
மாறிவரும் வானிலையில் உடல் ஆரோக்கியத்தை கவனித்துக்கொள்வது மிகவும் முக்கியமாகும். ஏனெனில், இந்த காலகட்டத்திலேயே உடலில் நோயெதிர்ப்புச் சக்தி பலவீனமாகி, பல்வேறு உடல்நல அபாயங்கள் ஏற்படலாம். இந்நிலையில், நோய்களிலிருந்து உடலைப் பாதுகாப்பதில் நோயெதிர்ப்பு அமைப்பு முக்கிய பங்கு வகிக்கிறது. இதனால், நோய் எதிர்ப்பு சக்தி குறைவாக உள்ளவர்கள் அடிக்கடி நோய்வாய்ப்பட வாய்ப்புள்ளது. இதன் காரணமாக, சளி, வயிற்று வலி, சோம்பல் போன்ற பிரச்சினைகள் எப்போதும் காணப்படலாம். மேலும் தொற்று நோய்கள் வருவதற்கான அதிக ஆபத்தும் உள்ளது.
இந்நிலையில், நோய்களைத் தவிர்க்க நோயெதிர்ப்பு மண்டலத்தை கவனித்துக்கொள்வது மிகவும் முக்கியம். உங்கள் உணவில் சில மாற்றங்களைக் கொண்டு வருவதன் மூலம் உங்கள் நோய் எதிர்ப்பு சக்தியை அதிகரிக்கலாம். அதே சமயம், நம் அன்றாட வாழ்வில் சில மாற்றங்களைக் கொண்டு வருவதும் உடலில் நோயெதிர்ப்புச் சக்தியை அதிகரிக்கக்கூடும். இதில் எந்தெந்த தினசரி பழக்கங்கள் உடலில் நோயெதிர்ப்புச் சக்தியை அதிகரிக்கும் என்பது குறித்து வளர்சிதை மாற்ற மருத்துவர் மற்றும் விளையாட்டு நிபுணர் டாக்டர் சுதன்ஷு ராய் அவர்கள் தனது இன்ஸ்டாகிராம் பக்கத்தில் குறிப்பிட்டுள்ளார். அதைப் பற்றி இங்குக் காண்போம்.
இந்த பதிவும் உதவலாம்: இனி சளி, இருமல் வந்தா கவலை வேணாம்! நொடியில் குணமாக இந்த கஷாயத்தை உங்க வீட்லயே செஞ்சி குடிங்க
நோயெதிர்ப்புச் சக்தியை அதிகரிக்கும் தினசரி பழக்கங்கள்
உணவில் புதிய இஞ்சியைச் சேர்ப்பது
உடலில் நோயெதிர்ப்புச் சக்தியை அதிகரிக்க உணவில் புதிய இஞ்சியைச் சேர்க்க மருத்துவர் பரிந்துரைக்கிறார். இஞ்சியில் அழற்சி எதிர்ப்பு பண்புகள் மற்றும் ஆன்டிஆக்ஸிடன்ட்கள் நிறைந்து காணப்படுகிறது. இவை உடலில் நோய்த்தொற்றுகளை எதிர்த்துப் போராட உதவுகின்றன. குறிப்பாக, உணவில் இஞ்சி சேர்ப்பது இஞ்சி, இருமல் மற்றும் சளி போன்ற நோய்த்தொற்றுகளிலிருந்து நிவாரணம் அளிக்கவும், ஒட்டுமொத்த நோயெதிர்ப்பு மண்டலத்தை வலுப்படுத்தவும் உதவுகிறது.
குறைந்தது 30 நிமிடங்கள் வெளியில் நடப்பது
மிதமான உடற்பயிற்சியான நடைபயிற்சி உடலில் நோயெதிர்ப்பு மண்டலத்தின் செயல்பாட்டை மேம்படுத்துகிறது. தொடர்ந்து நடைபயிற்சி மேற்கொள்வது உடலில் ஏற்படும் அழற்சியைக் குறைக்க உதவுகிறது. எனவே நோயெதிர்ப்புச் சக்தியை அதிகரிக்க குறைந்தது 30 நிமிடங்கள் வெளியில் நடைபயிற்சி மேற்கொள்ளலாம்.
இரவு 10:30 மணிக்குள் விரைவாக தூங்குவது - வெளிச்சத்தை குறைப்பது
இரவு நேரத்தில் போதுமான தூக்கம் பெறுவது நோயெதிர்ப்புச் சக்தியை அதிகரிக்க உதவுகிறது. ஏனெனில், போதுமான ஓய்வு உடல் தன்னைத்தானே சரிசெய்யவும், நோயெதிர்ப்பு மண்டலத்தின் முக்கிய செல்களை உற்பத்தி செய்யவும் உதவுகிறது. அதே சமயம், தூக்கமின்மையால் நோயெதிர்ப்பு சக்தி பலவீனப்படுத்தப்பட்டு, தொற்றுநோய்களுக்கான ஆபத்தை அதிகரிக்கும்.
