தாய்ப்பாலை அதிகரிக்க வீட்டிலேயே செய்து சாப்பிடக்கூடிய டாப் ஸ்நாக்ஸ் வகைகள்.. நிபுணர் பரிந்துரை

புதிதாக பிறந்த குழந்தைகளுக்கு தாய்ப்பால் ஒன்றே ஆதாரமாகும். தாய்மார்கள் குழந்தை பிறந்த முதல் ஆறு மாதம் வரையாவது, கட்டாயம் தாய்ப்பால் கொடுப்பது அவசியமாகக் கருதப்படுகிறது. ஏனெனில், குழந்தைகள் பிறந்த முதலே அவர்களுக்கு அன்றாட ஊட்டச்சத்து கிடைப்பது அவசியமாகும். மேலும் அவர்களின் நோயெதிர்ப்புச் சக்தி மிகக் குறைவாகக் காணப்படுகிறது. இந்நிலையில், குழந்தைகளுக்குத் தேவையான ஊட்டச்சத்துக்களையும், நோயெதிர்ப்புச் சக்தியையும் தாய்ப்பால் மூலம் மட்டுமே குழந்தைகள் பெற முடியும். அதிலும், குழந்தையின் ஆரோக்கியத்தைப் பாதுகாக்க, தாய்ப்பாலுக்கு நிகரான வேறு எந்த சத்தும் இல்லை என்றே கூறலாம்.

பொதுவாக, தாய்ப்பால் கொடுப்பது குழந்தைகளின் ஆரோக்கியத்திற்கு மட்டுமல்லாமல் தாயின் ஆரோக்கியத்திற்கும் மிகவும் நன்மை பயக்கும். பெண்கள் தாய்ப்பால் கொடுப்பதன் மூலமாக மார்பக புற்றுநோய் அபாயத்திலிருந்து விடுபடலாம். எனினும், பெண்களுக்கு உடல் ரீதியாக ஏற்படும் பிரச்சனைகளின் வெளிப்பாடாக தாய்ப்பால் சுரப்பு குறைவாத இருப்பதைக் குறிக்கிறது. எனினும், இந்த சூழலுக்குப் பின்னால் மற்ற சில காரணங்களாக தூக்கமின்மை, உணவுப்பழக்கங்கள் போன்றவை இருக்கக் கூடும். இதில் பெண்களுக்கு தாய்ப்பால் சுரக்க எடுத்துக்கொள்ள வேண்டிய சில வீட்டு தின்பண்டங்கள் குறித்து ஊட்டச்சத்து நிபுணர் லோவ்னீத் பத்ரா அவர்கள் தனது இன்ஸ்டாகிராம் பக்கத்தில் சில தகவல்களைப் பகிர்ந்துள்ளார். அது பற்றி இதில் காண்போம்.

இந்த பதிவும் உதவலாம்: கர்ப்பம் மற்றும் தாய்ப்பால் கொடுக்கும் போது எலும்பில் ஏற்படும் மாற்றங்கள்.. அதை மீட்டெடுக்க உதவும் குறிப்புகள்

பெண்களுக்கு தாய்ப்பால் சுரக்க உதவும் தின்பண்டங்கள்

ஊட்டச்சத்து நிபுணர் லோவ்னீத் பத்ரா அவர்கள், “புதிய அம்மாக்களே, பிரசவத்திற்குப் பிந்தைய பயணம் எளிதானது அல்ல என்பது எங்களுக்குத் தெரியும் - உங்கள் உடலுக்கு மீட்பு தேவை, உங்கள் குழந்தைக்கு ஊட்டச்சத்து தேவை, உங்கள் ஆற்றல் நிலைகள் தொடர்ந்து சவால் செய்யப்படுகின்றன. சப்ளிமெண்ட்ஸ் உதவக்கூடும் என்றாலும், உங்கள் சமையலறையில் நீங்கள் ஒவ்வொரு நாளும் நம்பக்கூடிய மிகவும் சக்திவாய்ந்த பாலூட்டலை அதிகரிக்கும் உணவுகள் உள்ளன” என்று தனது பதிவைத் தொடங்கியுள்ளார்.

அதனைத் தொடர்ந்து தாய்ப்பால் உற்பத்தியை ஆதரிப்பது மட்டுமல்லாமல், மீட்பு, செரிமானம் மற்றும் ஆற்றலுக்கும் உதவும் 5 சக்திவாய்ந்த வீட்டில் தயாரிக்கப்பட்ட சிற்றுண்டிகள் குறித்து நிபுணர் பகிர்ந்துள்ளார். அதைப் பற்றி இங்குக் காண்போம்.

