அன்றாட உணவில் ஆரோக்கியமான ஊட்டச்சத்துக்கள் நிறைந்த உணவுகள், காய்கறிகள், பழங்கள் போன்றவற்றை எடுத்துக் கொள்வது அவசியமானதாகக் கருதப்படுகிறது. ஆனால், தனித்தனியாக உணவை உட்கொள்வது உடல் ஆரோக்கியத்திற்கு எவ்வளவு முக்கியமானதாகக் கருதப்படுகிறதோ, அதே போல சில உணவுச் சேர்க்கைகளை எடுத்துக் கொள்வது அவசியமானதாகக் கருதப்படுகிறது. இதில் எந்தெந்த உணவுச் சேர்க்கைகள் உடலுக்கு ஊட்டச்சத்துக்களை நிரப்புகிறது என்பது குறித்து உணவியல் நிபுணரும், ஹார்மோன் மற்றும் குடல் ஆரோக்கிய பயிற்சியாளருமான மன்பிரீத் கல்ரா அவர்கள் தனது இன்ஸ்டாகிராம் பக்கத்தில் சில தகவல்களைப் பகிர்ந்துள்ளார். அதைப் பற்றி இங்குக் காண்போம்.
ஊட்டச்சத்துக்களை மேம்படுத்தும் உணவுச்சேர்க்கைகள்
நிபுணர் தனது பதிவில் கூறியதாவது, “புத்திசாலித்தனமாக சாப்பிடுவது என்பது அதிகமாக சாப்பிடுவது பற்றியது அல்ல. அது சரியாக சாப்பிடுவது பற்றியது” என்று தனது பதிவைத் தொடங்கினார்.
இந்த 7 உணவு சேர்க்கைகள் சுவையானவை மட்டுமல்லாமல் அவை செரிமானத்தை மேம்படுத்தவும், நோய் எதிர்ப்பு சக்தியை அதிகரிக்கவும், சர்க்கரை அளவை நிர்வகிக்கவும், ஊட்டச்சத்து உறிஞ்சுதலை அதிகரிக்கவும் இணைந்து செயல்படுகின்றன.
இந்த பதிவும் உதவலாம்: நீங்க சாப்பிடும் இந்த உணவுகள் நல்லதுதான்.. ஆனா சாப்பிடும் நேரம் தவறு! ஆயுர்வேதம் சொல்லும் இரகசியம்..
தினசரி வழக்கத்தில் சேர்க்க வேண்டிய முதல் 7 உணவு சேர்க்கைகள்
மோர் மற்றும் சியா விதைகள்
புரோபயாடிக்குகள் + ப்ரீபயாடிக்குகள் = வலுவான குடல் & சிறந்த செரிமானம்
மோர் புரோபயாடிக்குகள் நிறைந்ததாகும். சியா விதைகள் ப்ரீபயாடிக்குகள் நிறைந்ததாகும். இவை இரண்டுமே சிறந்த செரிமானம் மற்றும் நல்ல குடல் ஆரோக்கியத்திற்கு இன்றியமையாததாகும். இவற்றின் கலவையானது குடலில் நன்மை பயக்கும் பாக்டீரியாக்களின் சமநிலையை மேம்படுத்துவதன் மூலம் செரிமானத்தை மேம்படுத்துகிறது.
பஃப் செய்யப்பட்ட அரிசி + வறுத்த சன்னா
லேசான சிற்றுண்டி + புரத பஞ்ச் = குற்ற உணர்வு இல்லாமல் ஆரோக்கியமான சிற்றுண்டி
இது ஒரு ஆரோக்கியமான சிற்றுண்டியாகக் கருதப்படுகிறது. இதில் புரதம், நார்ச்சத்து, மற்றும் கார்போஹைட்ரேட் ஆகியவை உள்ளன.
கடலை மாவு + புதினா-கொத்தமல்லி சட்னி
அதிக புரதம் + இரும்புச்சத்து = அதிகரித்த உறிஞ்சுதல் & சிறந்த இரத்த ஆரோக்கியம்
இந்த உணவுச்சேர்க்கையானது அதிக புரதம் நிறைந்த இரும்புச்சத்துக்கள் நிறைந்த சேர்க்கையாகக் கருதப்படுகிறது. இது அதிகரித்த உறிஞ்சுதல் மற்றும் சிறந்த இரத்த ஆரோக்கியத்திற்கு உதவுவதாகக் கூறப்படுகிறது.
