குளிர்காலத்தில் நோயெதிர்ப்புச் சக்தியை அதிகரிக்க நீங்க சாப்பிட வேண்டிய காய்கறிகள்..

குளிர்காலத்தின் குளிர் காற்று வீசும்போது, அன்றாட உணவில் மாற்றங்களைக் கொண்டு வரவேண்டியது அவசியமாகும். அதன் படி, அத்தியாவசிய வைட்டமின்கள், தாதுக்கள் மற்றும் நார்ச்சத்து நிறைந்த உணவுகளை எடுத்துக் கொள்வது ஆறுதலான சுவையை வழங்குவதோடு மட்டுமல்லாமல் ஒட்டுமொத்த நல்வாழ்விற்கும் பங்களிக்கின்றன. பொதுவாக, பச்சை காய்கறிகளை தினமும் உட்கொள்வதன் மூலம் உடல் மற்றும் மன ஆரோக்கியத்தை பராமரிக்கலாம். குறிப்பாக குளிர்காலத்தில், அதிகமாக சாப்பிடத் தொடங்குவதால், உடல் பருமனும் அதிகரிக்கிறது.

குளிர்காலத்தில் சந்தையில் பல வகையான காய்கறிகள் கிடைக்கின்றன. அவற்றில் சிலவற்றை உட்கொள்வதால் உடல் எடை அதிகரிக்கலாம். அதே நேரத்தில் சில ஆரோக்கியமான பண்புகள் நிறைந்த காய்கறிகள் கல்லீரல், கொழுப்பு சமநிலை, நோய் எதிர்ப்பு சக்தி, தூக்கம், சருமம் மற்றும் முடி ஆரோக்கியம் என பல்வேறு நன்மைகளை வழங்குகிறது. இதில் குளிர்காலத்தில் எந்தெந்த காய்கறிகளை நம் அன்றாட உணவில் சேர்க்க வேண்டும் என்பது குறித்து ஹார்மோன் மற்றும் குடல் ஆரோக்கிய பயிற்சியாளரும், ஊட்டச்சத்து நிபுணருமான மன்பிரீத் கல்ரா அவர்கள் தனது இன்ஸ்டாகிராம் பக்கத்தில் சில தகவல்களைப் பகிர்ந்துள்ளார். அதைப் பற்றி இங்குக் காண்போம்.

குளிர்காலத்தில் சாப்பிட வேண்டிய காய்கறிகள்

ஊட்டச்சத்து நிபுணரின் கூற்றுப்படி, குளிர்காலம் வந்துவிட்டது, உங்கள் கல்லீரல், இன்சுலின் உணர்திறன், கொழுப்பு சமநிலை, நோய் எதிர்ப்பு சக்தி, தூக்கம், தோல் மற்றும் முடி ஆரோக்கியத்தை இயற்கையாகவே ஆதரிக்கும் சிறந்த பருவகால காய்கறிகளால் உங்கள் உடலை வளர்க்க வேண்டிய நேரம் இது! என்று தனது பதிவை ஆரம்பித்தார்.

மேலும், அவர் குளிர்காலத்தில் உடலில் உள்ள குறிப்பிட்ட உறுப்புகளின் ஆரோக்கியத்தை பாதுகாப்பதற்கு எந்த வகையான காய்கறிகளைச் சேர்க்க வேண்டும் என்பது குறித்து குறிப்பிட்டுள்ளார். அதைப் பற்றி இங்குக் காண்போம்.

இந்த பதிவும் உதவலாம்: Avoid foods in winter: குளிர்காலத்தில் நீங்க மறந்தும் சாப்பிடக்கூடாத உணவுகள் என்னென்ன தெரியுமா?

கல்லீரல் புத்துணர்ச்சி

கல்லீரல் செயல்பாட்டை மேம்படுத்த குளிர்காலத்தில் பீட்ரூட், கீரை, வெந்தயம், முட்டைக்கோஸ் போன்ற காய்கறிகளைச் சேர்க்கலாம். இவை கல்லீரல் நச்சு நீக்கத்திற்கு மற்றும் ஆக்ஸிஜனேற்ற பாதுகாப்பை ஆதரிக்கவும் உதவுகிறது.

இன்சுலின் உணர்திறன்

இன்சுலின் உணர்திறனை மேம்படுத்த உணவில் ப்ரோக்கோலி, காலிஃபிளவர், வெண்டைக்காய் மற்றும் வெந்தய இலைகள் போன்றவற்றைச் சேர்க்க வேண்டும். இவை இரத்த சர்க்கரை ஒழுங்குமுறை மற்றும் வளர்சிதை மாற்ற ஆரோக்கியத்திற்கு உதவுகின்றன. மேலும் இது இரத்த சர்க்கரை அளவை மேம்படுத்துகின்றன.

