Homemade kashayam for cold and cough: பருவமழை காலமானது கோடை வெப்பத்திலிருந்து நிவாரணம் அளிப்பதாக இருப்பினும், பல்வேறு நோய்த்தொற்றுக்களை ஏற்படுத்தும் அபாயத்தை அதிகரிக்கிறது. ஆம். உண்மையில் பருவமழை காலத்தில் மக்கள் பலரும் வைரஸ்கள், மூக்கு அடைப்பு, இருமல், தொண்டை வலி மற்றும் காய்ச்சல் போன்றவற்றால் பாதிக்கப்படுகின்றனர். இதில் இருமல் மற்றும் சளி அவர்களுக்கு அசௌகரியத்தை ஏற்படுத்தக்கூடியதாக அமைகிறது. ஆனால் இதற்கு சிலர் மருந்துகளை நாடுவார்கள். சில சமயங்களில் இந்த பிரச்சனை நாள்கணக்கில் நீண்டு அன்றாட வாழ்க்கையைப் பாதிக்கக்கூடும்.
ஆனால், இதற்கு சிறந்த வீட்டு வைத்தியங்களில் ஒன்றாக கஷாயம் அமைகிறது. கஷாயத்தின் குணப்படுத்தும் பண்புகள் பலருக்கும் தெரியாத ஒன்றாகும். உண்மையில், இருமல் மற்றும் சளிக்கான ஆயுர்வேத மூலிகை தயாரிப்பான கஷாயம் வீக்கத்தைக் குறைப்பது, தொண்டை புண்களை ஆற்றுவதற்கு மற்றும் சுவாச மண்டலத்தை திறம்பட நச்சு நீக்க போன்ற நன்மைகளைத் தருகிறது. ஆயுர்வேதத்தில் கஷாயம் தயாரிப்பதற்கு இஞ்சி, மஞ்சள் மற்றும் மிளகு போன்ற மூலிகைகள் சேர்க்கப்படுகிறது. இவை அனைத்துமே ஒருங்கிணைந்த முறையில் செயல்பட்டு இருமல், சளி பிரச்சனைகளைப் போக்க உதவுகிறது.
அதிக அளவு மற்றும் மருந்தக மருந்துகளின் தற்காலிக நிவாரணத்தை நம்புவதற்குப் பதிலாக, இருமல் மற்றும் சளியிலிருந்து விடுபட கஷாயத்தைத் தேர்ந்தெடுப்பது குறித்து காணலாம்.
இந்த பதிவும் உதவலாம்: Ayurveda secrets for cold: ஜலதோஷத்தில் இருந்து நிவாரணம் தரும் ஆயுர்வேத ரகசியங்கள்!
ஆயுர்வேத முறைப்படி கஷாயம் எவ்வாறு செயல்படுகிறது?
ஆயுர்வேதத்தில், கஷாயம் கொதிக்க வைப்பதன் மூலம் தயாரிக்கப்படும் ஒரு மருத்துவ தயாரிப்பாகும். இதில் மூலிகைகளின் கலவை தண்ணீரில் கொதிக்க வைக்கப்பட்டு, அதன் சிகிச்சை பண்புகள் பிரித்தெடுக்கப்படுகிறது. இது இயற்கையாகவே சுகாதார பிரச்சனைகளை நீக்கி குணப்படுத்துகிறது. இந்த செறிவூட்டப்பட்ட திரவம் ஆனது பல்வேறு சுகாதார நிலைகளுக்கு ஒரு தீர்வாக உட்கொள்ளப்படுகிறது.
அதே சமயம், கஷாய சாற்றை பொருத்தமான அளவுகளில் எடுத்துக்கொள்வது அவசியமாகும். ஏனெனில், பச்சை மூலிகைகளை உட்கொள்வது பாதகமான விளைவுகளையும் ஏற்படுத்தலாம். மேலும், கஷாயத்திற்கு பயன்படுத்தப்படும் பயன்படுத்தப்படும் கொதிக்கும் முறை அதிகபட்ச ஊட்டச்சத்து பிரித்தெடுப்பை உறுதி செய்கிறது. இந்த மூலிகைகளின் முழு மருத்துவ ஆற்றலைக் கொண்டு இருமல் மற்றும் சளிக்கு ஒரு சக்திவாய்ந்த கஷாயம் தயார் செய்யப்படுகிறது.
சளி மற்றும் இருமலுக்கு கஷாயம் தரும் நன்மைகள்
வீக்கத்தைக் குறைக்க - மஞ்சள் மற்றும் மிளகு போன்ற மூலிகைகள் அழற்சி எதிர்ப்பு பண்புகள் நிறைந்ததாகும். இது இருமலுக்கு ஒரு பயனுள்ள கஷாயமாக அமைகிறது. இவை சுவாசக் குழாயில் வீக்கத்தைக் குறைத்து, சுவாசத்தை எளிதாக்குகிறது.
