சருமம், முடி இரண்டுக்கும் ஒரே தீர்வு.. உங்க டயட்டில் சேர்க்க வேண்டிய உணவுகள் இதோ

இன்றைய நவீன காலத்தில் மோசமான வாழ்க்கைமுறை மற்றும் ஆரோக்கியமற்ற உணவுமுறையின் காரணமாக பலரும் பலதரப்பட்ட பிரச்சனைகளைச் சந்திக்கின்றனர். இதில் சருமம், முடி தொடர்பான பிரச்சனைகளும் அடங்குகிறது. எனவே தான், சரும பிரச்சனைகளாக அரிப்பு, எரிச்சல், முகப்பரு, கரும்புள்ளிகள் மற்றும் நேர்த்தியான கோடுகள் உள்ளிட்ட பிரச்சனைகள் எழலாம். இது தவிர, முடி சார்ந்த பிரச்சனைகளாக முடி உதிர்வு, உடைதல், வறட்சியான முடி, பொடுகு, நரைமுடி உள்ளிட்ட பல்வேறு பிரச்சனைகளைச் சந்திக்கின்றனர்.

இந்நிலையில், சருமம் மற்றும் முடி சார்ந்த பிரச்சனைகளைத் தவிர்ப்பதற்கு பலரும் சருமம் மற்றும் கூந்தல் பராமரிப்பு பொருள்களை பயன்படுத்துகின்றனர். ஆனால், சில நேரங்களில் எத்தனை பராமரிப்புப் பொருள்களைப் பயன்படுத்தினாலும், அவர்களால் இந்த பிரச்சனையிலிருந்து விடுபட முடியாமல் போகலாம். ஆனால், உங்களுக்குத் தெரியுமா? சருமம், முடி ஆரோக்கியத்தைப் பாதுகாக்க வெளிப்புறத்தைக் காட்டிலும் உடலின் உள்ளிருந்து பாதுகாப்பது அவசியமாகக் கருதப்படுகிறது. ஆம். உண்மையில், சில உணவுகளை எடுத்துக் கொள்வதன் மூலம் முடி மற்றும் சரும ஆரோக்கியத்தை உடலின் உள்ளிருந்து பாதுகாக்கலாம்.

இதில் சருமம் மற்றும் முடி ஆரோக்கியத்தை மேம்படுத்துவதற்கு உதவும் உணவுகள் குறித்து தோல் மருத்துவர் டாக்டர் ஜுஷ்யா சரின் தனது இன்ஸ்டாகிராம் பக்கத்தில் குறிப்பிட்டுள்ளார். அதைப் பற்றி இங்குக் காண்போம்.

இந்த பதிவும் உதவலாம்: குளிக்கும் போது நீங்க செய்ய கூடாத தவறுகள் என்னென்ன தெரியுமா? மருத்துவர் தரும் விளக்கம்

கூந்தல் மற்றும் பளபளப்பான சருமத்திற்கான உணவுகள்

தோல் மருத்துவர் சரினின் கூற்றுப்படி, “ஆரோக்கியமான கூந்தல் மற்றும் பளபளப்பான சருமத்தைப் பெற நீங்கள் தயாரிப்புகளுக்கு அதிகம் செலவிட வேண்டியதில்லை. முடி வலிமையைப் பராமரிப்பதிலும், சீக்கிரம் நரைப்பதைத் தடுப்பதிலும், சரும அமைப்பை மேம்படுத்துவதிலும் ஊட்டச்சத்து நிறைந்த உணவுகள் முக்கிய பங்கு வகிக்கிறது” என்று கூறுகிறார்.

அதனைத் தொடர்ந்து, கூந்தல் மற்றும் சருமத்திற்கு இயற்கையான கூட்டாளிகளாகச் செயல்படும் சில ஊட்டச்சத்து நிறைந்த உணவுகளை மருத்துவர் பட்டியலிட்டுள்ளார். இந்த உணவுகளை உட்கொள்வது முடி வளர்ச்சியை ஆதரிப்பது மட்டுமல்லாமல், சேதத்தை சரிசெய்து நிறத்தை பளபளப்பாக்க உதவுகிறது. இதனால், சருமத்திற்கு உள்ளிருந்து இயற்கையான பளபளப்பை அளிக்கிறது.

