Health benefits of eating prunes daily: அன்றாட உணவில் நாம் சேர்த்துக்கொள்ளும் ஊட்டச்சத்துக்கள் நிறைந்த உணவுகள், பழங்கள், காய்கறிகள், நட்ஸ் மற்றும் விதைகள் போன்றவற்றைச் சேர்த்துக் கொள்வது அவசியமாகும். அவ்வாறு ஊட்டச்சத்துக்கள் நிறைந்த மிகவும் குறைவாக மதிப்பிடப்பட்ட சூப்பர்ஃபுட்களில் ஒன்றாக ப்ரூன்ஸ் அல்லது உலர்ந்த ப்ளம்ஸ் பழம் அமைகிறது. இதில் நார்ச்சத்துக்கள், அத்தியாவசிய ஊட்டச்சத்துக்கள், மற்றும் ஆக்ஸிஜனேற்றிகள் நிறைந்த இந்த இனிப்பு சிறிய பழங்களாகும். இது உடலுக்கு பல்வேறு அத்தியாவசிய நன்மைகளைத் தருகிறது. இதில் அன்றாட உணவில் சேர்த்துக் கொள்ளக்கூடிய ப்ரூன்ஸின் நன்மைகள் சிலவற்றைக் காணலாம்.
ப்ரூன்ஸ் பழம் சாப்பிடுவதால் கிடைக்கும் நன்மைகள்
எடை இழப்பை ஆதரிப்பதற்கு
ப்ரூன்ஸ் அல்லது கொடிமுந்திரி பழங்கள் இனிப்பாக இருப்பினும், இதை மிதமாக உட்கொள்வது எடையை அதிகரிக்காது. உண்மையில், இந்த பழத்தில் நிறைந்துள்ள நார்ச்சத்துக்கள் நம்மை நீண்ட நேரம் திருப்திகரமாக வைத்திருக்க உதவுகிறது. மேலும், தேவையற்ற சிற்றுண்டிகளின் அபாயத்தைக் குறைக்கிறது. இவை எடையிழப்பை ஆதரிப்பதுடன், இரத்த சர்க்கரை அளவைக் கட்டுப்படுத்தவும், திடீர் அதிகரிப்புகள் மற்றும் சரிவுகளைத் தடுக்கவும் உதவுகிறது.
இந்த பதிவும் உதவலாம்: Health Benefits of Plum: சின்ன பழம் பெரிய பலன்.. தேடித்தேடி வாங்கி சாப்பிடுவிங்க!
முக்கிய கட்டுரைகள்
-1731836917489-1751367715502.jpg)
இதய ஆரோக்கியத்தை மேம்படுத்துவதற்கு
கொடிமுந்திரிகளில் கரையக்கூடிய மற்றும் கரையாத நார்ச்சத்து இரண்டுமே உள்ளது. இவை கொழுப்பின் அளவைக் குறைக்க உதவுகிறது. மேலும் இதில் உள்ள அதிகளவிலான பொட்டாசியம் உள்ளடக்கம் காரணமாக, இவை இரத்த அழுத்தத்தை சீராக்க உதவுகிறது. இதன் நன்மை பயக்கும் பண்புகள் காரணமாக, கொடிமுந்திரி உட்கொள்வது இதய ஆரோக்கியத்தை கட்டுக்குள் வைத்திருக்கவும், இதய நோய் அபாயத்தைக் குறைக்கவும் உதவுகிறது.
ஆஸ்டியோபோரோசிஸை சமாளிப்பதற்கு
கொடிமுந்திரி உட்கொள்வது எலும்புகளுக்கு வியக்கத்தக்க வகையில் நன்மைகளைத் தருகிறது. ஏனெனில், இதில் வைட்டமின் கே, போரான் மற்றும் பொட்டாசியம் போன்ற எலும்பு ஆரோக்கியத்திற்கு அவசியமான ஊட்டச்சத்துக்கள் காணப்படுகிறது. மேலும், ஆஸ்டியோபோரோசிஸ் இன்டர்நேஷனல் ஜர்னலில் வெளியிடப்பட்ட ஆய்வு ஒன்றில், கொடிமுந்திரிகளை தொடர்ந்து சாப்பிடுவது எலும்பு அடர்த்தியை மேம்படுத்த உதவுகிறது. குறிப்பாக, மாதவிடாய் நின்ற பெண்களுக்கு ஆஸ்டியோபோரோசிஸ் அபாயத்தைக் குறைக்கவும் உதவும் என்று கூறப்படுகிறது.
