PCOD பிரச்சனைக்கு சிறந்த தீர்வு.. காலை எழுந்ததும் நீங்க செய்ய வேண்டியவை! நிபுணர் சொன்னது

உலகளவில் மில்லியன் கணக்கான பெண்களைப் பாதிக்கக்கூடிய ஒரு பொதுவான பிரச்சனையாக பாலிசிஸ்டிக் ஓவரி சிண்ட்ரோம் (PCOS) அமைகிறது. இதன் காரணமாக, ஹார்மோன் ஏற்றத்தாழ்வுகள் மற்றும் ஒழுங்கற்ற மாதவிடாய், முகப்பரு மற்றும் எடை அதிகரிப்பு போன்ற பல்வேறு அறிகுறிகள் ஏற்படுகின்றன. PCOS-ஐ குணப்படுத்த முடியாது என்றாலும், சில வாழ்க்கை முறை மாற்றங்கள் மூலம், குறிப்பாக உணவு மற்றும் உடற்பயிற்சியில் கவனம் செலுத்துவதன் மூலம் அதன் அறிகுறிகளை திறம்பட நிர்வகிக்க முடியும்.

PCOD உள்ள பெண்கள் அறிகுறிகளைக் குறைப்பதற்கும் ஒட்டுமொத்த ஆரோக்கியத்தை மேம்படுத்துவதற்கும் PCOD உணவுமுறை மற்றும் உடற்பயிற்சி திட்டத்தை ஏற்றுக்கொள்வது மிகவும் முக்கியமாகும். PCOD-யை நிர்வகிக்க உதவும் உணவுமுறைகள் குறித்து PCOD, உணவியல் மற்றும் ஊட்டச்சத்து நிபுணரான காஜல் அகர்வால் அவர்கள் தனது இன்ஸ்டாகிராம் பக்கத்தில் காலை நேரத்தில் கையாளக்கூடிய சில பழக்க வழக்கங்கள் குறித்து பகிர்ந்துள்ளார். அதைப் பற்றி இங்குக் காண்போம்.

பாலிசிஸ்டிக் ஓவரி சிண்ட்ரோம் (PCOS)

இந்த பாலிசிஸ்டிக் ஓவரி சிண்ட்ரோம் (PCOS) அல்லது பாலிசிஸ்டிக் ஓவேரியன் டிசீஸால் பாதிக்கப்பட்ட பெண்கள் பல்வேறு உடல்நலப் பிரச்சனைகளைச் சந்திக்க வேண்டியுள்ளது. இவை இரண்டுமே பெண்களின் ஹார்மோன் சமநிலையின்மையால் ஏற்படுகின்றன.

இந்த பதிவும் உதவலாம்: PCOS பிரச்சனையால் அவதியா? இந்த விதைகளை உங்க டயட்ல சேர்க்க மறக்காதீங்க

இந்நிலையில், பெண்களின் கருப்பைகள் அளவு அதிகரிக்கிறது. மேலும், அதன் வெளிப்புற விளிம்புகளில் சிறிய கட்டிகள் உருவாகின்றன. இத்தகைய சூழ்நிலையில், பெண்கள் ஒழுங்கற்ற மாதவிடாய், தேவையற்ற முக முடிகள், முகப்பரு, இடுப்பு வலி, உடல் பருமன், நெஞ்செரிச்சல், முடி உதிர்தல் போன்ற பிரச்சனைகளை சந்திக்க நேரிடலாம்.

PCOD-க்கான காலை பழக்க வழக்கங்கள்

நிபுணர் தனது பதிவில், PCOD-க்கான எனது காலை வழக்கம் — க்ளோ-அப் இங்கிருந்து தொடங்குகிறது! என்று கூறினார். மேலும், சிறிய பழக்கவழக்கங்கள், ஹார்மோன் பெரிய அளவில் வெற்றி பெறுகிறது. இந்நிலையில், சூடான நீரைக் குடித்து நாளைத் தொடங்குவது முதல் கவனத்துடன் செயல்படுவது வரை... இந்தப் படிகள் மீண்டும் சமநிலையாகவும், உற்சாகமாகவும், கட்டுப்பாட்டிலும் உணர உதவும் எனக் குறிப்பிட்டுள்ளார்.

