ஹைப்போ தைராய்டிசத்தை ரிவர்ஸ் செய்ய டாப் 7 சிறந்த வழிகள் இதோ.. நிபுணர் தரும் டிப்ஸ்

இன்றைய நவீன காலத்தில் மோசமான வாழ்க்கை முறை, உணவு முறை மற்றும் உடல் செயல்பாடுகள் இல்லாதது போன்றவை பல பிரச்சனைகளுக்கு வழிவகுக்கிறது. இதில் தைராய்டு பிரச்சனையும் அடங்குகிறது. பொதுவாக, தைராய்டைப் பொறுத்தவரை பெண்களே அதிகளவில் பாதிக்கப்படுகின்றனர். குறிப்பாக, பெண்கள் தங்களின் கர்ப்ப காலத்திற்குப் பிறகு, ஹைப்போ தைராய்டிசம் பிரச்சனையை சந்திப்பதை பார்த்திருப்போம். இதை மீட்டெடுக்க பலரும் மாத்திரைகளைப் பயன்படுத்துகின்றனர். எனினும், அதிர்ஷ்டவசமாக நம் அன்றாட உணவில் சில உணவுகளைச் சேர்ப்பதன் மூலம் ஹைப்போதைராய்டிசத்தை மாற்றியமைக்க முடியும்.

ஹைப்போதைராய்டிசத்தை மாற்ற உதவும் வழிகள்

அவ்வாறு ஹைப்போதைராய்டிசத்தை மாற்றியமைப்பதற்கான வழிகள் குறித்து ஹார்மோன் மற்றும் குடல் சுகாதார பயிற்சியாளருமான உணவியல் நிபுணரான மன்ப்ரீத் கல்ரா அவர்கள் தனது இன்ஸ்டாகிராம் பக்கத்தில் பகிர்ந்துள்ளார். அவர் தனது பதிவில் ஹார்மோன் சமநிலையின்மையை மேம்படுத்தவும் ஹைப்போ தைராய்டிசத்தை மாற்றியமைக்கவும் 7 உணவு மற்றும் வாழ்க்கை முறை மாற்றங்களைப் பகிர்ந்துள்ளார்.

இந்த பதிவும் உதவலாம்: Thyroid பிரச்னையால் கொத்து கொத்தா முடி கொட்டுதா.? மருத்துவர் கூறிய 5 எளிய டிப்ஸ் – இப்போதே தெரிந்து கொள்ளுங்கள்!

கொத்தமல்லி விதை நீர் மற்றும் 1 பிரேசில் நட்ஸ்

நாளின் தொடக்கத்தில் கொத்தமல்லி விதை நீர் + 1 பிரேசில் நட்ஸ் எடுத்துக் கொள்வது வீக்கத்தைக் குறைக்க உதவுகிறது. இதில் உள்ள ஊட்டச்சத்துக்கள் செலினியத்தை அதிகரிக்க உதவுகிறது. இவை சிறந்த தைராய்டு ஹார்மோன் மாற்றத்திற்கு மிகுந்த நன்மை பயக்கும். செலினியம் ஆனது தைராய்டு சுரப்பியின் ஆரோக்கியமான செயல்பாட்டிற்கு அவசியமாகும். மேலும் பிரேசில் நட்ஸில் உள்ள ஆன்டிஆக்ஸிடன்ட்கள் உடலில் ஏற்படும் வீக்கத்தைக் குறைப்பதற்கு உதவுகிறது.

அமராந்த் மற்றும் சோளம் தினைகளை உணவில் சேர்ப்பது

இந்த பழங்கால தானியங்களில் நார்ச்சத்து மற்றும் நுண்ணூட்டச்சத்துக்கள் நிறைந்து காணப்படுகின்றன. இவை வீக்கத்தைக் குறைக்க உதவுகிறது. மேலும் வளர்சிதை மாற்றத்தை ஆதரிக்க உதவுவதாக நிபுணர் குறிப்பிடுகிறார். அமராந்த் தினையில் சோளம், புரதம், நார்ச்சத்து, வைட்டமின்கள் மற்றும் தாதுக்கள் போன்றவை நிறைந்துள்ளது. சோளம் இரத்த சர்க்கரை அளவைக் கட்டுப்படுத்தவும், இதயம் மற்றும் கண் ஆரோக்கியத்திற்கும் மிகவும் நன்மை பயக்கும்.

பிரம்மரி பிராணயாமா செய்யுங்கள் (தினமும் காலையில் 3-5 முறை)

இந்த அமைதியான சுவாசப் பயிற்சி செய்வது நரம்பு மண்டலத்தை சீராக்கவும், மன அழுத்தத்தைக் குறைக்கவும் உதவுவதாக மருத்துவர் கூறுகிறார். இவை இரண்டுமே பெரிய தைராய்டு சீர்குலைவை ஏற்படுத்தக்கூடியதாகும். பிரம்மரி பிராணயாமா சுவாச பயிற்சி செய்வது மன அமைதிக்கு வழிவகுக்கிறது. இவை தைராய்டு செயல்பாட்டை மறைமுகமாக மேம்படுத்த உதவுகிறது. எனவே தினமும் காலையில் 3-5 முறை பிரம்மரி பிராணயாமா செய்ய மருத்துவர் பரிந்துரைக்கிறார்.

