதுக்கள் நிறைந்தவையாகும். இது வைட்டமின் பி குறிப்பாக நியாசின், ஃபோலேட் போன்றவற்றின் சிறந்த மூலமாகக் கருதப்படுகிறது. இவை செல்லுல்லார் செயல்பாட்டிற்கு முக்கியமானவையாகும். இது ஆற்றல் வளர்ச்சிதை மாற்றத்திற்கு உதவுகிறது. வேர்க்கடலையில் உள்ள மக்னீசியம் சத்துக்கள் தசை மற்றும் நரம்பு செயல்பாட்டை ஆதரிக்கிறது. குளிர்கால வாழ்க்கைக்கு உடல் ரீதியாக சுறுசுறுப்பைத் தர இது ஒரு சிறந்த தேர்வாகும்.
எடை மேலாண்மைக்கு
இது கலோரி அடர்த்தி மிக்கதாக இருந்தாலும், இதை மிதமான அளவில் உட்கொள்ளுவதன் மூலம் எடை மேலாண்மைக்கு உதவுகிறது. மேலும், இதில் புரதம், நார்ச்சத்துக்கள் மற்றும் ஆரோக்கியமான கொழுப்புகள் நிறைந்துள்ளது. இதனால், வேர்க்கடலையை உட்கொள்வது முழுமை உணர்வுகளைத் தருகிறது. இதன் மூலம் சாப்பிடுவதற்கான வாய்ப்பைக் குறைக்கிறது. குறிப்பாக, குளிர்காலத்தில் கலோரி நிறைந்த உணவுகள் மிகவும் கவர்ச்சிகரமானதாக இருக்கும் போது உதவியாக இருக்கும்.
இதய ஆரோக்கியத்தை மேம்படுத்த
வேர்க்கடலையைத் தொடர்ந்து உட்கொள்வதன் மூலம் இதய ஆரோக்கியத்தை மேம்படுத்தலாம். வேர்க்கடலையில் மோனோசாச்சுரேட்டட் கொழுப்புகள் நிறைந்து காணப்படுகிறது. எனவே இவை உடலின் கெட்ட கொழுப்பின் அளவைக் குறைத்து, இதய நோய் அபாயத்தைக் குறைக்க உதவுகிறது. கூடுதலாக, வேர்க்கடலையில் ரெஸ்வெராட்ரோல் போன்ற ஆக்ஸிஜனேற்றங்கள் நிறைந்துள்ளது. இவை வீக்கத்தைத் தடுக்கவும், இரத்த ஓட்டத்தை மேம்படுத்தவும் உதவுகிறது. குளிர்ந்த காலநிலையில் உயர் இரத்த அழுத்தம் கவலையாக இருக்கும் பட்சத்தில், இது மிகவும் பயனுள்ளதாக அமைகிறது.
இந்த பதிவும் உதவலாம்: Peanuts For Weight Loss: கிடுகிடுனு எடை குறைய.. வேர்க்கடலையை இப்படி ட்ரை பண்ணுங்க.!
செரிமான ஆரோக்கியத்திற்கு
வேர்க்கடலையில் அதிக நார்ச்சத்துக்கள் நிறைந்துள்ளது. இவை ஆரோக்கியமான செரிமானத்தை ஊக்குவிக்கிறது. வழக்கமான நார்ச்சத்து உட்கொள்ளல் மலச்சிக்கல்லைத் தடுக்க உதவுகிறது. பொதுவாக, குளிர்காலத்தில் மக்கள் குறைந்த சுறுசுறுப்புடன் காணப்படுவர். இது குறைந்த அளவிலான நீரை உட்கொள்வதால் ஏற்படும் பொதுவான பிரச்சனையாகும். வேர்க்கடலை உட்கொள்ளல் குடல் இயக்கத்தை ஆதரிக்கிறது மற்றும் ஆரோக்கியமான குடல் நுண்ணுயிரிக்கு பங்களிக்கிறது.
ஆற்றலை அதிகரிக்க
குளிர்காலத்தில் அடிக்கடி குறுகிய நாள்கள் மற்றும் குளிர்ந்த வெப்பநிலையே காணப்படும். இது சோர்வு உணர்வை அதிகரிக்கிறது. இந்நிலையில், ஆரோக்கியமான கொழுப்புகள் மற்றும் புரதத்தின் அதிக உள்ளடக்கம் நிறைந்த வேர்க்கடலை உட்கொள்வது ஒரு சிறந்த ஆற்றல் மூலமாகக் கருதப்படுகிறது. அதன் படி, ஒரு சிறிய கையளவு வேர்க்கடலை உட்கொள்ளல் விரைவான ஆற்றல் ஊக்கத்தை அளிக்கிறது. இதன் மூலம் குளிர்கால சோம்பலை எதிர்த்துப் போராட உதவும் ஒரு சிறந்த சிற்றுண்டியாகும். மேலும் இதன் கொழுப்புகள், புரதங்களின் கலவையானது நாள் முழுவதும் ஆற்றல் மட்டங்களைத் தக்கவைத்து, உடலை சுறுசுறுப்பாக வைக்க உதவுகிறது.
நோயெதிர்ப்புச் செயல்பாட்டை மேம்படுத்த
பெரும்பாலும் குளிர்ந்த காலநிலையில் உடலில் நோயெதிர்ப்புச் சக்தி குறைவாகவே காணப்படும். இதன் காரணமாகவே சிறு குழந்தைகள் முதல் பெரியவர்கள் வரை நோய்த்தொற்றால் எளிதில் பாதிக்கப்படுகின்றனர். இந்நிலையில் வைட்டமின் ஈ, துத்தநாகம் மற்றும் இன்னும் பிற ஊட்டச்சத்துக்கள் நிறைந்த வேர்க்கடலையைத் தேர்வு செய்யலாம். இவை நோயெதிர்ப்பு மண்டலத்தை ஆதரிப்பதில் முக்கிய பங்கு வகிக்கிறது. எனவே இது நோய்த்தொற்றுக்களைத் தடுக்கவும், நோயெதிர்ப்புச் செயல்பாட்டை மேம்படுத்தவும் உதவுகிறது.
இது போன்ற ஏராளமான நன்மைகளைப் பெற குளிர்காலத்தில் வேர்க்கடலை சாப்பிடலாம். எனினும், அதிக கலோரி மிக்க சிற்றுண்டி என்பதால் இதை குறைந்த அளவு எடுத்துக் கொள்வது நல்லது.
இந்த பதிவும் உதவலாம்: Raw Peanuts Benefits: தினமும் பச்சை வேர்க்கடலை சாப்பிடுவது ஆரோக்கியத்திற்கு எவ்வளவு நல்லது தெரியுமா?
Image Source: Freepik
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
Current Version