மதிய உணவிற்கு முன் ஒரு பழம் சாப்பிடுவது
மதிய உணவிற்கு முன் ஒரு பழம் சாப்பிடுவது உடலில் நோயெதிர்ப்புச் சக்தியை அதிகரிக்கும். ஏனெனில், பழங்களில் உள்ள ஆண்டிஆக்ஸிடன்ட்கள் மற்றும் வைட்டமின்கள் நோய் எதிர்ப்பு மண்டலத்தை வலுப்படுத்த உதவுகின்றன. இவை நோய் எதிர்ப்பு சக்தியை அதிகரிக்கும் பழக்கங்களில் ஒன்றாகக் கருதப்படுகிறது.
இந்த பதிவும் உதவலாம்: மழைக்கால நோய்களை தடுக்க உதவும் 5 அற்புத உணவுகள் – நிபுணர் பரிந்துரை!
புரோபயாடிக் நிறைந்த தயிரை தினமும் சேர்ப்பது
புரோபயாடிக் நிறைந்த தயிரை தினமும் உட்கொள்வது நோயெதிர்ப்புச் சக்தியை அதிகரிக்கும் என நிபுணர் பகிர்ந்துள்ளார். இதற்கு தயிரில் உள்ள புரோபயாடிக்குகளே காரணமாகும். இவை குடலில் நல்ல பாக்டீரியாக்களின் வளர்ச்சியை ஊக்குவிப்பதன் மூலம் நோயெதிர்ப்பு மண்டலத்தை வலுப்படுத்துகின்றன. மேலும் இது ஒட்டுமொத்த ஆரோக்கியத்தையும் மேம்படுத்துகிறது.
View this post on Instagram
தாகம் எடுக்கும்போது மட்டுமல்ல, தவறாமல் தண்ணீர் குடிப்பது
போதுமான அளவு தண்ணீர் குடிப்பதன் மூலம் உடலில் நோயெதிர்ப்புச் சக்தியை அதிகரிக்க முடியும். இது உடலின் நோயெதிர்ப்பு மண்டலத்தின் செயல்பாட்டை ஆதரிக்கிறது. மேலும் ஊட்டச்சத்துக்களை உடலின் பாகங்களுக்குக் கொண்டு செல்ல உதவுகிறது. மேலும் இது உடலில் உள்ள நச்சுக்களை வெளியேற்றுகிறது.
பொது இடங்களில் இருந்து திரும்பிய பிறகு கைகளை கழுவுவது
வெளியில் சென்று வீடு திரும்பிய பிறகு கைகளைக் கழுவுவது கிருமிகளை அகற்ற உதவுகிறது. இதன் மூலம் நோய்த்தொற்றுகளிலிருந்து உடலைப் பாதுகாக்கல்லாம். இது மறைமுகமாக ஆரோக்கியத்தை மேம்படுத்துகிறது மற்றும் நோயெதிர்ப்பு மண்டலத்தின் மீது ஏற்படும் சுமையைக் குறைக்கிறது.
இந்த வழக்கங்களைப் பின்பற்றுவதன் மூலம், நாம் வலிமையான மற்றும் சிறந்த பாதுகாப்பைப் பெறலாம்.
பொறுப்புத்துறப்பு
இதில் வழங்கப்பட்ட தகவல்கள் பொதுவான தகவல் நோக்கங்களுக்காக மட்டுமே. எனினும், தனிப்பட்ட தகவல்களைப் பெற விரும்புபவர்கள் அல்லது புதிய முயற்சிகளைக் கையாள விரும்புபவர்கள் எப்போதும் தகுதிவாய்ந்த நிபுணரை அணுகுவது நல்லது.
இந்த பதிவும் உதவலாம்: ஒன்றல்ல.. இரண்டல்ல.. பல நன்மைகளை அள்ளித் தரும் சிவப்பு நிற உணவுகள்! இத நீங்க கட்டாயம் உங்க டயட்ல சேர்க்கணும்
Image Source: Freepik
Read Next
அசிடிட்டியால் ஏற்படும் நெஞ்செரிச்சல் பிரச்சனையைக் குறைக்க நீங்க சாப்பிட வேண்டிய உணவுகள் இதோ
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
Current Version
Oct 16, 2025 23:33 IST
Published By : கௌதமி சுப்ரமணி