சீஸ் பிடிக்குமா.? அப்போ இது கூட என்ன சாப்பிடனும், என்ன சாப்பிடக்கூடாதுனு தெரிஞ்சிக்கோங்க..

சீஸ் என்பது பலருக்கும் பிடித்த உணவு. பீட்சா, பர்கர், சாண்ட்விச் என எந்த டிஷ் ஆனாலும் சீஸ் சேர்த்தாலே சுவை அதிகரிக்கும். ஆனால், சீஸை எல்லாவற்றோடும் சேர்த்து சாப்பிடலாமா? இல்லை என்றால் என்ன பிரச்சனை வரும்? ஆயுர்வேதத்தில் உள்ள விருத்த ஆகாரம் (Viruddha Ahara) என்ற உணவுக் கலவை விதிமுறைகள் அடிப்படையில், சீஸுடன் சேர்க்கக் கூடாத சில உணவுகளை ஆயுர்வேத நிபுணர் டிம்பிள் ஜாங்க்தா பகிர்ந்துள்ளார்.

சீஸுடன் சேர்க்கக் கூடாத உணவுகள்

சீஸ் + பால்

சீஸ் என்பது ஒரு புளிக்க வைத்த உணவு. ஆனால் பால் வெறும் கொதிக்க வைத்தது மட்டுமே. இவ்விரண்டும் ஒன்றாகச் சேர்ந்தால் உடலில் மெடபாலிக் வேஸ்ட் உருவாகி அஜீரணம், வாயு, குடல் வீக்கம் போன்ற பிரச்சனைகள் ஏற்படும்.

சீஸ் + தயிர்

இரண்டுமே புளித்த உணவுகள். ஆனால் வெவ்வேறு நிலைகளில் புளிக்கப்படுகின்றன. இரண்டையும் சேர்த்தால் ஜீரண சக்தி குறைந்து, அஜீரணம் மற்றும் குடல் சிக்கல் உண்டாகும்.

சீஸ் + பழங்கள்

சீஸுடன் எலுமிச்சை, ஆரஞ்சு, மாதுளை போன்ற புளிப்புப் பழங்கள் சேர்த்தால், அது வயிற்றில் துரிதமாகக் கெட்டியாகி வயிற்றுவலி, அமிலம் ஏற்படும். முக்கியமாக முலாம்பழம் (Melon) சீஸுடன் சேர்க்கக் கூடாது. ஆனால், அன்னாசி அல்லது முலாம்பழம் போன்ற Vitamin C நிறைந்த பழங்களும் குடலில் சிரமம் உண்டாக்கும்.

இந்த பதிவும் உதவலாம்: Cheese and cholesterol: அட சீஸ் சாப்பிட்டால் கொலஸ்ட்ரால் குறையுமாம் - புதிய ஆய்வு!

சீஸ் + பருப்பு வகைகள்

சீஸ் மற்றும் பருப்பு இரண்டும் ப்ரோட்டீன் நிறைந்தவை. ஒரே நேரத்தில் இரண்டும் சாப்பிட்டால் குடலில் அதிக உழைப்பு தேவைப்படும். இதனால் ஜீரண சிரமம், சோர்வு, வயிற்று உப்புசம் ஏற்படும்.

சீஸ் + சூடான பானங்கள்

சீஸை காபி, ஹாட் சாக்லேட் போன்ற சூடான பானங்களுடன் சேர்த்தால், அது குடலில் காற்று, அஜீரணம், வீக்கம் உண்டாக்கும்.

சீஸ் + முட்டை

இரண்டுமே பிரித்துபார்க்க வேண்டிய புரதம் கொண்டவை. இதை சேர்த்தால் குடல் அதிகமாக வேலை செய்ய வேண்டியதால், ஜீரணக் குறைபாடு, காற்று, மெதுவான மெடபாலிசம் போன்ற பிரச்சனைகள் உருவாகும்.

View this post on Instagram

A post shared by Dimple Jangda (@dimplejangdaofficial)

சீஸை சேர்த்து சாப்பிட சிறந்த முறைகள்

* முழுதானிய ரொட்டி

* காய்கறிகள் (ப்ரோக்கோலி, ஸ்பினாச், காரட்)

* தக்காளி, கீரை போன்ற ஜீரணத்திற்கு ஏற்ற காய்கறிகள்

* சாலட் & சூப்

இவை உடலுக்கு தேவையான சத்துக்களையும் சீஸின் நன்மைகளையும் சரியாகக் கிடைக்கச் செய்யும்.

நிபுணர் விளக்கம்

“சீஸ் என்பது சுவைக்காக சாப்பிடப்படும் ஒரு உணவு. ஆனால், அதை எந்த உணவுகளுடன் சேர்க்கிறோம் என்பதுதான் முக்கியம். தவறான கலவைகள் குடல் ஆரோக்கியத்தை பாதிக்கும். அதனால், சீஸை எப்போதும் சாலட், காய்கறி, முழுதானிய உணவுகளுடன் மட்டும் சாப்பிடுங்கள்” என்கிறார் ஆயுர்வேத நிபுணர் டிம்பிள் ஜாங்க்தா.

இறுதியாக..

சீஸ் நிச்சயமாக சுவையை அதிகரிக்கும். ஆனால், அதை தவறான உணவுகளுடன் சேர்த்து சாப்பிட்டால் குடல் சிக்கல்கள், அஜீரணம், சோர்வு போன்றவை ஏற்பட வாய்ப்பு அதிகம். ஆகவே, சீஸை எப்போதும் சரியான உணவுகளுடன் மட்டும் சேர்த்து சாப்பிடுவது உடல் ஆரோக்கியத்திற்கு அவசியம்.

Disclaimer: இங்கு பகிரப்பட்டுள்ள தகவல்கள் ஆயுர்வேத நிபுணர் கருத்து அடிப்படையில் வழங்கப்பட்டவை. ஆரோக்கிய சிக்கல்கள் இருந்தால், மருத்துவரின் ஆலோசனை பெற்ற பிறகே பின்பற்றவும்.