கண் ஆரோக்கியம் முதல் மூளை ஆரோக்கியம் வரை.. கறிவேப்பிலை சாப்பிடுவதால் கிடைக்கும் சில நன்மைகள் இங்கே

அன்றாட உணவில் ஆரோக்கியமான ஊட்டச்சத்துக்கள் நிறைந்த உணவுகளை உட்கொள்வது அவசியமாகக் கருதப்படுகிறது. அவ்வாறே, நம் இந்திய உணவில் பெரும்பாலும் ஒரு சிறந்த உணவுப்பொருளாகக் கறிவேப்பிலை சேர்க்கப்படுகிறது. பெரும்பாலானோர், கறிவேப்பிலையை உணவில் சுவைக்காகப் பயன்படுத்துவதாக எண்ணுகின்றனர். ஆனால், இது உடல் ஆரோக்கியத்திற்குப் பல்வேறு நன்மைகளைத் தரும் என்பது உங்களுக்குத் தெரியுமா? ஆம். உண்மையில், கறிவேப்பிலை சாப்பிடுவது பல்வேறு ஆரோக்கிய நன்மைகளைத் தருகிறது.

இதில் கறிவேப்பிலையை சாப்பிடுவதால் என்னென்ன நன்மைகள் கிடைக்கும் என்பது குறித்து ஊட்டச்சத்து நிபுணர் லோவ்னீத் பத்ரா அவர்கள் தனது இன்ஸ்டாகிராம் பக்கத்தில் சில தகவல்களைப் பகிர்ந்துள்ளார். அதைப் பற்றி இந்தப் பதிவில் காண்போம்.

கறிவேப்பிலையில் உள்ள ஊட்டச்சத்துக்கள்

கறிவேப்பிலையில் ஏ, பி, சி மற்றும் ஈ போன்ற வைட்டமின்களும், இரும்பு, கால்சியம், தாமிரம், பாஸ்பரஸ், மெக்னீசியம் போன்ற தாதுக்களும் நிறைந்து காணப்படுகின்றன. மேலும் இதில் நார்ச்சத்து, கார்போஹைட்ரேட்டுகள் மற்றும் ஆன்டிஆக்ஸிடன்ட்கள் போன்ற பல்வேறு ஊட்டச்சத்துக்களும் நிறைந்துள்ளது. இது உடல் ஆரோக்கியத்திற்கு பல்வேறு ஆரோக்கிய நன்மைகளை வழங்குகிறது.

இந்த பதிவும் உதவலாம்: ஹை லெவல் கொலஸ்ட்ராலை டக்குனு குறைக்க கறிவேப்பிலை ஒன்னு போதும்! எப்படி சாப்பிடணும் தெரியுமா?

நிபுணரின் கருத்து

ஊட்டச்சத்து நிபுணர் லோவ்னீத் பத்ரா அவர்கள்,”கறிவேப்பிலை வெறும் சுவைக்காகவா என்று யோசிக்கிறீர்களா?” என்று தனது பதிவில் குறிப்பிட்டுள்ளார்.

அவர் கூறியதாவது, “இந்த சிறிய பச்சை இலைகளில் ஊட்டச்சத்துக்கள் நிறைந்துள்ளன. இவை இயற்கையான மல்டிவைட்டமின்களைப் போலவே சக்திவாய்ந்தவையாகக் கருதப்படுகிறது. குறிப்பாக, இது பெண்களின் ஆரோக்கியம், கர்ப்பம் மற்றும் பிரசவத்திற்குப் பிந்தைய மீட்பு உள்ளிட்ட பல்வேறு ஆரோக்கிய நன்மைகளைத் தருகிறது.

கண்கள் மற்றும் சருமத்திற்கு வைட்டமின் ஏ

கறிவேப்பிலையில் பீட்டா கரோட்டின் (வைட்டமின் ஏ) ஊட்டச்சத்துக்கள் அதிகம் நிறைந்து காணப்படுகிறது. இவை ஒளிரும் சருமத்தைப் பெறவும், தெளிவான பார்வைத் திறனை வழங்கவும் மற்றும் வலுவான நோய் எதிர்ப்பு சக்தியை ஆதரிக்கவும் உதவுகின்றன என்று கூறியுள்ளார்.

இவை கண்களின் ஆரோக்கியத்தை மேம்படுத்துவதன் மூலம் பார்வை குறைபாடு மற்றும் மாலைக்கண் நோய் போன்ற பிரச்சனைகளைத் தடுக்க உதவுகிறது. மேலும், இவை சருமத்திற்கு மிகவும் நன்மை பயக்கும். ஏனெனில், இதில் உள்ளஆன்டி-ஆக்ஸிடன்ட் மற்றும் ஆன்டி-பாக்டீரியல் பண்புகள் சருமத்தை புத்துணர்ச்சியடைய வைக்கிறது.