இரத்த சோகையைத் தடுப்பதற்கு
கொடிமுந்திரி பழங்கள் இரும்புச்சத்துக்கள் நிறைந்த நல்ல மூலமாகும். இது இரத்த சிவப்பணுக்களின் உற்பத்திக்கு மிகவும் அவசியமாகும். இரும்புச்சத்து குறைபாட்டின் காரணமாக இரத்த சோகை ஏற்படலாம். குறிப்பாக, இது பெண்களிடையே சோர்வு, எரிச்சல், மூச்சுத் திணறல் மற்றும் பலவீனமான நோய் எதிர்ப்பு சக்தி போன்ற அறிகுறிகளுக்கு வழிவகுக்கலாம். இந்நிலையில், கொடிமுந்திரிகளை தொடர்ந்து சாப்பிடுவது உடலில் இரும்புச்சத்து அளவை இயற்கையாகவே மேம்படுத்தவும், சோர்வைக் குறைக்கவும் உதவுகிறது.
இந்த பதிவும் உதவலாம்: Prune juice for constipation: மலம் கழிப்பதில் சிரமமா இருக்கா? இந்த ஒரு ஜூஸ் குடிங்க போதும்
மலச்சிக்கலைப் போக்குவதற்கு
மலச்சிக்கல் போன்ற செரிமான பிரச்சனைகளை பலரும் அடிக்கடி சந்திப்பர். இதற்கு சிறந்த தீர்வாக கொடிமுந்திரிகளை சாப்பிடலாம். இது உணவு நார்ச்சத்து நிறைந்தவை மற்றும் சர்பிடால் எனப்படும் இயற்கையான மலமிளக்கியைக் கொண்டுள்ளது. எனவே இது செரிமானத்தை எளிதாக்கவும், வழக்கமான குடல் இயக்கத்தை ஊக்குவிக்கவும் உதவுகிறது. மேலும் இதில் உள்ள பீனாலிக் சேர்மங்கள் ஆக்ஸிஜனேற்றிகளாக செயல்பட்டு செரிமானத்தை மேம்படுத்துகிறது.
முடி உதிர்தலைத் தடுப்பதற்கு
முடி உதிர்தலானது ஊட்டச்சத்து குறைபாடுகளால் ஏற்படலாம். மேலும் கொடிமுந்திரிகளில் வைட்டமின் பி, துத்தநாகம் மற்றும் இரும்புச்சத்து போன்றவை நிறைந்துள்ளது. இது சிறந்த முடி ஆரோக்கியத்திற்கு அவசியமான ஊட்டச்சத்துக்களாகும். இந்த ஊட்டச்சத்துக்கள் உச்சந்தலையில் இரத்த ஓட்டத்தை மேம்படுத்தவும், முடி நுண்குழாய்களை வலுப்படுத்தவும் மற்றும் ஆரோக்கியமான முடி வளர்ச்சியை ஊக்குவிக்கவும் உதவுகிறது.
சரும ஆரோக்கியத்திற்கு
கொடிமுந்திரிகளில் ஆன்டிஆக்ஸிடன்ட்கள் நிறைந்துள்ளன. இந்த ஆக்ஸிஜனேற்றிகள் உடலில் உள்ள ஃப்ரீ ரேடிக்கல்களை எதிர்த்துப் போராட உதவுகிறது. இந்த ஃப்ரீ ரேடிக்கல்கள் முன்கூட்டிய வயதானதற்கு காரணமாகின்றன. இதற்கு கொடிமுந்திரி ஒரு சிறந்த தீர்வாகும். கொடிமுந்திரிகளில் உள்ள அதிகளவிலான வைட்டமின் சி உள்ளடக்கம் கொலாஜன் உற்பத்தியை ஆதரிக்கிறது. இது சருமத்தை உறுதியாக, மென்மையாக மற்றும் இளமையாக வைக்கிறது. கூடுதலாக இதில் உள்ள பீட்டா கரோட்டின் ஆரோக்கியமான பளபளப்பைப் பராமரிக்க உதவுகிறது.
இந்த தகவல் உங்களுக்கு பிடித்திருக்கும் என நம்புகிறோம். இந்த கட்டுரையை உங்கள் நண்பர்களுக்கும், உறவினர்களுக்கும் பகிருங்கள். ஆரோக்கியம் தொடர்பான இதுபோன்ற பல சுவாரஸ்ய தகவல்களுக்கு தொடர்ந்து ஒன்லி மை ஹெல்த் உடன் இணைந்திருங்கள், மேலும் OnlyMyHealth பேஸ்புக் மற்றும் இன்ஸ்டா பக்கத்தை பின்தொடர இந்த இணைப்பை கிளிக் செய்யுங்கள்- Onlymyhealth Tamil Facebook, Onlymyhealth Tamil Instagram
இந்த பதிவும் உதவலாம்: Raisins: உலர்ந்த பிளம்ஸை யார் சாப்பிடக்கூடாது? ஏன் என தெரிந்து கொள்ளுங்கள்!
Image Source: Freepik