காலையில் கறிவேப்பிலைகளை சாப்பிடுவது

காலையில் முதலாவதாக 4-5 கறிவேப்பிலைகளை மென்று சாப்பிடுவதன் மூலம் ஹைப்போதைராய்டிசத்தை மாற்றியமைக்கலாம் என மருத்துவர் கூறுகிறார். கறிவேப்பிலை சாப்பிடுவது தைராய்டுக்கு நேரடியாக உதவாவிட்டாலும், அதில் உள்ள தாமிரம், கால்சியம், வைட்டமின்கள் மற்றும் தாதுக்கள் போன்றவை தைராய்டு ஹார்மோன் சமநிலையை பராமரிக்க உதவுகிறது. கறிவேப்பிலையின் அழற்சி எதிர்ப்பு மற்றும் ஹெபடோ-பாதுகாப்பு பண்புகள் தைராய்டு சுரப்பியின் ஆரோக்கியத்திற்கு மறைமுகமாக பங்களிக்கின்றன.

இந்த பதிவும் உதவலாம்: Hpothyroid-ஐ கட்டுப்படுத்த உதவும் Top 5 உணவுகள்.. நிபுணர் பரிந்துரை..

இரும்புச்சத்து நிறைந்த உணவுகளை தினசரி உணவில் சேர்ப்பது

சரியான தைராய்டு செயல்பாடு மற்றும் ஆற்றல் மட்டங்களுக்கு இரும்புச்சத்து மிகவும் அவசியமாகக் கருதப்படுகிறது. அதன் படி, கீரை, பருப்பு மற்றும் பீட்ரூட் போன்ற இரும்புச்சத்து நிறைந்த உணவுகளை அன்றாட உணவில் சேர்த்துக் கொள்ள வேண்டும். இவை தைராய்டு ஆரோக்கியத்தை ஆதரிக்க உதவுகின்றன. ஏனெனில், பெரும்பாலும் ஹைப்போ தைராய்டிசம் இரத்த சோகையுடன் தொடர்புடையதாகும். இரும்புச்சத்து தைராய்டு ஹார்மோன் இரத்த சிவப்பணு உற்பத்திக்கு உதவுகிறது.

View this post on Instagram

A post shared by Dt Manpreet Kalra | Hormone and Gut Health Coach | (@dietitian_manpreet)

படுக்கைக்கு முன் ஒரு சிட்டிகை ஜாதிக்காயுடன் கெமோமில் டீ குடிப்பது

தினமும் இரவு தூங்கும் முன்பாக, ஒரு சிட்டிகை அளவு ஜாதிக்காய் பொடி சேர்த்த கெமோமில் டீ குடிப்பது மிகுந்த நன்மை பயக்கும். இதை இரவில் குடிப்பது நிம்மதியான தூக்கத்தை ஊக்குவிக்கவும், இரவில் ஹார்மோன் பழுதுபார்ப்பை ஆதரிக்கவும் உதவுகிறது. இது மறைமுகமாக தைராய்டு செயல்பாட்டிற்கு சாதகமாக அமைகிறது. கெமோமில் தேநீரில் உள்ள அபிஜெனின் மற்றும் பிற ஃபிளாவனாய்டுகள் போன்றவை மூளையை அமைதிப்படுத்தி, நல்ல தூக்கத்திற்கு வழிவகுக்கிறது.

தினமும் 1 தேக்கரண்டி பூசணி மற்றும் சூரியகாந்தி விதைகளை சாப்பிடுவது

பூசணி, சூரியகாந்தி விதைகளில் துத்தநாகம், செலினியம் மற்றும் மெக்னீசியம் போன்ற ஊட்டச்சத்துக்கள் நிறைந்துள்ளது. இவை தைராய்டு சமநிலைக்கு உதவக்கூடிய முக்கியமான தாதுக்களாகும். எனவே தான், தினமும் 1 தேக்கரண்டி அளவிலான பூசணி விதைகள் மற்றும் சூரியகாந்தி விதைகளை சாப்பிடுவது தைராய்டு ஆரோக்கியத்திற்கு உதவும் என நிபுணர் பரிந்துரைக்கிறார்.

பொறுப்புத்துறப்பு

இதில் வழங்கப்பட்ட தகவல்கள் பொதுவான தகவல் நோக்கங்களுக்காக மட்டுமே. எனினும், தனிப்பட்ட தகவல்களைப் பெற விரும்புபவர்கள் அல்லது புதிய முயற்சிகளைக் கையாள விரும்புபவர்கள் எப்போதும் தகுதிவாய்ந்த நிபுணரை அணுகுவது நல்லது.

இந்த பதிவும் உதவலாம்: 7 நாள்கள் 7 பானங்கள்.. தைராய்டு ஆரோக்கியத்திற்கு சம்மரில் குடிக்க வேண்டிய பானங்கள் இதோ

Image Source: Freepik