இரத்த ஆரோக்கியத்திற்கு இரும்பு + ஃபோலிக் அமிலம்

கறிவேப்பிலையில் இரும்பு மற்றும் ஃபோலிக் அமிலம் போன்ற ஊட்டச்சத்துக்கள் நிறைந்துள்ளது. இவை இரத்த சிவப்பணு உற்பத்திக்கு முக்கிய பங்கு வகிக்கின்றன. மேலும், இது இரத்த சோகையைத் தடுப்பதற்கான சரியான கலவையாக அமைகிறது. குறிப்பாக, புதிய அம்மாக்கள் மற்றும் அதிக மாதவிடாய் உள்ள பெண்களுக்கு மிகவும் முக்கியமானது என குறிப்பிடுகிறார்.

வலுவான எலும்புகளுக்கு கால்சியம் + பாஸ்பரஸ்

100 கிராம் அளவிலான கறிவேப்பிலையில் 659 மி.கி கால்சியம் ஊட்டச்சத்துக்கள் நிறைந்துள்ளது. இது எலும்பு வலிமை மற்றும் அடர்த்தியை மீண்டும் உருவாக்க உதவுகிறது. மேலும் இது பிரசவத்திற்குப் பிந்தைய ஒவ்வொரு பெண்ணுக்கும் தேவையான ஒன்றாகக் கருதப்படுகிறது.

இந்த பதிவும் உதவலாம்: தினமும் காலையில் வெறும் வயிற்றில் 7-8 கறிவேப்பிலையை மென்று சாப்பிடுங்கள்.. பல பிரச்சனைகள் ஓடிவிடும்..

வைட்டமின் சி + ஈ + பளபளப்பு மற்றும் நோய் எதிர்ப்பு சக்திக்கான ஆக்ஸிஜனேற்றிகள்

கறிவேப்பிலையில் ஆக்ஸிஜனேற்றிகள் நிறைந்து காணப்படுகின்றன. இவை உடலில் ஆக்ஸிஜனேற்ற அழுத்தத்தை எதிர்த்துப் போராட பெரிதும் உதவுகிறது. மேலும் இவை கொலாஜன் உற்பத்தியை ஊக்குவிக்கவும், சருமத்தை இளமையாகவும் பொலிவுடனும் வைத்திருக்கவும் உதவுகின்றன.

View this post on Instagram

A post shared by Lovneet Batra (@lovneetb)

ஆற்றல் மற்றும் மூளை ஆரோக்கியத்திற்கான பி-காம்ப்ளக்ஸ் வைட்டமின்கள்

கறிவேப்பிலையில் உள்ள வைட்டமின் பி-காம்ப்ளக்ஸ் வளர்சிதை மாற்றத்தை மேம்படுத்த உதவுகிறது. மேலும் இது ஹார்மோன்களை சமநிலைப்படுத்தவும், ஆரோக்கியமான நரம்பு செயல்பாட்டை ஆதரிக்கவும் உதவுகின்றன. கூடுதலாக, இவை சோர்வு மற்றும் மூளை மூடுபனியைத் தடுக்க பெரிதும் உதவுகிறது என்று கூறினார்.

இறுதியாக, “எனவே அடுத்த முறை நீங்கள் சமைக்கும்போது - அந்த கறிவேப்பிலைகளைத் தவிர்க்காதீர்கள்! அவை அலங்காரப் பொருட்கள் அல்ல, அவை இயற்கையின் தினசரி ஆரோக்கியத்திற்கான உணவாகும்” என்று தனது பதிவில் குறிப்பிட்டுள்ளார்.

பொறுப்புத்துறப்பு

இதில் வழங்கப்பட்ட தகவல்கள் பொதுவான தகவல் நோக்கங்களுக்காக மட்டுமே. எனினும், தனிப்பட்ட தகவல்களைப் பெற விரும்புபவர்கள் அல்லது புதிய முயற்சிகளைக் கையாள விரும்புபவர்கள் எப்போதும் தகுதிவாய்ந்த நிபுணரை அணுகுவது நல்லது.

இந்த பதிவும் உதவலாம்: Karuveppilai Chicken: லெமன் சிக்கன் தெரியும்... அதென்ன கறிவேப்பிலை சிக்கன்... இதோ ரெசிபி!

Image Source: Freepik