நல்ல ஆரோக்கியத்துக்கு நீங்க தினமும் உங்க டயட்ல சேர்க்க வேண்டிய காய்கறிகளும், அதன் நன்மைகளும்..

அன்றாட உணவில் ஆரோக்கியமான ஊட்டச்சத்துக்கள் நிறைந்த காய்கறிகள், பழங்கள், நட்ஸ் மற்றும் விதைகள் போன்றவற்றை எடுத்துக் கொள்வது அவசியமாகக் கருதப்படுகிறது. இந்த வரிசையில் பச்சை இலை காய்கறிகளும் அடங்குகிறது. பெரும்பாலும் குழந்தைகள் நன்கு ஆரோக்கியமாக வளர்வதற்கு பெற்றோர்கள், அல்லது பாட்டிகள் அவர்களுக்கு வலுக்கட்டாயமாக உணவளிப்பதை நாம் பலரும் பார்த்திருப்போம். வளர்ந்த பிறகும், அதன் முக்கியத்துவம் என்றும் மாறாது. காய்கறிகள் ஏராளமான காய்கறிகள் இருப்பினும், இலைக் கீரைகள் ஒரு சிறந்த தேர்வாக அமைகின்றன.

உடலின் சிறந்த ஆரோக்கியத்திற்கு வைட்டமின்கள், தாதுக்கள், நார்ச்சத்து மற்றும் ஆக்ஸிஜனேற்றிகள் நிறைந்ததாகும். ஆனால், இன்றைய காலத்தில் பச்சை காய்கறிகள் மற்றும் கீரைகளைச் சேர்ப்பது மக்களிடையே குறைந்து வருகிறது. இதில் அன்றாட உணவில் பச்சை காய்கறிகளைச் சேர்ப்பது எவ்வளவு நன்மை பயக்கும் மற்றும் அது என்னென்ன வகையான பிரச்சனைகளிலிருந்து விடுபட வைக்கிறது என்பது குறித்து எடையிழப்பு மற்றும் PCOD நிபுணரும், ஊட்டச்சத்து நிபுணருமான ஸ்வேதா தக்ரர் அவர்கள் தனது இன்ஸ்டாகிராம் பக்கத்தில் சில தகவல்களைப் பகிர்ந்துள்ளார். அதைப் பற்றி இங்குக் காண்போம்.

கீரைகள் சாப்பிடுவதால் கிடைக்கும் நன்மைகள்

ஊட்டச்சத்து நிபுணர் தனது பதிவில் கூறியதாவது, “கீரைகள் சாப்பிட்டும் பலன் தெரியவில்லையா? நீங்கள் தினமும் ஒரே கீரையைச் சாப்பிட்டுக் கொண்டிருக்கலாம்.

உங்கள் செரிமானத்தை மேம்படுத்தவும், ஆற்றலை அதிகரிக்கவும், அமிலத்தன்மையைக் குறைக்கவும் மற்றும் ஒட்டுமொத்த ஆரோக்கியத்தை ஆதரிக்கவும், உங்கள் உடலுக்கு உண்மையில் பலவிதமான இந்தியப் பசலைக் கீரைகளின் சுழற்சி தேவைப்படுகிறது. உங்கள் உணவில் நீங்கள் சேர்க்க வேண்டிய 6 மிகவும் சக்திவாய்ந்த கீரைகள் இங்கே உள்ளன — ஒவ்வொன்றும் ஒரு வெவ்வேறு பிரச்சனைக்கு உதவுகிறது” என்று தனது பதிவில் பகிர்ந்துள்ளார். இவற்றில் நீங்கள் எந்தக் கீரையை அதிகம் சாப்பிடுகிறீர்கள் என்று பகிர்ந்துள்ளார்.

fresh-juicy-spinach-leaves-woode

இதனைத் தொடர்ந்து, ஊட்டச்சத்து நிபுணர் தனது பதிவில் எந்த பச்சை காய்கறிகள், கீரைகளை எடுத்துக் கொள்வது என்னென்ன பிரச்சனையிலிருந்து தீர்வு தருகிறது என்பது குறித்தும் விவரித்துள்ளார்.

இந்த பதிவும் உதவலாம்: உடல் சூட்டை குறைக்கும் 2 சூப்பர்கீரைகள் – டாக்டர் நித்யா பரிந்துரை!

குறைந்த ஆற்றல் மற்றும் பலவீனமான நோய் எதிர்ப்பு சக்திக்கு

குறைந்த ஆற்றலுடன், பலவீனமான நோயெதிர்ப்புச்சக்தியைச் சக்தியால் பலரும் பாதிக்கப்படுகின்றனர். இதிலிருந்து விடுபட உதவும் சிறந்த தேர்வாக முருங்கைக்கீரை சாப்பிடலாம்.