சூரியகாந்தி விதைகள் மற்றும் முந்திரி

சூரியகாந்தி விதைகள் மற்றும் முந்திரிகளில் துத்தநாகம் ஊட்டச்சத்துக்கள் நிறைந்து காணப்படுகிறது. இவற்றை அன்றாட உணவில் சேர்ப்பதன் மூலம் முடி வளர்ச்சியை ஆதரிக்கலாம். இது முடி வளர்ச்சி மற்றும் பழுதுபார்க்க உதவும் ஒரு முக்கிய கனிமமாக அமைகிறது. துத்தநாகம் குறைபாட்டின் காரணமாக, முடி முடி மெலிந்து உடைவதற்கு வழிவகுக்கலாம்.

பால் மற்றும் பனீர்

பால், பன்னீர் இரண்டுமே வைட்டமின் பி12 நிறைந்த சிறந்த ஆதாரங்களாகக் கருதப்படுகிறது. இதை அன்றாட உணவில் சேர்ப்பதற்கு ஊட்டச்சத்து நிபுணர் அறிவுறுத்துகிறார். குறைந்த அளவு வைட்டமின் பி12 பெரும்பாலும் முன்கூட்டியே நரைப்பதுடன் தொடர்புடையதாகும். இந்த பால் பொருள்களை அன்றாட உணவில் சேர்ப்பது உச்சந்தலைக்கு ஊட்டமளிப்பது, இயற்கையாகவே முடியின் நிறத்தை பராமரிப்பதில் முக்கிய பங்கு வகிக்கிறது.

இந்த பதிவும் உதவலாம்: இந்த வாழ்க்கை முறை பழக்கங்கள் சருமம் மற்றும் முடியின் அழகை கெடுக்கும்..

பப்பாளி மற்றும் மாதுளை

சருமத்தை பளபளப்பாக்க, பப்பாளி மற்றும் மாதுளையை உட்கொள்வதை ஊட்டச்சத்து நிபுணர் பரிந்துரைக்கிறார். இவை இரண்டிலுமே வைட்டமின் ஏ மற்றும் பாலிபினால்கள் நிறைந்து காணப்படுகிறது. இவை சருமத்தில் ஏற்படும் நிறமியைக் குறைக்க உதவுகின்றன. மேலும் இவை இரண்டும் சரும அமைப்பை மேம்படுத்த உதவுகின்றன. கூடுதலாக, இவை இயற்கையான பளபளப்பைச் சேர்க்கவும் உதவுகிறது.

View this post on Instagram

A post shared by Dr. Jushya Bhatia Sarin (@dr.jushya_sarinskin)

ஆரஞ்சு மற்றும் ஊறவைத்த பாதாம்

இவை சரும ஆரோக்கியத்திற்கு உதவும் மற்றொரு சக்திவாய்ந்த கலவையாகும். இதில் வைட்டமின் சி, வைட்டமின் ஈ மற்றும் ஆரோக்கியமான கொழுப்புகள் நிறைந்துள்ளன. இவை கொலாஜன் உற்பத்தியை அதிகரிக்க உதவுகிறது. இவை சருமத்தை நீரேற்றமாக வைத்திருக்க உதவுகிறது மற்றும் சரும அமைப்பை மேம்படுத்த உதவுகின்றன. இதன் பொருள், சருமம் கூடுதல் சிகிச்சைகள் தேவையில்லாமல் இயற்கையாகவே ஆரோக்கியமாகவும் பொலிவுடனும் இருப்பதைக் குறிக்கிறது.

பொறுப்புத்துறப்பு

இதில் வழங்கப்பட்ட தகவல்கள் பொதுவான தகவல் நோக்கங்களுக்காக மட்டுமே. எனினும், தனிப்பட்ட தகவல்களைப் பெற விரும்புபவர்கள் அல்லது புதிய முயற்சிகளைக் கையாள விரும்புபவர்கள் எப்போதும் தகுதிவாய்ந்த நிபுணரை அணுகுவது நல்லது.

இந்த பதிவும் உதவலாம்: சருமம் மற்றும் கூந்தல் ஆரோக்கியத்திற்கு.. விதைகளை சாப்பிடும் சரியான முறை.. டெர்மடாலஜிஸ்ட் பரிந்துரை..

Image Source: Freepik