புரோட்டீன் நல்லது தான்.. ஆனா அதிகமா சாப்பிட்டா இந்த 4 பிரச்சனைகள் கன்ஃபார்ம்! நிபுணர் தரும் கருத்து

அன்றாட உணவில் ஆரோக்கியமான ஊட்டச்சத்துக்கள் நிறைந்த உணவுகளை உட்கொள்வது மிகவும் அவசியமாகக் கருதப்படுகிறது. பொதுவாக, நம் உடலுக்குத் தேவையான ஊட்டச்சத்துக்கள் ஏராளம் உள்ளன. அதில் ஒன்றாகவே புரதம் அமைகிறது. புரதம் நிறைந்த உணவுகளை உட்கொள்வது உடலின் பல்வேறு முக்கிய செயல்பாடுகளில் முக்கிய பங்கு வகிக்கின்றனர். எனினும், அதிகளவு எடுத்துக் கொள்ளும் எந்தவொரு ஊட்டச்சத்துமே உடலுக்கு ஆபத்தையே விளைவிக்கும் என்பது உங்களுக்குத் தெரியுமா? ஆம். உண்மையில், அதிகளவு புரதம் எடுத்துக் கொள்வதும் ஆபத்தானதாகும்.

அவ்வாறு ஊட்டச்சத்து நிபுணர் நமாமி அகர்வால் அவர்கள், சரியான அளவு புரதத்தை உட்கொள்வதன் முக்கியத்துவத்தைப் பற்றி விவாதித்தார். "நாளைக்காக இன்று சாப்பிடுங்கள்" என்ற தனது தொடரின் ஒரு பகுதியாக இரண்டு படச் செய்திகளில், புரத உணவு என்பது அளவு மட்டுமல்ல, சினெர்ஜி பற்றியது என்பதை அவர் கூறியுள்ளார். அதில் அவர், புரதத்தை உட்கொள்வதன் நன்மைகளை அவர் தெளிவுபடுத்திய போதிலும், அதை அதிகமாக உட்கொள்வதால் ஏற்படும் முக்கிய பக்க விளைவுகள் குறித்தும் விவரித்துள்ளார்.

இந்த பதிவும் உதவலாம்: அதிக புரதம் எடுத்துக் கொள்பவரா நீங்க? முதலில் இத தெரிஞ்சிக்கோங்க

அதிகளவு புரத உட்கொள்ளலால் ஏற்படும் விளைவுகள்

அதிகப்படியான புரதம் உடலுக்கு மோசமானதா என்ற கேள்வி அனைவருக்கும் எழக்கூடியதாகும். இதற்கு ஊட்டச்சத்து நிபுணர் கூறியதாவது, "தசை, ஆற்றல் மற்றும் பழுதுபார்ப்புக்கு புரதம் அவசியம் என்றாலும், அதிகப்படியான புரதம் மற்ற ஊட்டச்சத்துக்களுடன் சமநிலைப்படுத்தப்படாவிட்டால் உடலுக்கு தீங்கு விளைவிக்கும். ஆனால், பலர் பக்க விளைவுகளை உணராமல் அதிக புரத உணவுகளில் மட்டுமே கவனம் செலுத்துகிறார்கள்" என்று கூறியுள்ளார்.

அதனைத் தொடர்ந்து, அதிகமாக புரதம் உட்கொள்ளும்போது என்ன நடக்கும் என்பது குறித்து ஊட்டச்சத்து நிபுணர் தெளிவாக விவரித்துள்ளார்.

நிபுணர் நமாமி அகர்வாலின் கூற்றுப்படி, இதில் அதிகமாக புரதம் உட்கொள்ளும்போது என்ன நடக்கும் என்பது குறித்து காணலாம்.

பயன்படுத்தப்படாவிட்டால் அதிகப்படியான புரதம் கொழுப்பாக மாறும்

"உங்கள் உடல் ஆற்றலுக்காகவோ அல்லது பழுதுபார்க்கவோ புரதத்தைப் பயன்படுத்தாவிட்டால், கூடுதல் கொழுப்பாகச் சேமிக்கப்படும் - தசை மெலிவதற்குப் பதிலாக எடை அதிகரிக்க வழிவகுக்கிறது," நமாமி கூறினார். அதாவது நம் உடலில் ஆற்றல், தசை பழுதுபார்ப்பு போன்றவற்றிற்கு புரதம் பயன்படுத்தப்படுகிறது. அதே சமயம், இந்த செயல்பாடுகளுக்குப் பயன்படுத்திய பின்னர், மீதமுள்ள புரதம் உடலில் கூடுதல் கொழுப்பாக மாறுகிறது.

குறைந்த நீரேற்றத்துடன் சிறுநீரகங்களை கஷ்டப்படுத்துகிறது

ஊட்டச்சத்து நிபுணரின் கூற்றுப்படி, மிக அதிக புரத உட்கொள்ளல், குறிப்பாக குறைந்த அளவு நீர் உட்கொள்ளலுடன் சேர்ப்பது உடலுக்குப் பல்வேறு தீங்கு விளைவிக்கலாம். ஏனெனில், இவ்வாறு குறைந்தளவு நீரேற்றத்துடன், புரத உணவுகளை அதிகம் உட்கொள்வதால், அது உடலில் உள்ள நச்சுக்களை வெளியேற்றக்கூடிய அழுத்தம் கொடுக்கலாம். இவை கழிவுப்பொருட்களை வடிகட்டுவதன் பணிச்சுமையை அதிகரிக்கிறது. இதன் காரணமாக, சிறுநீரக ஆரோக்கியமும் பாதிக்கப்படுகிறது. என்பதை அவர் வெளிப்படுத்துகிறார்.

