சின்ன வயசுல மாதவிடாய் வருதா? முன்கூட்டிய மாதவிடாயைத் தடுக்க நீங்க பின்பற்ற வேண்டிய குறிப்புகள்.. நிபுணர் தரும் டிப்ஸ்

பொதுவாக, மாதவிடாய் என்பது ஒவ்வொரு பெண்களின் வாழ்விலும் நிகழக்கூடிய ஒரு பொதுவான நிவழ்வாகும். இந்த நிகழ்வே, ஒரு பெண்ணுக்கு கருவுறுதலை ஆதரிக்க உதவுகிறது. பொதுவாக, 12-13 வயதுக்கு இடையில் இந்த மாதவிடாய் நிகழ்வு ஏற்படுகிறது. ஆனால், 11 வயதுக்கு முன்பாக மாதவிடாய் ஏற்பட்டால், அது சில பெண்களில் முன்கூட்டிய மாதவிடாயைக் குறிக்கிறது. உண்மையில், இவ்வாறு முன்கூட்டியே மாதவிடாய் நிகழ்வு ஏற்படுவதற்கு பல்வேறு காரணங்கள் இருக்கலாம்.

இதில் இளம் வயதிலேயே முன்கூட்டியே மாதவிடாய் நிகழ்வு ஏற்படுவது குறித்து PCOD நிபுணர் மற்றும் மருத்துவ நிபுணருமான காஜல் அகர்வால் அவர்கள் தனது இன்ஸ்டாகிராம் பக்கத்தில் சில தகவல்களைப் பகிர்ந்துள்ளார். அதைப் பற்றி இங்குக் காண்போம்.

இளம் வயதில் மாதவிடாய் ஏற்படுவதற்கான பொதுவான காரணங்கள்

சிறு வயதிலேயே மாதவிடாய் ஏற்படுவதற்கு, ஹார்மோன் சமநிலையின்மை, மன அழுத்தம், உடல் எடை மாற்றம், அல்லது சில மருத்துவ நிலைகள் போன்றவை அடங்குகிறது. இந்நிலையில், மருத்துவ ஆலோசனை பெறுவது முக்கியமாகும். ஏனெனில், இது பிற்காலத்தில் இருதய நோய், வகை 2 நீரிழிவு மற்றும் ஆஸ்டியோபோரோசிஸ் போன்ற நாட்பட்ட நோய்களை ஏற்படுத்துத்துவதாக அமைகிறது.

இந்த பதிவும் உதவலாம்: Early Periods Causes: மாதவிடாய் முன்கூட்டியே வருகிறதா? இது தான் காரணம்!

இளம் வயது மாதவிடாயைத் தவிர்க்க உதவும் குறிப்புகள்

குளிர் பானங்களை வேண்டாம் என்று சொல்வது

ஊட்டச்சத்து நிபுணரான காஜல் அவர்களின் கூற்றுப்படி, இளம் வயதில் மாதவிடாயைத் தவிர்க்க குளிர்பானங்களைத் தவிர்க்க பரிந்துரைக்கப்படுகிறது. சர்க்கரை மற்றும் செயற்கையாக இனிப்பு சேர்க்கப்பட்ட பானங்களை, குறிப்பாக காஃபின் கொண்ட பானங்களை அதிகமாக உட்கொள்வது, மாதவிடாய் சீக்கிரமாகத் தொடங்குவதற்கு வழிவகுக்கலாம்.

ஏனெனில், இந்த பானங்கள் உடலின் ஹார்மோன் சமநிலையை பாதிப்பதால் அல்லது பருவமடைதல் நேரத்தை ஒழுங்குபடுத்தும் வளரும் மூளைப் பகுதிகளைத் தூண்டுவதன் காரணமாக இது நிகழலாம். குளிர் பானங்கள் பெரும்பாலும் கடுமையான மாதவிடாய் பிடிப்புகளுடன் தொடர்புடையவை என்றாலும், இது மாதவிடாய் நேரத்திலிருந்து வேறுபட்ட பிரச்சினையாகக் கருதப்படுகிறது.

