தைராய்டு உள்ளவர்களுக்கு முடி உதிர்வு ஏற்படுதா? இந்த 5 குறிப்புகளைப் பின்பற்றுங்க

இன்று பலரும் சந்திக்கக்கூடிய பொதுவான உடல்நலப் பிரச்சனைகளில் ஒன்றாக தைராய்டு பிரச்சனை அமைகிறது. குறிப்பாக, பெண்கள் தைராய்டு நோயால் பெரிதும் பாதிக்கப்படுகின்றனர். பொதுவாக, இது உடலின் வளர்சிதை மாற்றம் அல்லது ஆற்றல் மட்டத்தை பாதிக்கும் என்று பலர் நினைக்கின்றனர். உண்மை என்னவெனில், தைராய்டு ஆனது உடலின் பல செயல்பாடுகளை பாதிக்கக்கூடியதாக இருக்கலாம். அவற்றில் ஒன்றாக முடி ஆரோக்கியம் அமைகிறது. பொதுவாக, உடலில் தைராய்டு அளவு சமநிலையற்றதாக மாறும்போது, முடி உதிர்தல் பிரச்சனை அதிகரிக்கக்கூடும்.

இது அனைவருக்கும் நடக்காது என்றாலும், சில சந்தர்ப்பங்களில் தைராய்டு முடியைப் பாதிக்கிறது என்பதைக் காண முடியும். எனவே தலைமுடியைக் கவனித்து, வாழ்க்கை முறையை மேம்படுத்துவதன் மூலம் இந்தப் பிரச்சனையைத் தவிர்ப்பது கடினம் அல்ல. மேலும் மருந்துகளை மட்டும் நம்புவதற்குப் பதிலாக, தைராய்டில் முடி உதிர்தலைக் கட்டுப்படுத்த உதவும் சில எளிய குறிப்புகளின் உதவியையும் கையாள வேண்டும். இந்த குறிப்புகள் குறித்து லக்னோவின் கோமதி நகரில் உள்ள டாக்டர் தேவேஷ் மிஸ்ரா கிளினிக்கின் மூத்த தோல் மருத்துவர் டாக்டர் தேவேஷ் மிஸ்ரா அவர்கள் சில தகவல்களைப் பகிர்ந்துள்ளார். அதைப் பற்றி இங்குக் காண்போம்.

இந்த பதிவும் உதவலாம்: ஹேர் சீரம் தடவுவது உண்மையில் முடி உதிர்தலை நிறுத்துமா? நிபுணர்கள் கூறும் உண்மை..

தைராய்டு இருப்பவர்கள் முடி ஆரோக்கியத்தை பாதுகாப்பது எப்படி?

உச்சந்தலையை மசாஜ் செய்வது

2023 ஆம் ஆண்டில் தேசிய மருத்துவ நூலகத்தால் வெளியிடப்பட்ட ஆராய்ச்சி ஒன்றில், தைராய்டு ஹார்மோன்களின் அதாவது T3 மற்றும் T4 அளவின் சமநிலையின்மை நேரடியாக முடி வளர்ச்சி மற்றும் ஆரோக்கியத்தை பாதிக்கக்கூடும். இவை முடி உதிர்தலுக்கு வழிவகுக்கலாம். தைராய்டு காரணமாக ஏற்படும் முடி உதிர்தலைக் கட்டுப்படுத்துவதற்கு, உச்சந்தலையில், 10 நிமிடங்கள் மசாஜ் செய்ய வேண்டும். இவ்வாறு உச்சந்தலையில் மசாஜ் செய்வது இரத்த ஓட்டத்தை மேம்படுத்தி, முடி உதிர்வைக் கட்டுப்படுத்த முடியும். மேலும் உச்சந்தலையில் மசாஜ் செய்வது முடி வேர்களுக்கு ஊட்டமளித்து முடியை வலிமையாக்க உதவுகிறது.

தைராய்டு பரிசோதனையை சரியான நேரத்தில் செய்து கொள்வது

தைராய்டு பிரச்சனைகள் ஏற்பட்டு, அதனால் முடி உதிர்தல் ஏற்பட்டால், தைராய்டு பரிசோதனை மேற்கொள்ள வேண்டும். இந்நிலையில் மருத்துவரை அணுகிய பின்னரே மருந்துகளை எடுத்துக் கொள்வது அவசியமாகிறது. மேலும் அவ்வப்போது, தைராய்டு பரிசோதனைகள் செய்து கொள்வதன் மூலம் ஹார்மோன் அளவை சமநிலையில் வைத்திருக்கவும், முடி உதிர்தலைக் கட்டுப்படுத்தவும் முடியும்.

