முழு ஆரோக்கியத்தையும் கட்டிக்காக்கும் விதைகள் இங்கே.. மருத்துவர் பரிந்துரை..

உணவின் அடிப்படை சக்தியை நிரூபிப்பதில் விதைகள் மிக முக்கிய பங்கு வகிக்கின்றன. ஒவ்வொரு விதையும் தனித்தனியாக உடலுக்கு வேறு வேறு நன்மைகளை வழங்குகின்றன. ஹார்வர்ட் மற்றும் ஸ்டான்ஃபோர்டில் பயிற்சி பெற்ற குடல்நோய் நிபுணர் டாக்டர் சௌரப் சேதி சமீபத்தில் இன்ஸ்டாகிராமில் வெளியிட்ட பதிவில், சிறந்த 6 விதைகள் மற்றும் அவற்றின் ஆரோக்கிய நன்மைகள் குறித்து விளக்கமளித்துள்ளார்.

எந்த விதை எந்த நலனுக்கு சிறந்தது 

செரிமானத்திற்கு சிறந்தது – சோம்பு விதை (Fennel Seeds)

சோம்பு விதை சாப்பிட்டால் உணவு எளிதில் செரிக்க உதவுகிறது. STAT signaling மற்றும் intestinal barrier function ஆகியவற்றை மேம்படுத்தும் திறன் சோம்புவுக்கு உள்ளது என்று ஆய்வுகள் தெரிவிக்கின்றன. இதனால் வயிற்றுப் பிரச்சினைகள், அஜீரணம், மற்றும் வயிற்று வலி குறையும்.

ஹார்மோன் சமநிலைக்கு சிறந்தது – ஆளி விதை (Flax Seeds)

பாலிசிஸ்டிக் ஓவேரி சிண்ட்ரோம் (PCOS) உள்ள பெண்களுக்கு ஆளி விதை ஒரு இயற்கை மருந்தாகக் கருதப்படுகிறது. இதில் உள்ள lignans ஹார்மோன்களை சமநிலைப்படுத்த உதவுகின்றன. ஆய்வுகள் தெரிவிப்பதாவது, ஆளி விதைகள் இனப்பெருக்க சுரப்பிகளின் செயல்பாட்டை மேம்படுத்தி, ஹார்மோன் சீர்கேட்டை கட்டுப்படுத்தும்.

ஒமேகா-3க்கு சிறந்தது – சியா விதை (Chia Seeds)

சியா விதைகள் polyunsaturated fatty acids நிறைந்தவை. தண்ணீரில் ஊறவைத்து எடுத்துக்கொண்டால், ஒமேகா-3 மற்றும் 6 கொழுப்பு அமிலங்களை எளிதாக உடலுக்கு வழங்கும். இதனால் மூளை ஆரோக்கியம், இதய ஆரோக்கியம் மேம்படும்.

இந்த பதிவும் உதவலாம்: Eating Nuts And Seed: ஆயுர்வேதத்தின் படி நட்ஸ் மற்றும் சீட்ஸ் சாப்பிட சரியான வழி என்ன?

உடல் சக்திக்கான சிறந்தது – பூசணி விதை (Pumpkin Seeds)

பூசணி விதைகள் மெக்னீசியம், ஜிங்க், புரதம் நிறைந்தவை. இதனை இடையுணவாக எடுத்துக் கொண்டால் உடனடி சக்தியை வழங்கும். அதிக வேலைப்பளுவில் இருக்கும் நபர்களுக்கு மிகவும் பயனுள்ளதாக இருக்கும்.

எலும்பு ஆரோக்கியத்திற்கு – எள்ளு விதை (Sesame Seeds)

எள்ளு விதையில் கால்சியம் மற்றும் பாஸ்பரஸ் அதிகம் உள்ளது. இதனை தினசரி உணவில் சேர்த்தால் எலும்புகளின் வலிமை அதிகரிக்கும். குறிப்பாக பெண்களுக்கு எலும்பு குறைபாடு (Osteoporosis) வராமல் தடுக்கும்.

இரத்தச் சர்க்கரை கட்டுப்பாட்டிற்கு – வெந்தயம் விதை (Fenugreek Seeds)

வெந்தய விதைகள் soluble fiber அதிகம் கொண்டவை. இதனை ஊறவைத்து காலை காலியான வயிற்றில் எடுத்துக்கொண்டால் இரத்த சர்க்கரை அளவை கட்டுப்படுத்தும். எனவே நீரிழிவு நோயாளிகளுக்கு சிறந்த மருந்தாக அமையும்.

View this post on Instagram

A post shared by Saurabh Sethi MD MPH | Gastroenterologist (@doctor.sethi)

இறுதியாக..

சோம்பு, ஆளி விதை, சியா விதை , பூசணி விதை, எள்ளு, வெந்தயம் போன்ற விதைகள் நம்முடைய உடல்நலனை பல்வேறு வகைகளில் காக்கின்றன. ஒவ்வொரு விதையையும் சரியான அளவில் உணவில் சேர்த்தால் முழுமையான ஆரோக்கியத்தை அடையலாம்.

Disclaimer: இந்த கட்டுரை பொதுவான தகவல்களை மட்டுமே வழங்குகிறது. உங்களிடம் ஏதேனும் நீண்டநாள் உடல்நலப் பிரச்சினைகள் அல்லது மருந்து உட்கொண்டு வருகிறீர்கள் என்றால், விதைகளை உங்களது உணவில் சேர்ப்பதற்கு முன் மருத்துவரின் ஆலோசனையை பெறுவது அவசியம்.