கோதுமை ரொட்டி + தினை மாவு (ஜோவர்/பஜ்ரா)
குறைந்த GI + அதிக நார்ச்சத்து = சிறந்த சர்க்கரை கட்டுப்பாடு & செரிமானம்
இதில் கோதுமை குறைந்த கிளைசெமிக் நிறைந்ததாகும். மேலும் தினை மாவு அதிக நார்ச்சத்துக்களைக் கொண்டது. இவை சிறந்த சர்க்கரை கட்டுப்பாடு மற்றும் செரிமானத்திற்கு பெரிதும் உதவுகிறது.
பருப்பு + இஞ்சி
மேம்பட்ட செரிமானம் + பருப்பு வகைகளிலிருந்து குறைவான வீக்கம்
இந்த வகை உணவுச் சேர்க்கையானது செரிமான ஆரோக்கியத்தை மேம்படுத்த உதவுகிறது. மேலும் இது வீக்கத்தைக் குறைக்கவும், உடலில் நோய் எதிர்ப்பு சக்தியை அதிகரிக்கவும் உதவுகிறது.
பச்சை தேயிலை + இலவங்கப்பட்டை குச்சி
சிறந்த இன்சுலின் உணர்திறன் + கொழுப்பு வளர்சிதை மாற்றத்திற்கு உதவுகிறது
இந்த சேர்க்கையானது சிறந்த இன்சுலின் உணர்திறன் கொண்டதாக அமைகிறது. மேலும் இது கொழுப்பு வளர்சிதை மாற்றத்திற்கு பெரிதும் உதவுகிறது.
இந்த பதிவும் உதவலாம்: "Fruit Combinations" - எது நல்லது.? எது கெட்டது.? மருத்துவர் விளக்கம்..
தண்ணீர் + ஒரு சிட்டிகை கல் உப்பு
செல்லுலார் நீரேற்றம் + எலக்ட்ரோலைட் சமநிலையை மேம்படுத்துகிறது
தண்ணீருடன், ஒரு சிட்டிகை கல் உப்பு சேர்ப்பது செல்லுலார் நீரேற்றத்திற்கு உதவுகிறது. மேலும் இது எலக்ட்ரோலைட் சமநிலையை மேம்படுத்த உதவுகிறது.
தவிர்க்க வேண்டிய உணவுச்சேர்க்கைகள்
இதனைத் தொடர்ந்து அவர், தவிர்க்க வேண்டிய சில உணவுச்சேர்க்கைகளையும் பகிர்ந்துள்ளார்.
பால் + சிட்ரஸ் (எலுமிச்சை/ஆரஞ்சு) - செரிமானத்தை சீர்குலைத்து பாதிக்கிறது
வெள்ளரி + தக்காளி - செரிமான நேரங்களுக்கு முரண்பாடான சேர்க்கையாகும். மேலும் இது வயிற்று உப்புசத்தை ஏற்படுத்தக்கூடும்.
வாழைப்பழம் + பால் - இது கனமான சேர்க்கையாகும். இவை சோம்பலை ஏற்படுத்துகிறது மற்றும் சர்க்கரையை அதிகரிக்கக்கூடும்
பழம் + உணவுகள் - பழங்கள் வேகமாக ஜீரணமாகக்கூடியது. இதை கனமான உணவுகளுடன் சாப்பிட்டால் நொதித்தலை ஏற்படுத்துகிறது.
தயிர் + மீன் - ஆயுர்வேதத்தில் எதிர் பண்புகள், குடல் சமநிலையை சீர்குலைக்கிறது.
பொறுப்புத்துறப்பு
இதில் வழங்கப்பட்ட தகவல்கள் பொதுவான தகவல் நோக்கங்களுக்காக மட்டுமே. எனினும், தனிப்பட்ட தகவல்களைப் பெற விரும்புபவர்கள் அல்லது புதிய முயற்சிகளைக் கையாள விரும்புபவர்கள் எப்போதும் தகுதிவாய்ந்த நிபுணரை அணுகுவது நல்லது.
இந்த பதிவும் உதவலாம்: இந்த 3 உணவு சேர்க்கைகளை உடனே நிறுத்துங்க.. இல்லாட்டி குடல் ஆரோக்கியம் பாதிக்கப்படும்.! மருத்துவர் எச்சரிக்கை..
Image Source: Freepik
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
-
Current Version
Oct 16, 2025 20:56 IST
Published By : கௌதமி சுப்ரமணி
