இன்றைய நவீன காலத்தில் மோசமான வாழ்க்கை முறை, உணவு முறை மற்றும் உடல் செயல்பாடுகள் இல்லாதது போன்றவை பல பிரச்சனைகளுக்கு வழிவகுக்கிறது. இதில் உடல் எடை அதிகரிப்பு, நீரிழிவு நோய் மற்றும் இதய நோய் உள்ளிட்ட பல்வேறு பிரச்சனைகள் ஏற்படலாம். இன்றைய காலத்தில் பலரும் உட்கார்ந்த வாழ்க்கை முறையையே பின்பற்றுகின்றனர். இதனால், அவர்களுக்கு உடல் எடையைக் குறைப்பதற்கு கடினமானதாக தோன்றலாம். குறிப்பாக, உடல் எடையைக் குறைக்கும் முயற்சியில் தொப்பைக் கொழுப்பைக் குறைப்பது மிகவும் கடினமாக இருக்கும்.
இந்நிலையில், தொப்பைக் கொழுப்பைக் குறைப்பதற்கு மருத்துவர் விவேக் ஜோஷி அவர்கள் தனது யூடியூப் பக்கத்தில் சில குறிப்புகளைப் பகிர்ந்துள்ளார். அதைப் பற்றி இங்குக் காண்போம். மருத்துவர் விவேக் ஜோஷி அவர்கள், 30 நாள்களில் தொப்பைக் கொழுப்பைக் குறைப்பதற்கும், உடல் எடையைக் குறைக்க சில எளிய ஐந்து வாழ்க்கை முறை மாற்றங்களை பகிர்ந்துள்ளார்.
30 நாள்களில் எடையைக் குறைப்பதற்கான சரியான பழக்கங்கள்
மருத்துவரின் கூற்றுப்படி, “எடை இழப்பு கடினமானது அல்ல அல்லது தொப்பையைக் குறைப்பது கடினம் அல்ல. பொறுமையாக இருந்து சரியான பழக்கங்களைப் பின்பற்ற வேண்டும்” என கூறுகிறார். மேலும் அவர், தொப்பை கொழுப்பு இருந்தால், 99.9% இது எந்த நோயாலும் அல்ல. இது வாழ்க்கை முறையின் காரணமாகும். இவற்றிற்கு உணவுப் பழக்கம், உங்கள் தூக்கப் பழக்கம் போன்றவையே காரணமாகும்.
ஒரு நாளைக்கு ஒன்று அல்லது இரண்டு முறை சாப்பிடுவது
முதல் பரிந்துரையாக, ஒரு நாளைக்கு ஒன்று அல்லது இரண்டு முறை சாப்பிட முயற்சி செய்ய மருத்துவர் பரிந்துரைக்கிறார். லேசான காலை உணவை சாப்பிட்டுவிட்டு, அதன் பிறகு மாலை 5 முதல் 7 மணிக்குள் இரவு உணவை சாப்பிட வேண்டும். எடையைக் குறைக்க நாள் முழுவதும் பசியுடன் இருக்க வேண்டியதில்லை. பழங்கள் சாப்பிடலாம். மோர் குடிக்கலாம். இது தவிர, மூலிகை தேநீர் குடிக்கலாம் என கூறுகிறார்.
மாறாக முழுவதும் பசியுடன் இருப்பது நிலைமையை மோசமாக்கக்கூடும். எனவே தான் பசிக்கும் போதெல்லாம் ஆரோக்கியமாக சாப்பிடுங்கள் என்று மருத்துவர் கூறுகிறார். இவ்வாறு செய்வது கூடுதல் எடையைக் குறைக்க உதவும் அல்லது வயிற்றில் உள்ள கொழுப்பைக் குறைக்க உதவும். கலோரி பற்றாக்குறையில் இருந்தால், உடல் சேமிக்கப்படும் கொழுப்பிலிருந்து சக்தியைப் பயன்படுத்துகிறது. இதில் மெதுவாக கொழுப்பு எரிக்கப்படுவதை உணரலாம்.
உடற்பயிற்சி செய்து முழு சக்தியையும் எரிக்கக்கூடாது
இரண்டாவது பரிந்துரையாக, ஜிம்மிலோ அல்லது உடற்பயிற்சி நிலையத்திலோ உங்கள் முழு சக்தியையும் எரிக்கக்கூடாது. ஏனெனில் நாள் முழுவதும் சுறுசுறுப்பாக இருப்பது அவசியமாகும். உடல் எடையைக் குறைக்க பெரும்பாலானோர் காலையில் ஜிம் அல்லது உடற்பயிற்சி மையத்திற்குச் சென்று தீவிரமாக பயிற்சி செய்து முழு ஆற்றலையும் இழக்கின்றனர். இது அவர்களுக்கு சக்தியைத் தராது.
இந்த பதிவும் உதவலாம்: அடிவயித்துல மட்டும் கொழுப்பு தேங்குதா.? அப்போ இந்த விஷயத்த உடனே நிறுத்துங்க.! மருத்துவர் அறிவுரை..