மேலும் அவர், இந்த PCOS-க்கு ஏற்ற காலை சடங்குகளை முயற்சிக்கவும். உங்கள் நாளை நீங்கள் எவ்வாறு தொடங்குகிறீர்கள் என்பது உங்கள் ஹார்மோன்கள், ஆற்றல் மற்றும் பசிக்கு ஏற்றவாறு அமைகிறது என்று கூறினார்.

காலையில் வெந்தய தண்ணீர் குடிப்பது

காலை நேரத்தில் எழுந்தவுடன் வெந்தயம் ஊறவைத்த நீரைக் குடிப்பது செரிமானத்தை மேம்படுத்த உதவுகிறது. மேலும், இது வயிற்று உப்புசத்தைக் குறைக்கிறது மற்றும் நச்சுகளை வெளியேற்ற உதவுகிறது. இது PCOS உள்ளவர்களுக்கு ஒரு நல்ல தேர்வாகும்.

காலை சூரிய ஒளியைப் பெறுவது

பொதுவாக, காலை நேர சூரிய ஒளியைப் பெறுவது அனைவருக்கும் அவசியமாகக் கருதப்படுகிறது. இதன் மூலம் உடலுக்குத் தேவையான வைட்டமின் டி ஊட்டச்சத்துக்களைப் பெறலாம். குறிப்பாக, PCOD உள்ள பெண்கள் சூரிய ஒளியைப் பெறுவது சர்க்காடியன் தாளத்தை சீராக்க உதவுகிறது மற்றும் தூக்கத்தின் தரத்தை மேம்படுத்துகிறது.

இந்த பதிவும் உதவலாம்: PCOS, PCODக்கு உதவும் Top 5 ஆயுர்வேத உணவுகள் - நிபுணர் பரிந்துரை

புரதம் நிறைந்த காலை உணவை உண்ணுவது

அன்றாட காலை உணவில் புரதம் நிறைந்த உணவுகளை எடுத்துக் கொள்வது பசியைக் குறைக்க உதவுகிறது. மேலும், இது இரத்த சர்க்கரையை நிலையாக வைத்திருக்க உதவுகிறது. இதன் மூலம் PCOD அறிகுறிகளைக் குறைக்கலாம்.

View this post on Instagram

A post shared by Dietician Kajal Aggarwal ✨Clinical Dietician ✨PCOD Expert. (@dietician_kajalaggarwal)

மன அழுத்தத்தைக் குறைப்பது

அதிகளவு மன அழுத்தம் காரணமாக, உடலில் கார்டிசோல் அளவு அதிகரிக்கிறது. மேலும் இவை PCOS அறிகுறிகளை மோசமாக்குகிறது. எனவே மன அழுத்தத்தைக் குறைக்க உதவும் பழக்க வழக்கங்களைச் சேர்ப்பது அவசியமாகும். இதற்கு காலையில் யோகா, உடற்பயிற்சி போன்றவற்றைச் செய்யலாம்.

உடல் செயல்பாடுகளில் ஈடுபடுவது

பொதுவாக, உடல் செயல்பாடுகளில் ஈடுபடுவது உடலை கட்டுக்கோப்பாக வைப்பதுடன், பல்வேறு பிரச்சனைகளுக்குத் தீர்வு தருகிறது. இவை இன்சுலின் உணர்திறனை மேம்படுத்தவும் மற்றும் காலை விறைப்பைக் குறைக்கவும் உதவுகின்றன.

இந்த பதிவும் உதவலாம்: PCOD-ஐ குணப்படுத்த நெய் உதவுமா.? மருத்துவர் விளக்கம் இங்கே..

Image Source: Freepik