மனதளவில் அதிகமாகத் தூண்டப்படும்போது நீங்க சாப்பிட வேண்டிய உணவுகள் என்னென்ன தெரியுமா?

இன்றைய பிஸியான காலகட்டத்தில், மோசமான வாழ்க்கை முறை, உணவு முறை மற்றும் உடல் செயல்பாடுகள் இல்லாதது போன்றவை பல பிரச்சனைகளுக்கு வழிவகுக்கிறது. ஆனால், இதில் மன அழுத்தமும் முக்கிய பங்கு வகிக்கின்றன. ஆம். உண்மையில் இன்றைய நவீன காலத்தில் வேலைப்பளு, அதிக மொபைல் பயன்பாடு உள்ளிட்ட பல்வேறு காரணங்களால் மன அழுத்தம், பதட்டம் உள்ளிட்டவற்றைச் சந்திக்கும் சூழல் ஏற்படுகிறது. இதனால், ஒருவரின் மனம் நிலைப்பாடு இல்லாமல், சீரற்ற நிலையில் காணப்படுகிறது. இது அவர்களின் அன்றாட வாழ்க்கையைச் சீர்குலைக்கலாம்.

இவ்வாறு மனம் அதிகமாகத் தூண்டப்படும்போது, நாம் எடுத்துக் கொள்ளக்கூடிய சில உணவுகள் மனதை தளர்வடையச் செய்வதுடன், சீராக வைத்திருக்கவும் உதவுகிறது. இதில் மனம் அதிகமாகத் தூண்டப்படும்போது எந்தெந்த ஊட்டச்சத்துக்கள் நிறைந்த உணவுகளைச் சாப்பிடலாம் என சிகிச்சையாளரும், முழுமையான சுகாதார பயிற்சியாளருமான டாக்டர் நடால்யா ஃபதேயேவா அவர்கள் தனது இன்ஸ்டாகிராம் பக்கத்தில் சில தகவல்களைப் பகிர்ந்துள்ளார். அதைப் பற்றி இங்குக் காண்போம்.

மன ஆரோக்கியத்திற்கு சாப்பிட வேண்டிய உணவுகள்

மருத்துவர் நடால்யாவின் கூற்றுப்படி, “உங்கள் மனம் அதிகமாகத் தூண்டப்படும்போது, உணவு உங்களை நிரப்புவதை விட அதிகமாகச் செய்யும் - இது உங்கள் நரம்பு மண்டலத்தை அமைதிப்படுத்தி உங்களை மீண்டும் சமநிலைக்குக் கொண்டுவர உதவும்.” என்று குறிப்பிடுகிறார்.

இந்த பதிவும் உதவலாம்: Stress Relieving Foods: மன அழுத்தத்தை குறைக்க… இந்த உணவுகளை சாப்பிடுங்கள்!

அதனைத் தொடர்ந்து, மருத்துவர் சில வைட்டமின்கள் மற்றும் தாதுக்கள் எடுத்துக் கொள்ள பரிந்துரைக்கிறார். இது மன அழுத்தம், கவனம் மற்றும் ஓய்வுக்கான இயற்கையான கட்டுப்பாட்டாளர்களாகச் செயல்படுகின்றன. சரியான உணவுகளுடன் அவற்றை இணைப்பது கார்டிசோலைக் குறைக்கவும், மகிழ்ச்சி ஹார்மோனான செரடோனினை அதிகரிக்கவும் உதவுவதாக கூறியுள்ளார். மேலும் உங்கள் ஆற்றலை அதிகரிப்பதற்கும் நொறுக்குவதற்கும் பதிலாக நிலையாக வைத்திருக்கும் என்றும் குறிப்பிட்டுள்ளார்.

மன ஆரோக்கியத்திற்குத் தேவையான ஊட்டச்சத்துக்களும், அதன் உணவுகளும்

மெக்னீசியம் நிறைந்த உணவுகள்

நம் உடல் ஆரோக்கியத்திற்குத் தேவையான முக்கிய ஊட்டச்சத்துக்களில் மெக்னீசியம் முக்கிய பங்கு வகிக்கிறது. தளர்வு சமிக்ஞைகளை ஆதரிப்பதன் மூலம் நரம்புகள் மற்றும் தசைகளை அமைதிப்படுத்துகிறது. மேலும் இது தசைகளைத் தளர்த்துவதுடன், நரம்பு மண்டலங்களை அமைதிப்படுத்துகிறது.

உணவில் மெக்னீசியம் ஊட்டச்சத்துக்கள் நிறைந்த அவகேடோ, டார்க் சாக்லேட், பூசணி விதைகள் மற்றும் கீரை வகைகளை எடுத்துக் கொள்ள மருத்துவர் பரிந்துரைக்கிறார்.

வைட்டமின் B6

இந்த வைட்டமின் பி6 நிறைந்த உணவுகளை உட்கொள்வது உடலில் மகிழ்ச்சி ஹார்மோன்களான செரோடோனின் மற்றும் டோபமைன் சமநிலையை ஆதரிக்க உதவுகிறது. இவ்வாறு சமநிலைப்படுத்துவது மனநிலை நிலைத்தன்மைக்கு பெரிதும் உதவுகிறது.

