தைராய்டை ரிவர்ஸ் செய்ய உதவும் டாப் 7 மைக்ரோநியூட்ரியண்ட்ஸ்களும், நீங்க சாப்பிட வேண்டிய உணவுகளும்.. நிபுணர் பரிந்துரை

பொதுவாக, தைராய்டு என்பது கழுத்தின் முன்பகுதியில் உள்ள பட்டாம்பூச்சி வடிவ சுரப்பியைக் குறிக்கிறது. இவை வளர்ச்சிதை மாற்றத்தைக் கட்டுப்படுத்தக்கூடிய தைராய்டு ஹார்மோன்களான T3 மற்றும் T4-ஐச் சுரக்கிறது. தைராய்டு சுரப்பி போதுமான அளவு ஹார்மோன்களை சுரக்காதபோது அல்லது அதிகமாக சுரக்கும்போது தைராய்டு குறைபாடு ஏற்படக்கூடும்.

இதன் காரணமாக, உடல் இயக்கங்கள் பாதிக்கப்படுகிறது. இது எடை அதிகரிப்பு, உடல் சோர்வு, முடி உதிர்தல் மற்றும் குளிர் தாங்க முடியாத நிலை போன்ற பல்வேறு அறிகுறிகள் ஏற்படலாம். ஹாஷிமோட்டோவின் தைராய்டிடிஸ் மற்றும் அயோடின் குறைபாடு போன்றவை இதற்கான பொதுவான காரணங்களாக அமைகிறது.

தைராய்டு ஏற்பட காரணங்கள்

உடலில் வளர்சிதை மாற்றம் ஆரோக்கியமாக இருக்கும்போது, அது உடலில் பல ஹார்மோன்களின் உற்பத்திக்கு வழிவகுக்கலாம். ஆனால், தைராய்டு சுரப்பி இந்த ஹார்மோன்களைப் போதுமான அளவு உற்பத்தி செய்யாதபோது அல்லது ஒன்றைக் குறைவாகவும் மற்றொன்றை அதிகமாகவும் உற்பத்தி செய்யும்போது, அது நமது வளர்சிதை மாற்றத்தைப் பாதிக்கிறது. இவை உடலில் ஹார்மோன் சமநிலையின்மையை ஏற்படுத்துகிறது.

இந்த பதிவும் உதவலாம்: தைராய்டு ஆரோக்கியத்தை மேம்படுத்த உதவும் தேங்காய் எண்ணெய்.. மருத்துவரின் பரிந்துரை

இந்த நிலை நீண்ட காலம் நீடித்தால், அது தைராய்டு பிரச்சனைகளை ஏற்படுத்தக்கூடும். இது தவிர, தைராய்டின் காரணமாக பெண்களுக்கு ஒழுங்கற்ற மாதவிடாய், PCOS மற்றும் பிற ஹார்மோன் பிரச்சனைகளும் ஏற்படலாம். எனினும், நல்ல விஷயம் என்னவெனில் ஆரோக்கியமான வாழ்க்கை முறையைப் பின்பற்றுவதன் மூலம் தைராய்டை மாற்றியமைக்கலாம்.

எனினும், தைராய்டு நோயாளிகள் சில விஷயங்களில் சிறப்பு கவனம் செலுத்துவது அவசியமாகும். இந்த நேரத்தில் சில தவறுகள் பிரச்சனைகளை அதிகரிக்கலாம் மற்றும் தைராய்டு சிகிச்சையைத் தடுக்க முடியும். இதில் தைராய்டை ரிவர்ஸ் செய்ய உதவும் மைக்ரோநியூட்ரியன்ட்களையும், அதற்கான உணவுகள் குறித்தும் ஹார்மோன் மற்றும் குடல் சுகாதார பயிற்சியாளர் உணவியல் நிபுணர் மன்ப்ரீத் கல்ரா அவர்கள் சில தகவல்களைப் பகிர்ந்துள்ளார். அதைப் பற்றி இங்குக் காண்போம்.

அவரின் கூற்றுப்படி, “தைராய்டை இயற்கையாகவே ஆதரிப்பது சரியான நுண்ணூட்டச்சத்துக்களுடன் தொடங்குகிறது!. எனது தைராய்டு மாற்று நோயாளிகளுக்கு நான் கவனம் செலுத்தும் 7 முக்கிய நுண்ணூட்டச்சத்துக்கள் இங்கே - அவர்களின் சிறந்த உணவு ஆதாரங்களுடன்” என்று தனது பதிவில் குறிப்பிட்டுள்ளார்.

