Lpistick ஏன் பயன்படுத்தக்கூடாது.? இதன் ஆபத்துகள் என்ன.? மருத்துவர் விளக்கம்..

பெண்களின் அழகு உலகில் முக்கிய இடம் பிடிப்பது லிப்ஸ்டிக். சிறிய கூடுகையில் இருந்து பெரும் விழாக்கள் வரை, பல பெண்களுக்கு உதடுகளில் நிறம் சேர்ப்பது ஒரு பழக்கமாகி விட்டது. ஆனால், தொடர்ந்து லிப்ஸ்டிக் பயன்படுத்துவதால் ஆரோக்கிய ஆபத்துகள் ஏற்படுகின்றன என மருத்துவர் ஐசக் அப்பாஸ் எச்சரிக்கிறார்.

லிப்ஸ்டிக் பயன்படுத்துவதால் ஏற்படும் பிரச்சனைகள்

உதடு உலர்ச்சி & பிளவுகள்

லிப்ஸ்டிக் அடிக்கடி பயன்படுத்துவதால் உதடுகள் இயற்கையான ஈரப்பதத்தை இழந்து உலர்ச்சி அடைகிறது. காலப்போக்கில் பிளவுகள், வலி, மற்றும் எரிச்சல் கூட ஏற்படலாம்.

ஆபத்தான இரசாயனங்கள்

பல லிப்ஸ்டிக்குகளில் Red 7 மற்றும் Red 28 போன்ற செயற்கை நிறமிகள் உள்ளன. இவை நீண்டகாலத்தில் உதடுகளில் கருமையை (Pigmentation) ஏற்படுத்துகிறது.

அலர்ஜி & எரிச்சல்

லிப்ஸ்டிக்கில் உள்ள Alcohol, Silica, Fragrance போன்ற பொருட்கள் உதடுகளில் இயற்கையான ஈரப்பதத்தை கெடுக்கும். இதனால் சிலருக்கு அலர்ஜி, அரிப்பு, எரிச்சல் போன்ற பிரச்சனைகள் தோன்றலாம்.

இந்த பதிவும் உதவலாம்: க்யூட்டான.. கவர்ச்சியான.. Pink Lips வேணுமா.? வீட்டிலேயே தீர்வு இருக்கு.!

நுண்ணிய திசு

நம் உதடுகள் சாதாரண சருமம் அல்ல. அது முகம் மற்றும் மூச்சுக்குழாய் போன்ற மியூகோசல் டிஷ்யூ (Mucosal Tissue). எனவே இரசாயனங்கள் எளிதில் உடலுக்குள் புகுந்து பாதிப்பு ஏற்படுத்தக்கூடும்.

தினசரி விழுங்கப்படும் லிப்ஸ்டிக்

ஆய்வுகள் படி, ஒரு பெண் தனது வாழ்க்கை முழுவதும் சுமார் 2–3 கிலோ லிப்ஸ்டிக்-ஐ உணவு, பானம் வழியாகத் தெரியாமல் விழுங்குகிறாள்.

நீண்டகால வயிற்று & குடல் பிரச்சனைகள்

இந்தக் கலவைகள் உடலில் தேங்கி, வயிற்று பிரச்சனைகள், செரிமான கோளாறுகள், குடல் சிக்கல்கள் போன்றவற்றை ஏற்படுத்தும் அபாயம் அதிகம்.

View this post on Instagram

A post shared by Dr. Isacc Abbas (@dr.isaccabbas)

பாதுகாப்பான மாற்றுகள்

மருத்துவர் பரிந்துரைக்கும் சில இயற்கை மாற்றுகள்:

* Beetroot tint – இயற்கையாக உதடுகளுக்கு சிவப்பு நிறம் தரும்.

* Aloe vera balm – ஈரப்பதம் காக்கும்.

* Coconut oil / Ghee – உதடுகளை மென்மையாகவும் ஆரோக்கியமாகவும் வைத்திருக்கும்

பெண்கள் கவனிக்க வேண்டியது

* லிப்ஸ்டிக் தினசரி அல்லாமல், சிறப்பு நிகழ்ச்சிகளில் மட்டுமே பயன்படுத்த வேண்டும்.

* Paraben-free, Natural ingredient-based லிப்ஸ்டிக்குகளைத் தேர்வு செய்யவும்.

* படுக்கும் முன் lip balm அல்லது natural oil தடவி உதடுகளை பாதுகாக்கவும்.

இறுதியாக..

அழகை மேம்படுத்தும் பெயரில் அதிகமாக பயன்படுத்தப்படும் லிப்ஸ்டிக், நீண்டகாலத்தில் ஆரோக்கியத்துக்கும், உதடுகளின் இயற்கை நிறத்துக்கும் தீங்கு விளைவிக்கிறது. எனவே, பெண்கள் அறிவுடன் பயன்படுத்துவது அவசியம். அழகு இயற்கையிலிருந்தே வரும், அதனை பராமரிப்பதே பாதுகாப்பான வழி.

{Disclaimer: இந்தக் கட்டுரை மருத்துவர் ஐசக் அப்பாஸ் அவர்களின் தகவல்களின் அடிப்படையில் எழுதப்பட்டுள்ளது. இதில் கூறப்பட்ட தகவல்கள் பொதுவான விழிப்புணர்வுக்காக மட்டுமே. தனிப்பட்ட உடல் நிலை, அலர்ஜி போன்ற பிரச்சனைகளுக்கு மருத்துவரின் ஆலோசனை பெறுவது அவசியம்.}