அத்தியாவசிய ஊட்டச்சத்துக்கள் வெளியேறுகிறது

"உங்கள் உணவில் புரதம் ஆதிக்கம் செலுத்தும்போது, நீங்கள் பெரும்பாலும் கார்போஹைட்ரேட்டுகள், ஆரோக்கியமான கொழுப்புகள், நார்ச்சத்து மற்றும் முக்கிய தாதுக்களை இழக்கிறீர்கள் - இவை அனைத்தும் சமநிலை மற்றும் நீண்டகால ஆரோக்கியத்திற்குத் தேவை." என்று குறிப்பிடுகிறார். உண்மையில் அதிகளவிலான புரத உட்கொள்ளல் உடலில் மற்ற முக்கிய ஊட்டச்சத்துக்களுக்கு இடமளிக்காமல் தவிர்க்கிறது. எனவே உடலை ஆரோக்கியமாக வைப்பதற்கு, சீரான மற்றும் ஆரோக்கியமான ஊட்டச்சத்துக்களைப் போதுமான அளவு எடுத்துக் கொள்வது அவசியமாகும்.

இந்த பதிவும் உதவலாம்: ஒவ்வொரு உணவிலும் புரதம் ஏன் அவசியம்.? டாக்டர் சந்தோஷ் ஜேக்கப் விளக்கம்..

கொழுப்புச் சத்து மற்றும் இதய ஆரோக்கியத்தை பாதிக்கிறது

"குறிப்பாக விலங்கு மூலங்களிலிருந்து வரும் அதிகப்படியான புரதம், நார்ச்சத்து நிறைந்த உணவுகளுடன் சமநிலைப்படுத்தப்படாவிட்டால், கொழுப்பின் அளவை அதிகரிக்கலாம் மற்றும் இதய ஆரோக்கியத்தை பாதிக்கலாம்," என்று ஊட்டச்சத்து நிபுணர் விளக்குகிறார். விலங்கு மூலங்களிலிருந்து கிடைக்கக்கூடிய புரதத்தை அதிகளவு உட்கொள்வதால் உடலில் கொழுப்பின் அளவு அதிகரித்து, இதய பாதிப்புக்கு வழிவகுக்கிறது.

View this post on Instagram

A post shared by Nmami - Dietitian|Nutritionist (@nmamiagarwal)

முக்கிய குறிப்பு

இதனைத் தொடர்ந்து, "புரதம் முக்கியமானது, ஆனால் தரம் மற்றும் சமநிலை அளவை விட முக்கியமானது. உண்மையான ஆரோக்கிய நன்மைகளுக்கு மிதமான புரதத்தை நல்ல கொழுப்புகள், சிக்கலான கார்போஹைட்ரேட்டுகள் மற்றும் ஏராளமான நீரேற்றத்துடன் இணைக்கவும்." என்று அறிவுறுத்துகிறார். மேலும் அவர், அதிக புரதத்தை உட்கொள்கிறாரா என்பதைச் சரிபார்க்க ஏதேனும் அறிகுறிகள் உள்ளதா என்று ஒருவர் கேட்ட போது, யூரிக் அமில பரிசோதனை செய்ய பரிந்துரைத்தார்.

பருப்பு வகைகள், கொட்டைகள், விதைகள், கோழி, மீன் மற்றும் முட்டைகளைக் குறிப்பிட்டு, ஒரு கருத்துக்கு பதிலளிக்கும் விதமாக, புரதத்தின் ஆரோக்கியமான மூலங்களையும் நிபுணர் வெளிப்படுத்தினார். எனினும், மற்றொரு கருத்தில், "உணவு மட்டுமல்ல, தூக்கம், மன அழுத்தம் மற்றும் உடல் செயல்பாடு" ஆகியவற்றை உள்ளடக்கிய ஒரு முழுமையான அணுகுமுறையைப் பின்பற்றுவதே ஆரோக்கியமாக இருப்பதற்கான திறவுகோல் என்று அவர் அறிவுறுத்துகிறார்.

பொறுப்புத்துறப்பு

இதில் வழங்கப்பட்ட தகவல்கள் பொதுவான தகவல் நோக்கங்களுக்காக மட்டுமே. எனினும், தனிப்பட்ட தகவல்களைப் பெற விரும்புபவர்கள் அல்லது புதிய முயற்சிகளைக் கையாள விரும்புபவர்கள் எப்போதும் தகுதிவாய்ந்த நிபுணரை அணுகுவது நல்லது.

இந்த பதிவும் உதவலாம்: குடல் ஆரோக்கியத்திற்கான 10 புரதம் நிறைந்த உணவுகள் – டாக்டர் பால் விளக்கம்

Image Source: Freepik