இந்த ஊட்டச்சத்துக்களைப் பெற உணவில் சுண்டல், சால்மன் மீன், வாழைப்பழம் மற்றும் சூரியகாந்தி விதைகளை எடுத்துக் கொள்ள பரிந்துரைக்கிறார்.

ஒமேகா-3 கொழுப்பு அமிலங்கள்

இது மனநிலையை பாதிக்கக்கூடிய வீக்கத்தைக் குறைத்து, நிலையான மனநிலைக்கு வழிவகுக்கிறது. எனவே தான் மூளை ஆரோக்கியத்திற்கு ஒமேகா-3 அவசியமான ஊட்டச்சத்துக்களில் ஒன்றாகக் கருதப்படுகிறது.

ஒமேகா-3 நிறைந்த வால்நட்ஸ், சியா விதைகள், ஆளி விதைகள் மற்றும் மத்தி மீன்கள் போன்றவற்றை எடுத்துக் கொள்ள மருத்துவர் பரிந்துரைக்கிறார்.

துத்தநாகம்

இவை மன அழுத்த ஹார்மோனான கார்டிசோலை ஒழுங்குபடுத்துவதுடன், மன அழுத்த பதிலளிப்பை ஆதரிக்கிறது. இதன் மூலம் நல்ல மனநிலையை ஆதரிக்கலாம்.

எனவே அன்றாட உணவில் முந்திரி, சணல் விதைகள், மாட்டிறைச்சி மற்றும் சிப்பிகள் போன்றவற்றைச் சேர்க்க வேண்டும்.

இந்த பதிவும் உதவலாம்: Stress Reduce Foods: மன அழுத்தத்தை குறைக்க உதவும் டாப் உணவுகள்.. 

வைட்டமின் சி

வைட்டமின் சி நிறைந்த உணவுகள் இயற்கையாகவே கார்டிசோலைக் குறைத்து, மன அழுத்த சேதத்திலிருந்து மூளையைப் பாதுகாக்கிறது.

ஆரஞ்சு, கிவி, குடைமிளகாய் மற்றும் ஸ்ட்ராபெர்ரி போன்ற வைட்டமின் சி நிறைந்த உணவுகளை எடுத்துக் கொள்ள வேண்டும்.

View this post on Instagram

A post shared by Dr. Natalya Fateyeva (@elnatherapy)

எல்-தியானைன்

இது ஒரு வகையான அமினோ அமிலமாகும். இது நிதானமான மூளை அலைகளை அதிகரிப்பதன் மூலம் அமைதியான கவனத்தை ஊக்குவிக்கிறது. இதன் மூலம் மனம் அமைதி பெறுவதை நன்கு உணரலாம்.

தேநீர் வகைகளான கிரீன் டீ, மட்சா டீ, கருப்பு டீ போன்றவற்றில் இந்த எல்-தியானைன் அமினோ அமிலங்கள் காணப்படுகின்றனர்.

பொட்டாசியம்

இவை நரம்பு சமிக்ஞைகளை சமநிலையில் வைத்திருக்க உதவும் ஊட்டச்சத்து ஆகும். மேலும் இது அதிகப்படியான தூண்டுதலைத் தடுக்கிறது.

அந்த வகையில், சர்க்கரைவள்ளிக்கிழங்கு, தேங்காய் தண்ணீர், வெள்ளை பீன்ஸ், பட்டர்நட் ஸ்குவாஷ் போன்ற உணவுகளை எடுத்துக் கொள்ள வேண்டும்.

மெலடோனின்

இவை தூக்க சுழற்சிகளை ஒழுங்குபடுத்தவும், மூளையை மீட்டெடுக்கவும் உதவுகிறது. எனவே, அன்றாட உணவில் மெலடோனினைச் சேர்ப்பது அவசியமாகும்.

புளிப்பு செர்ரி, பிஸ்தா, திராட்சை மற்றும் தக்காளி போன்றவை மெலடோனின் நிறைந்த உணவுகளாகும். இவை மன ஆரோக்கியத்தை மேம்படுத்துகின்றன.

நீரேற்றமாக இருப்பது

உடலை நீரேற்றமாக வைத்திருப்பதன் மூலம் சோர்வைத் தடுக்கலாம். மேலும், இது மன ஆற்றலை சீராக வைத்திருக்க உதவுகிறது.

எனவே நீரேற்றமாக இருக்க உணவில் தர்பூசணி, அன்னாச்சிப்பழம், கீரை வகைகள் மற்றும் வெள்ளரிக்காயைச் சேர்ப்பது அவசியமாகக் கருதப்படுகிறது.

பொறுப்புத்துறப்பு

இதில் வழங்கப்பட்ட தகவல்கள் பொதுவான தகவல் நோக்கங்களுக்காக மட்டுமே. எனினும், தனிப்பட்ட தகவல்களைப் பெற விரும்புபவர்கள் அல்லது புதிய முயற்சிகளைக் கையாள விரும்புபவர்கள் எப்போதும் தகுதிவாய்ந்த நிபுணரை அணுகுவது நல்லது.

இந்த பதிவும் உதவலாம்: Food and Mood: நாம் உண்ணும் உணவு நம் உணர்ச்சிகளைப் பாதிக்குமா? டாக்டர் கூறுவது இங்கே!

Image Source: Freepik