2 அல்லது 3 மணி நேரம் உடற்பயிற்சி செய்யாமல், 40 நிமிடங்கள் போதுமான உடற்பயிற்சி செய்யலாம். விரும்பினால் அதிகபட்சம் ஒரு மணி நேரம் செய்யலாம். ஆனால் நாள் முழுவதும் வேலை செய்வதற்கும் உங்களுக்கு ஆற்றல் இருப்பதையும் உறுதிப்படுத்திக் கொள்ள வேண்டும். சரியான பயிற்சிகளுடன், ஆரோக்கியமான உணவை எடுத்துக் கொண்டு, சரியான ஓய்வைப் பெறுவதன் மூலம் உடல் எடையைக் கட்டுப்படுத்தலாம். மேலும் முடிந்த வரை, நடந்து செல்வதாக நிலை ஏற்பட்டால், நடந்து செல்வதை வழக்கமாக்க வேண்டும். உட்கார்ந்து வேலை செய்பவர்கள், ஒவ்வொரு 40 நிமிடம் அல்லது ஒரு மணி நேரத்திற்கு ஒருமுறை எழுந்து சிறிது நிமிடங்கள் நடக்க வேண்டும்.
ஒவ்வொரு நாளும் இரண்டு பழங்களை சாப்பிடுவது
மூன்றாவதாக, இந்த பரிந்துரை மிகவும் எளிதானதாகும். ஒவ்வொரு நாளும் இரண்டு பழங்களை சாப்பிடும் பழக்கத்தை ஏற்படுத்துவதாகும். அவரவர்களின் வசதிக்கேற்ப ஒரு ஆப்பிள், ஒரு கொய்யா அல்லது ஏதேனும் ஒரு பழமாக இருக்கலாம். திராட்சைப்பழங்கள் என்றால் சிறிது அளவிலும் இருக்க வேண்டும். இவ்வாறு பழங்களை எடுத்துக் கொள்வது இயற்கையான சக்தியைத் தரும். மேலும் இது குடலின் சரியான செயல்பாட்டிற்கு உதவுகிறது.
எனவே ஒரு நாளைக்கு குறைந்தது இரண்டு பழங்களையாவது சாப்பிட மருத்துவர் பரிந்துரைக்கிறார். பசி எடுத்தால் முதல் பாதியில் ஒரு பழத்தை சாப்பிடலாம். அடுத்த பாதியில் மதியம் 2 மணி முதல் 5:00 மணி வரை சாப்பிட வேண்டும். இந்த வழியில் நீங்கள் இரண்டு பழங்களை தனித்தனி நேரத்தில் சாப்பிட வேண்டும். மேலும் இந்த பழக்கங்கள் பசியை சமப்படுத்த உதவுகிறது. எனவே ஒவ்வொரு நாளும் இரண்டு பழங்களை சாப்பிடும் பழக்கத்தை ஏற்படுத்திக் கொள்ள வேண்டும். இது அனைவருக்கும் மிகவும் உதவியாக இருக்கும்.
இரவு உணவை சரியான நேரத்தில் சாப்பிடுவது
அடுத்ததாக, இரவு உணவை சரியான நேரத்தில் சாப்பிடுவது அடங்கும். மாலை 5 முதல் 7 மணிக்குள் இரவு உணவை உட்கொள்ள முயற்சி செய்ய வேண்டும். ஒரு நாளைக்கு ஒன்று அல்லது இரண்டு வேளை சாப்பிடுவது என்ற பரிந்துரையை பின்பற்றுவதன் மூலம் மாலை 5 முதல் 7:00 மணிக்குள் இரவு உணவை எடுத்துக் கொள்வது நன்மை பயக்கும். சாப்பிடாமல் இருக்கும் போது உடல் தன்னைத்தானே மீட்டெடுக்க நேரம் கிடைக்கும்.
எனவே இரவு உணவை சரியான நேரத்தில் சாப்பிடும் ஒரு சிறிய பழக்கம் உங்களுக்கு நிறைய ஆரோக்கிய நன்மைகளைப் பெற உதவுகிறது. நல்ல நோய் எதிர்ப்பு சக்தியைக் கொண்டிருக்க சரியான நேரத்தில் இரவு உணவு சாப்பிடுவது மிகவும் முக்கியம். நல்ல ஆரோக்கியமான உடலமைப்பு மிகவும் முக்கியம்.
கார்போஹைட்ரேட்டுகளைக் குறைத்து புரதத்தை அதிகரிப்பது
நாள் முழுவதும் எவ்வளவு புரதத்தை உட்கொள்கிறீர்கள், நாள் முழுவதும் எவ்வளவு கார்போஹைட்ரேட்டுகளை உட்கொள்கிறீர்கள் என்பதைத் தெரிந்து கொள்ள வேண்டும். உடல் பருமன் கொண்டவர்கள் கார்போஹைட்ரேட்டுகளை சிறிது குறைக்க வேண்டும், உணவில் சிறிது புரதத்தை அதிகரிப்பது வலிமையைத் தர உதவுகிறது. இது உடலை உள்ளிருந்து குணப்படுத்துகிறது.
இந்த ஐந்து எளிய வாழ்க்கை முறை மாற்றங்களின் மூலம் உடல் எடையை வெகுவாகக் குறைக்கலாம்.
பொறுப்புத்துறப்பு
இதில் வழங்கப்பட்ட தகவல்கள் பொதுவான தகவல் நோக்கங்களுக்காக மட்டுமே. எனினும், தனிப்பட்ட தகவல்களைப் பெற விரும்புபவர்கள் அல்லது புதிய முயற்சிகளைக் கையாள விரும்புபவர்கள் எப்போதும் தகுதிவாய்ந்த நிபுணரை அணுகுவது நல்லது.
இந்த பதிவும் உதவலாம்: தொப்பையைக் குறைத்து ஹார்மோன்களை சமநிலையில் வைக்க இந்த மூன்று விதைகளை உங்க டயட்ல சேர்த்துக்கோங்க
Image Source: Freepik
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
Current Version
Sep 24, 2025 12:21 IST
Published By : கௌதமி சுப்ரமணி