தைராய்டை ரிவர்ஸ் செய்ய உதவும் நுண்ணூட்டச்சத்துக்கள்

செலினியம்

ஊட்டச்சத்து நிபுணர், தைராய்டை மாற்றியமைக்க உதவும் முதல் நுண்ணூட்டச்சத்தில் செலினியத்தை குறிப்பிடுகிறார். அவரின் கூற்றுப்படி, செலினியம் நிறைந்த பிரேசில் நட்ஸ், சூரியகாந்தி விதைகள் மற்றும் முழு கோதுமை தானியங்கள் போன்றவற்றைச் சேர்த்துக் கொள்ள பரிந்துரைக்கிறார்.

துத்தநாகம்

தைராய்டு ஹார்மோன் T3-லிருந்து T4-ஆக மாற்ற துத்தநாகம் தாதுக்கள் உதவுகிறது. இது ஒரு முக்கியமான ஊட்டச்சத்து ஆகும். குறிப்பாக தைராய்டு ஹார்மோன் மாற்றுவதில் சிக்கல்கள் இருந்தால், அது துத்தநாக குறைபாடு காரணமாக இருக்கலாம். ஏனெனில் துத்தநாகத்தை உறிஞ்ச தைராய்டு ஹார்மோன்கள் அவசியமாகும். எனவே துத்தநாகம் நிறைந்த பூசணி விதைகள், கொண்டைக்கடலை (சனா), முந்திரி போன்றவற்றைச் சேர்க்கலாம்.

இந்த பதிவும் உதவலாம்: ஹைப்போ தைராய்டிசத்தை ரிவர்ஸ் செய்ய டாப் 7 சிறந்த வழிகள் இதோ.. நிபுணர் தரும் டிப்ஸ்

இரும்பு

தைராய்டு ஹார்மோனை ஒருங்கிணைப்பதில் இரும்பு ஊட்டச்சத்து தேவைப்படுகிறது. இந்நிலையில், இரும்பு ஊட்டச்சத்துக்கள் நிறைந்த பாலக் கீரை, பீட்ரூட், கருப்பு எள் போன்றவற்றை எடுத்துக் கொள்ளலாம்.

View this post on Instagram

A post shared by Dt Manpreet Kalra | Hormone and Gut Health Coach | (@dietitian_manpreet)

வைட்டமின் சி

குறைந்தளவு வைட்டமின் சி காரணமாக, தைராய்டு ஹார்மோன் பாதிக்கப்படலாம். எனவே நெல்லிக்காய், எலுமிச்சை நீர், கொய்யா போன்ற உணவுகளைத் தேர்ந்தெடுக்கலாம்.

வைட்டமின் டி

உடலில் வைட்டமின் டி அளவு குறைவதும், அதிக தைராய்டு தூண்டுதல் ஹார்மோன் அளவுடன் தொடர்புடையதாகும். தைராய்டு ஹார்மோன்களை உற்பத்தி செய்து பயன்படுத்துவதற்கு உடலுக்கு வைட்டமின் டி தேவைப்படுவதால், ஹைப்போ தைராய்டிசம் உள்ளவர்களில் வைட்டமின் டி அளவு குறைவாக இருக்கிறது. இதற்கு செறிவூட்டப்பட்ட தாவர அடிப்படையிலான பால், ஷிடேக் காளான்கள், சூரிய ஒளியின் மூலம் வைட்டமின் டி பெறலாம்.

வைட்டமின் பி 12

குறைந்தளவு வைட்டமின் பி12 காரணமாக, உடலில் தைராய்டு பிரச்சனை ஏற்படலாம். இதற்கு வைட்டமின் பி12 நிறைந்த இட்லி, தோசை மற்றும் கஞ்சி போன்றவற்றைச் சேர்க்கலாம்.

மெக்னீசியம்

மெக்னீசியம் குறைபாட்டினால் தைராய்டு ஆரோக்கியம் பாதிக்கப்படுகிறது. எனவே தைராய்டு பாதிப்புகளைக் குறைப்பதற்கு வாழைப்பழம், பாதாம், பூசணி விதைகள் போன்றவற்றைச் சேர்க்க வேண்டும்.

இந்த பதிவும் உதவலாம்: தைராய்டு உள்ளவர்களுக்கு முடி உதிர்வு ஏற்படுதா? இந்த 5 குறிப்புகளைப் பின்பற்றுங்க

Image Source: Freepik