தினமும் பதப்படுத்தப்பட்ட உணவை சாப்பிடுவதைத் தவிர்ப்பது

தினந்தோறும் அதிகளவிலான பதப்படுத்தப்பட்ட உணவுகளை உட்கொள்வது இளம் வயதிலேயே மாதவிடாயை ஏற்படுத்தும். ஏனெனில், துரித உணவுகளில் அதிக அளவிலான ஆரோக்கியமற்ற கொழுப்புகள், சர்க்கரை மற்றும் சோடியம் உள்ளது. இவை மாதவிடாயை சீக்கிரமாகவும் ஒழுங்கற்றதாகவும் ஏற்படுத்துகிறது. இது ஹார்மோன் ஏற்றத்தாழ்வுகள், வீக்கம் மற்றும் இன்சுலின் எதிர்ப்புக்கு வழிவகுக்கலாம். ஆரோக்கியமான சுழற்சிக்குத் தேவையான அத்தியாவசிய நுண்ணூட்டச்சத்துக்களும் துரித உணவில் குறைவாக இருப்பதால், பிரச்சனை மேலும் அதிகரிக்கிறது.

நெயில் பாலிஷ் மற்றும் கனமான ரசாயன அழகுசாதனப் பொருட்களைத் தவிர்ப்பது

நெயில் பாலிஷ் போன்ற தனிப்பட்ட பராமரிப்புப் பொருட்களுக்கும், முன்கூட்டிய மாதவிடாய் ஏற்படுவதற்கும் இடையிலான நேரடித் தொடர்புகள் இருப்பது குறித்து ஆய்வு செய்யப்பட்டு வருகிறது. இந்நிலையில், இந்த தயாரிப்புகளில் காணப்படும் சில இரசாயனங்கள் நாளமில்லா அமைப்பை சீர்குலைத்து, முதல் மாதவிடாய் உட்பட பருவமடைதலின் நேரத்தை மாற்றக்கூடும் என்பதற்கான சான்றுகள் காட்டுகின்றன. இந்நிகழ்வு, குறிப்பாக வளரும் பெண்களில் ஏற்படுவது குறிப்பிடத்தக்கதாகும்.

இந்த பதிவும் உதவலாம்: Early Periods Reason: 8 வயதிலேயே பருவமடைய என்ன காரணம்?

எப்போதும் பழங்கள் மற்றும் காய்கறிகளை நன்கு கழுவுதல்

பொதுவாக, முன்கூட்டியே அல்லது ஒழுங்கற்ற மாதவிடாய் பெரும்பாலும் ஹார்மோன் ஏற்றத்தாழ்வுகளால் ஏற்படுகிறது. இது பல்வேறு காரணிகளால் ஏற்படலாம். மாதவிடாய்ப் பொருட்களை சரியாகக் கழுவத் தவறுவது உணவு மூலம் பரவும் நோய்க்கான அபாயத்தை ஏற்படுத்துகிறது. கழுவப்படாத பழங்கள் மற்றும் காய்கறிகளில் உள்ள நோய்க்கிருமிகள் பல்வேறு உடல்நலப் பிரச்சினைகளை ஏற்படுத்தலாம். எனவே, அன்றாட உணவில் சேர்க்கும் பழங்கள் மற்றும் காய்கறிகளை நன்கு கழுவலாம். இதற்கு உப்பு அல்லது பேக்கிங் சோடா சிறந்ததாக நிபுணர் பரிந்துரைக்கிறார்.

View this post on Instagram

A post shared by Dietician Kajal Aggarwal ✨Clinical Dietician ✨PCOD Expert. (@dietician_kajalaggarwal)

தினமும் கீரைகள் போன்ற பாரம்பரிய உணவுகளை அவளது உணவில் சேர்ப்பது

அன்றாட உணவில் ஆரோக்கியமான ஊட்டச்சத்துக்கள் நிறைந்த உணவுகள், பழங்கள், கீரைகள் போன்றவற்றை அன்றாட உணவில் சேர்ப்பதன் மூலம் இளம் வயதில் ஏற்படக்கூடிய மாதவிடாய் பிரச்சனையிலிருந்து விடுபடலாம்.

மேலும், உடலை நீரேற்றமாக வைப்பதற்கு தேங்காய் நீர், மோர் பால் போன்றவற்றைக் கொண்டு இயற்கையாகவே நீரேற்றமாக வைத்திருக்க வேண்டும்.

பொறுப்புத்துறப்பு

இதில் வழங்கப்பட்ட தகவல்கள் பொதுவான தகவல் நோக்கங்களுக்காக மட்டுமே. எனினும், தனிப்பட்ட தகவல்களைப் பெற விரும்புபவர்கள் அல்லது புதிய முயற்சிகளைக் கையாள விரும்புபவர்கள் எப்போதும் தகுதிவாய்ந்த நிபுணரை அணுகுவது நல்லது.

இந்த பதிவும் உதவலாம்: உடனே பீரியட்ஸ் ஆகணுமா? இஞ்சியை இப்படி எடுத்துக்கோங்க.. நிபுணர் தரும் டிப்ஸ் இதோ

Image Source: Freepik