ஆரோக்கியமான உணவை எடுத்துக் கொள்வது

தைராய்டில் உள்ள ஹார்மோன்களைக் கட்டுப்படுத்தவும், முடி உதிர்வதைத் தடுக்கவும் ஆரோக்கியமான மற்றும் சீரான உணவுமுறையைக் கையாள்வது அவசியமாகும். இந்நிலையில், அயோடின், துத்தநாகம், புரதம் போன்ற ஊட்டச்சத்துக்கள் நிறைந்த உணவை எடுத்துக் கொள்ள வேண்டும். இது தவிர, பச்சை காய்கறிகள், தயிர், முட்டை, பருப்பு வகைகள் போன்றவற்றை உணவில் சேர்த்துக் கொள்ளலாம். அதே சமயம், பதப்படுத்தப்பட்ட உணவுகள் மற்றும் அதிகப்படியான சர்க்கரையை உட்கொள்வதைத் தவிர்க்க வேண்டும். ஏனெனில் இது தைராய்டு அளவை பாதிக்கக்கூடும்.

இந்த பதிவும் உதவலாம்: சருமம், முடி இரண்டுக்கும் ஒரே தீர்வு.. உங்க டயட்டில் சேர்க்க வேண்டிய உணவுகள் இதோ

முடி தயாரிப்புகளின் பயன்பாட்டைக் கட்டுப்படுத்துவது

தைராய்டு பிரச்சனை உள்ளவர்களுக்கு முடி நுண்குழாய்கள் மிகவும் உணர்திறன் கொண்டதாக இருக்கும். இந்நிலையில், கடுமையான இரசாயனங்கள் அல்லது அதிக வெப்ப ஸ்டைலிங் போன்றவற்றைப் பயன்படுத்துவது முடி உதிர்தலுக்கு வழிவகுக்கக்கூடும். எனவே முடி உதிர்தலைத் தவிர்க்க, சீரம், ஷாம்பு அல்லது கண்டிஷனர் போன்ற முடி தயாரிப்புகளை குறைந்த அளவில் பயன்படுத்த வேண்டும். மாற்றாக, இயற்கையான ஹேர் பேக்குகளைப் பயன்படுத்தலாம். இவை உச்சந்தலையில் சேதம் ஏற்படாமல் தவிர்க்க உதவுகிறது. அதே சமயம், சல்பேட் இல்லாத ஷாம்பூவை குறைவாகப் பயன்படுத்துவதும் பாதுகாப்பானதாகும்.

மன அழுத்தத்தைக் கட்டுப்படுத்துவது

தைராய்டு ஹார்மோன் சமநிலையின்மையானது முடி உதிர்தலை அதிகரிக்கும் கார்டிசோல் ஹார்மோனை அதிகரிக்கிறது. இந்நிலையில் யோகா, தியானம் மற்றும் ஆழ்ந்த சுவாசப் பயிற்சிகளை தங்களது அன்றாட வழக்கத்தில் சேர்த்துக் கொள்ள வேண்டும். இவை ஹார்மோன்களை சமநிலைப்படுத்தி முடி உதிர்தலைத் தடுக்க உதவுகின்றன.

முடிவுரை

தைராய்டு காரணமாக ஏற்படக்கூடிய முடி உதிர்வைக் கட்டுப்படுத்துவதற்கு உச்சந்தலையில் மசாஜ் செய்வது, முடி தயாரிப்புகளின் பயன்பாட்டைக் கட்டுப்படுத்துவது, ஆரோக்கியமான உணவை எடுத்துக் கொள்வது, மேலும் சரியான நேரத்தில் தைராய்டு பரிசோதனையை மேற்கொள்வது போன்றவற்றைக் கையாள வேண்டும்.

பொறுப்புத்துறப்பு

இதில் வழங்கப்பட்ட தகவல்கள் பொதுவான தகவல் நோக்கங்களுக்காக மட்டுமே. எனினும், தனிப்பட்ட தகவல்களைப் பெற விரும்புபவர்கள் அல்லது புதிய முயற்சிகளைக் கையாள விரும்புபவர்கள் எப்போதும் தகுதிவாய்ந்த நிபுணரை அணுகுவது நல்லது.

இந்த பதிவும் உதவலாம்: வெறும் இரண்டு பொருள்கள் போதும்.. அழகான, நீளமான கூந்தலுக்கு வீட்டிலேயே எண்ணெய் தயார் செய்யலாம்!

Image Source: Freepik