முருங்கைக் கீரையில் இரும்புச்சத்து, வைட்டமின்கள் மற்றும் ஆன்டிஆக்ஸிடன்ட்கள் போன்ற பல்வேறு ஊட்டச்சத்துக்கள் நிறைந்துள்ளது. இவை உடலில் நோய் எதிர்ப்பு சக்தியை அதிகரிக்கவும், சோர்வைக் குறைக்கவும் உதவுகிறது.

மூட்டு வலி பிரச்சனைக்கு

மூட்டு வலி தொடர்பான பிரச்சனைகளைச் சந்திப்பவர்கள் சார்சன் கீரை அல்லது கடுகு இலைகளைச் சாப்பிட நிபுணர் பரிந்துரைக்கிறார்.

கடுகு இலைகளில் வைட்டமின் கே மற்றும் ஆன்டிஆக்ஸிடன்ட்கள் நிறைந்து காணப்படுகிறது.

இது அழற்சியைக் குறைக்கவும், கல்லீரல் நச்சு நீக்கத்திற்கும் உதவுகிறது.

செரிமானக் கோளாறு மற்றும் மந்தமான சருமம்

குடல் ஆரோக்கியம் பாதிக்கப்படுவதால் செரிமானக் கோளாறு மற்றும் மனதமான சருமம் போன்ற பல்வேறு பிரச்சனைகள் ஏற்படலாம். இதற்கு பருப்புக்கீரை (Bathua Leaves) உட்கொள்வது மிகுந்த நன்மை பயக்கும்.

இதில் நார்ச்சத்து மற்றும் வைட்டமின்கள் நிறைந்துள்ளன. இவை செரிமான ஆரோக்கியத்திற்கு பெரிதும் உதவுகிறது மற்றும் சருமப் பொலிவை மேம்படுத்துகிறது.

இரத்த சர்க்கரை அதிகரிப்பு

உடலில் இரத்த சர்க்கரை அளவு அதிகரிப்பதன் காரணமாக நீரிழிவு நோய் ஏற்படுகிறது. இதற்கு சிறந்த தீர்வாக வெந்தயக்கீரை சாப்பிடலாம்.

இதில் உள்ள நார்ச்சத்துக்கள், சர்க்கரை அளவை இயற்கையாகவே கட்டுப்படுத்த உதவுகிறது.

பலவீனம் மற்றும் குறைந்த இரும்புச்சத்து பிரச்சனை

உடல் பலவீனமான பிரச்சனை உள்ளவர்கள் மற்றும் இரும்புச்சத்து குறைபாடு தொடர்பான பிரச்சனை உள்ளவர்களுக்கு சிறந்த தீர்வாக பாலக்கீரை சாப்பிடலாம்.

அதன் படி, இதில் இரும்புச்சத்து மற்றும் ஃபோலேட் நிறைந்துள்ளது. இது உடலை வலிமையாக்க உதவுகிறது மற்றும் நோய் எதிர்ப்பு சக்தியை அதிகரிக்கிறது.

exhausted-tired-woman-with-close

View this post on Instagram

A post shared by Shweta Thakrar (@desssidiet_by_shwetathakrar)

செரிமான பிரச்சனை

செரிமானம் தொடர்பான பிரச்சனை உள்ளவர்கள் கொத்தமல்லி சாப்பிட வேண்டும். இது செரிமானத்தை ஆதரிக்கவும், கல்லீரலை ஆரோக்கியமாக வைத்திருக்கவும் மற்றும் வயிறு உப்புசத்தைக் குறைக்கவும் உதவுகிறது.

வாயு மற்றும் அமிலத்தன்மை பிரச்சனை

வாயு பிரச்சனை மற்றும் அமிலத்தன்மை தொடர்பான பிரச்சனைகளைக் கொண்டிருப்பவர்கள் புதினா இலைகளை உட்கொள்ளலாம்.

இவை வயிற்றைப் புத்துணர்ச்சியூட்டுகிறது, அமிலத்தன்மையைக் குறைக்கிறது மற்றும் செரிமானத்தை மேம்படுத்துகிறது என பகிர்ந்துள்ளார்.

பொறுப்புத்துறப்பு

இதில் வழங்கப்பட்ட தகவல்கள் பொதுவான தகவல் நோக்கங்களுக்காக மட்டுமே. எனினும், தனிப்பட்ட தகவல்களைப் பெற விரும்புபவர்கள் அல்லது புதிய முயற்சிகளைக் கையாள விரும்புபவர்கள் எப்போதும் தகுதிவாய்ந்த நிபுணரை அணுகுவது நல்லது.

இந்த பதிவும் உதவலாம்: சத்துகளின் ராஜா இது தான்.! கீரையில் இருக்கும் அதிசய நன்மைகள்.. மருத்துவர் சிவராமன் விளக்கம்.. 

Image Source: Freepik