தொண்டையை ஆற்ற - கஷாயத்தில் சேர்க்கப்படக்கூடிய இஞ்சி மற்றும் மஞ்சள் போன்ற மூலிகைகள் தொண்டை எரிச்சலைப் போக்க உதவுகிறது. மேலும், இது சளி மற்றும் இருமலின் போது ஏற்படும் சளியை நீக்கவும் பயனுள்ளதாக இருக்கும்.
சுவாச மண்டலத்தை நச்சு நீக்குவதற்கு - கஷாயத்தில் உள்ள மூலிகைகளின் கலவையானது சுவாச மண்டலத்தை சுத்தப்படுத்தவும், இருமல் மற்றும் சளியிலிருந்து விரைவாக மீள்வதற்கும் உதவுகிறது.
நோய் எதிர்ப்பு சக்தியை அதிகரிக்க - சளி மற்றும் இருமலுக்கான கஷாயம் உடலில் தொற்றுகளை எதிர்த்துப் போராடவும், நோய் எதிர்ப்பு சக்தியை அதிகரிக்கவும் உதவும் வகையில் வேம்பு, அஸ்வகந்தா போன்ற மூலிகைகளைக் கொண்டு தயார் செய்யலாம்.
இந்த பதிவும் உதவலாம்: மஞ்சள், சுக்கு மற்றும் தேன்.. இதை சேர்த்து சாப்பிடலாமா.? இவை செய்யும் மாயாஜாலம் இங்கே..
கஷாயம் குடிப்பது உடலுக்கு எவ்வாறு பயனளிக்கிறது?
ஆயுர்வேதத்தின்படி, கஷாயம் குடிப்பது இருமல் மற்றும் சளி நிவாரணத்திற்கு பல நன்மைகளை வழங்குகிறது. ஏனெனில், இதன் தயாரிப்பில் பயன்படுத்தப்படும் மூலிகைகளின் சக்திவாய்ந்த மருத்துவ குணங்களே இதற்குக் காரணமாகும். அதன் சில நன்மைகள் குறித்து காணலாம்.
காய்ச்சல் மற்றும் தொற்றுகளைத் தடுக்க
மஞ்சள், வேம்பு, வள்ளிக்கிழங்கு மற்றும் திரிபலா போன்றவற்றைக் கொண்டு தயார் செய்யப்படக்கூடிய கஷாயம் தொற்றுகளை எதிர்த்துப் போராடவும், காய்ச்சலைத் தடுக்கவும் உதவுகிறது. இது நோய் எதிர்ப்பு சக்தியை அதிகரிக்க உதவுகிறது.
சுவாசக் கோளாறுகளை நீக்க
ஆயுர்வேதத்தில் கஷாயம் அருந்துவது மூக்கடைப்பை நீக்கவும், மார்பு இறுக்கத்தை போக்கவும், சுவாசத்தை எளிதாக்கவும் உதவுகிறது.
இருமல் மற்றும் சளிக்கு கஷாய பவுடர் தயாரிக்கும் முறை
- பாத்திரம் ஒன்றில் கொத்தமல்லி விதைகள், கிராம்பு, ஏலக்காய், சீரகம், கருப்பு மிளகு, பெருஞ்சீரகம் போன்றவற்றைச் சேர்த்து குறைந்த வெப்பத்தில் நறுமணமாக மாறும் வரை வறுக்க வேண்டும்.
- பிறகு இஞ்சியை நசுக்கி சேர்க்கலாம்.
- அதன் பின், அரைத்த மசாலா மற்றும் இஞ்சியை ஒரு கிரைண்டரில் சேர்க்கலாம்.
- கடைசியில் கலவையுடன் மஞ்சள் சேர்த்து காற்று புகாத கொள்கலனில் சேமிக்க வேண்டும்.
கஷாய திரவத்தைத் தயார் செய்வது எப்படி?
- கொதிக்கும் நீரில் பொடித்த கலவையைத் சேர்த்து, பாதி தண்ணீர் மீதமாகும் வரை காய்ச்ச வேண்டும்.
- சளி மற்றும் இருமலுக்கு இந்தக் கஷாயத்தைக் குடித்து, சுவாசக் கோளாறுகளிலிருந்து நிவாரணம் பெற, வடிகட்டிப் பயன்படுத்தலாம்.
இவ்வாறு எளிமையான முறையில் வீட்டிலேயே தயார் செய்த கஷாயத்தைக் குடிப்பதன் மூலம் இருமல், சளி பிரச்சனைகளிலிருந்து விடுபடலாம். இந்தத் தகவல்கள் மற்ற வலைத்தளங்களின் இருந்த தகவல்களின் அடிப்படையில் இருந்து கொடுக்கப்பட்டுள்ளது. எனினும், புதிய வீட்டு வைத்தியங்களைக் கையாள்வதற்கு முன்பாக உங்களுக்குத் தெரிந்த நிபுணர் அல்லது மருத்துவரிடம் ஆலோசனை பெறுவது நல்லது.
இந்த பதிவும் உதவலாம்: Runny Nose : மூக்குல சளி நிக்காம ஒழுகுதா? - இந்த வீட்டு வைத்தியங்கள ட்ரை பண்ணுங்க, பட்டுன்னு நிக்கும்...!
Image Source: Freepik
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