எள்-வெந்தயம் லட்டு (Sesame-Methi-Dill Ladoo)

தாய்ப்பால் சுரப்புக்கு எள், வெந்தயம் கலந்த லட்டுவை நிபுணர் பரிந்துரைக்கிறார். இதில் வெந்தயம் பால் சுரப்புக்கு பெரிதும் உதவுகிறது. மேலும், எள் கால்சியம் ஊட்டச்சத்துக்கள் நிறைந்ததாகும். வெந்தயம் செரிமானத்திற்கு உதவுகிறது. இந்த லட்டு தயார் செய்வதற்கு பேரீச்சம்பழம் மற்றும் பாதாமை தயார் செய்யலாம். இவை இரண்டுமே ஆற்றலுக்காக உதவுகிறது. இது புதிய அம்மாக்களுக்கு ஒரு சரியான பவர்ஹவுஸ் என்று நிபுணர் கூறுகிறார்.

பூண்டு & மெத்தி Mathri (Garlic & Methi Mathri)

இது மொறுமொறுப்பான, காரமான மற்றும் ஊட்டமளிக்கக்கூடிய ரெசிபி ஆகும். இதில் சேர்க்கப்படும் வெந்தயம் பால் உற்பத்தியை அதிகரிக்கிறது. மேலும், பூண்டு உட்கொள்ளல் நோய் எதிர்ப்பு சக்தியை ஆதரிக்கிறது. இதில் சேர்க்கப்படும் அஜ்வைன் மற்றும் கருஞ்சீரக விதைகள் பிரசவத்திற்குப் பிந்தைய வீக்கத்தைத் தடுக்க உதவுகிறது.

சோம்பு ஓமம் கோந்த் லட்டு (Suva Ajwain Gond Ladoo)

நிபுணரின் கூற்றுப்படி,”ஒரு கடியில் பாரம்பரிய ஞானம்! கோந்து குணப்படுத்த உதவுகிறது, சுவா (சோம்பு) தாய்ப்பால் தூண்டுகிறது, மற்றும் ஓமம் வாயுவைக் குறைக்கிறது - மீட்பு மற்றும் ஆற்றலுக்கு ஏற்றது” என பகிர்ந்துள்ளார். சோம்பு உட்கொள்வது தாய்ப்பால் உற்பத்தியைத் தூண்ட உதவுகிறது. எனவே இதை புதிய தாய்மார்கள் எடுத்துக் கொள்ளலாம்.

இந்த பதிவும் உதவலாம்: வெறும் வயிற்றில் ஊறவைத்த வெந்தயம் சாப்பிடுவதால் கிடைக்கும் அற்புத நன்மைகள்

முருங்கை காய்கறி பட்டீஸ் (Moringa Veggie Patties)

முருங்கை இலைகள் பால் சுரப்பை அதிகரிக்க உதவுவதாக அறிவியல் பூர்வமாக நிரூபிக்கப்பட்டுள்ளது. கேரட், பீட்ரூட் மற்றும் ஆளி விதைகளுடன் இணைந்து தயார் செய்து சாப்பிடுவது குணப்படுத்தும் மற்றும் எரிபொருளாக இருக்கும் ஊட்டச்சத்து நிறைந்த சிற்றுண்டியாக அமைகிறது.

View this post on Instagram

A post shared by Lovneet Batra (@lovneetb)

அமராந்த் எனர்ஜி பார் (Amaranth Energy Bar)

இந்த ஆற்றல் பார் ஆனது இரும்பு, புரதம் மற்றும் ஆரோக்கியமான கொழுப்புகள் நிறைந்ததாகும். இதை உட்கொள்வது உடலுக்கு விரைவான ஆற்றலை வழங்குகிறது. இவை இரத்த ஆரோக்கியத்தை ஆதரிக்கவும் உதவுகிறது. மேலும், இதில் உள்ள வெந்தயம் மற்றும் இஞ்சி போன்றவை பாலூட்டும் மற்றும் செரிமானத்திற்கு உதவுகிறது.

இந்த சிற்றுண்டிகள் ஆயுர்வேதத்தில் வேரூன்றி ஊட்டச்சத்து அறிவியலால் ஆதரிக்கப்படுகிறது. இவை சுவையானவை ஆகும். மேலும் இது குணப்படுத்தும் தன்மை கொண்டது மற்றும் வீட்டிலேயே தயாரிக்க எளிதானதாக அமைகிறது.

மேலும் இதனைத் தொடர்ந்து, “நன்கு உணவளிக்கப்பட்ட தாய் = நன்கு ஊட்டமளிக்கப்பட்ட குழந்தை” என்பதை நினைவில் கொள்ள ஊட்டச்சத்து நிபுணர் பகிர்ந்துள்ளார்.

பொறுப்புத்துறப்பு

இதில் வழங்கப்பட்ட தகவல்கள் பொதுவான தகவல் நோக்கங்களுக்காக மட்டுமே. எனினும், தனிப்பட்ட தகவல்களைப் பெற விரும்புபவர்கள் அல்லது புதிய முயற்சிகளைக் கையாள விரும்புபவர்கள் எப்போதும் தகுதிவாய்ந்த நிபுணரை அணுகுவது நல்லது.

இந்த பதிவும் உதவலாம்: தாய்மார்களே! தூங்கும் குழந்தைக்கு தாய்ப்பால் கொடுக்கணுமா? டாக்டர் தரும் டிப்ஸ் இதோ

Image Source: Freepik