Low Cholesterol Fruits: உடலில் உள்ள கொழுப்பைக் குறைக்க உதவும் பழங்கள் என்னென்ன தெரியுமா?

$

எடை இழப்பு என்றாலே அனைவரும் நாடுவது பெரும்பாலும் பழங்களைத் தான். உடலில் உள்ள கொழுப்புகளைக் கரைக்க பழங்கள் முக்கிய பங்கு வகிக்கிறது. ஏனெனில், பழங்கள் உடலில் உள்ள கெட்ட கொழுப்புகளை வெளியேற்றக்கூடிய நார்ச்சத்துக்களைக் கொண்டுள்ளது. எந்த இரசாயனங்களும் கலக்கப்படாத பழங்கள் எப்போதும் சுவையானது மற்றும் பாதுகாப்பானதும் கூட. எனவே இயற்கையான முறையில் உடல் எடை குறைப்பதில் பழங்கள் பெரிதும் உதவுகிறது. மேலும், இவை செரிமானம் தொடர்பான பிரச்சனைகளுக்கும் உதவக்கூடியதாக அமைகிறது. இதில், உடலில் உள்ள கெட்ட கொழுப்புகளைக் குறைப்பதில் பங்கேற்கும் சில பழங்களைக் காணலாம்.

கொழுப்புகளைக் கரைக்க உதவும் பழங்கள்

அதிக அளவிலான கொழுப்பு இருப்பது இதய நோய் பாதிப்பை உண்டாக்குகிறது. எனவே, ஹெச்டிஎல் எனப்படக்கூடிய நல்ல கொலஸ்ட்ரால் அளவை எடுத்துக் கொள்வதன் மூலம் கெட்ட கொலஸ்ட்ரால் அளவைக் குறைக்க முடியும். இதில் கொழுப்பைக் குறைப்பதற்கான பழங்களைக் காணலாம்.

அவகேடா

நம் அன்றாட உணவில் சேர்க்க வேண்டிய பழங்களில் அவகேடோ பழமும் ஒன்று. இவற்றை சரியான டயட்டுடன் எடுத்துக் கொள்வதன் மூலம் மோனோசாச்சுரேட்டர் உற்பத்தியாகிறது. இதனால் உடலில் நல்ல கொழுப்புகள் அதிகரிக்கப்படுகிறது. இந்த பழங்களைச் சாப்பிடும் போது எல்டிஎல் எனப்படக்கூடிய கொலஸ்ட்ரால் அளவு குறைவதாகக் கூறப்படுகிறது. எனவே அவகேடோ ஆனது கெட்ட கொழுப்புகளைக் குறைக்க உதவுகிறது.

இந்த பதிவும் உதவலாம்: தோலில் தோன்றும் இதய நோயின் அறிகுறிகள் இங்கே

பெர்ரி

பல விதமான வண்ணங்கள் மற்றும் வடிவங்களில் காணப்படக்கூடிய பெர்ரி பழங்கள், ஊட்டச்சத்து மிக்க பழங்கள் ஆகும். மேலும் இந்த பெர்ரி பழங்களில் நார்ச்சத்துக்கள் அதிகமாகக் காணப்படுகின்றன. இதில் கலோரிகள் குறைவாக உள்ளது. உடல் எடை குறைக்க விரும்புபவர்கள் தாராளமாக டயட்டில் பெர்ரி பழங்களை எடுத்துக் கொள்வோம். இவற்றில் உள்ள தாதுக்கள், நார்ச்சத்து போன்றவை இரத்தத்தில் உள்ள சர்க்கரையின் அளவை சீராக்குகிறது.

ஆப்பிள்

உடலில் உள்ள கொழுப்புகளைக் கரைப்பதில் ஆப்பிள் முக்கிய பங்கு வகிக்கிறது. ஆப்பிளில் பாலிஃபீனால்கள் மற்றும் பெக்டின் போன்றவை நிறைந்துள்ளது. இந்த சத்துக்கள் உடலில் உள்ள கெட்ட கொழுப்புகளைக் குறைக்க உதவுகிறது. ஆப்பிளில் உள்ள நார்ச்சத்துக்கள் கொழுப்பைக் குறைத்து நீரிழிவு நோய் அபாயத்தைத் தடுக்கிறது. இது உடல் எடையை விரைவில் குறைக்க உதவுகிறது.

இந்த பதிவும் உதவலாம்: Bladder Cancer: சிறுநீர்ப்பை புற்றுநோயின் அறிகுறிகள் மற்றும் சிகிச்சைகள்

சிட்ரஸ் பழங்கள்

ஆரஞ்சு, எலுமிச்சை போன்ற சிட்ரஸ் பழங்கள் அதிக அளவிலான அமிலத்தன்மையைக் கொண்டுள்ளது. ஏனெனில் இதில் பெக்டின் எனப்படும் நார்ச்சத்துக்கள் நிறைந்துள்ளது. இதன் மூலம் இரத்தக்குழாயில் உள்ள கெட்ட கொழுப்புகள் கரைக்கப்படுகின்றன. தினந்தோறும் ஆப்பிள் பழங்கள் எடுத்துக் கொள்வதன் மூலம் கொழுப்பு கரைவதை உணரலாம்.

வாழைப்பழம்

வாழைப்பழங்களில் உள்ள சில அத்தியாவசிய ஊட்டச்சத்துக்கள் உடலில் உள்ள கெட்ட கொழுப்பைக் குறைக்க உதவுகிறது. மேலும் வாழைப்பழங்கள் உடல் எடை இழப்பு, இதய ஆரோக்கியம் மற்றும் செரிமானம் போன்றவற்றின் மூலம் கொலஸ்ட்ரலை சமநிலைப்படுத்த உதவுகின்றன.

இந்த பதிவும் உதவலாம்: சர்க்கரை நோயாளிகள் கரும்பு ஜூஸ் குடிக்கலாமா?

Image Source: Freepik