கொழுப்பு சமநிலை

கொழுப்பு சமநிலைக்கு உணவில் கீரை, பிரஸ்ஸல்ஸ் முளைகள், கடுகு கீரைகள் மற்றும் தக்காளி போன்றவற்றைச் சேர்க்கலாம். இவை ஆரோக்கியமான லிப்பிட் அளவை பராமரிக்க உதவுகின்றன. அதாவது, உடலில் காணப்படும் அதிகப்படியான கெட்ட கொழுப்பைக் குறைத்து, இதய ஆரோக்கியத்தை ஆதரிக்கிறது.

நோய் எதிர்ப்பு சக்தி அதிகரிக்க

குளிர்காலத்தில் பொதுவாகவே நோய் எதிர்ப்பு சக்தி குறைவாக இருக்கும். எனவே இந்த காலநிலையில், ஒவ்வொருவரும் தங்கள் உணவில் கேரட், சர்க்கரைவள்ளிக்கிழங்கு, பச்சை பட்டாணி மற்றும் கடுகு கீரைகள் போன்றவற்றைச் சேர்க்க வேண்டும். இவை நோய் எதிர்ப்பு சக்தி மற்றும் ஆக்ஸிஜனேற்ற பாதுகாப்பை பலப்படுத்தவும் உதவுகின்றன.

தூக்கத்தை மேம்படுத்துதல்

நல்ல தூக்கத்தைப் பெற கீரை, பூசணி விதைகள், சர்க்கரைவள்ளிக்கிழங்கு போன்றவற்றைச் சேர்க்கலாம். இது உடலுக்குத் தளர்வு மற்றும் நிம்மதியான தூக்கத்தை ஊக்குவிக்கிறது.

தோல் வறட்சியை குணப்படுத்துதல்

குளிர்காலத்தில் பலரும் சரும வறட்சி பிரச்சனையை சந்திப்பர். இந்நிலையில், உணவில் சர்க்கரைவள்ளிக்கிழங்கு, கீரை, பீட்ரூட் மற்றும் மாதுளை சேர்ப்பது சருமத்தை நீரேற்றமடையச் செய்து புத்துணர்ச்சியூட்டுகின்றன. மேலும் இவை சரும ஆரோக்கியத்திற்கு உதவும் கொலாஜன் பராமரிப்பிற்கும் உதவுகிறது.

முடி பொடுகு குறைப்பு

நெல்லிக்காய், பாதாம்/வால்நட்ஸ், கீரை/மெத்தி, மற்றும் கேரட் போன்றவை உச்சந்தலை மற்றும் முடி ஆரோக்கியத்தை வளர்க்கின்றன. இவை குளிர்காலத்தில் மிகுந்த நன்மை பயக்கும்.

இந்த பதிவும் உதவலாம்: குளிர்காலத்தில் ஆரோக்கியமாக இருக்க.. பருவகால காய்கறிகளை சாப்பிடுங்கள்..

குளிர்கால டீடாக்ஸ் வாட்டர் ரெசிபி

தேவையான பொருட்கள்

• தண்ணீர் - 1லி
• புதிய மஞ்சள் - ½ அங்குலம்
• புதிய இஞ்சி - ½ அங்குலம்
• சியா விதைகள் - 1 தேக்கரண்டி (ஊறவைத்தது)
• துளசி இலைகள் - 3-4 இலைகள்

View this post on Instagram

A post shared by Dt Manpreet Kalra | Hormone and Gut Health Coach | (@dietitian_manpreet)

செய்முறை

1. ஒரு கண்ணாடி பாட்டிலில் அனைத்து பொருட்களையும் சேர்த்து 30 நிமிடங்கள் ஊற வைக்கவும்.

2. இந்த புத்துணர்ச்சியூட்டும் டீடாக்ஸ் வாட்டரை புன்னகையுடன் அனுபவிக்கலாம்.

நன்மைகள்

• மஞ்சள் மற்றும் இஞ்சி போன்றவற்றில் உள்ள சக்திவாய்ந்த ஆக்ஸிஜனேற்றிகள் வீக்கத்தைக் குறைப்பதற்கும் டீடாக்ஸ் செய்வதற்கும் உதவுகிறது.
• சியா விதைகள் செரிமானம் மற்றும் இதய ஆரோக்கியத்திற்குத் தேவையான நார்ச்சத்து மற்றும் ஒமேகா-3 களை வழங்குகின்றன.
• துளசியானது நோயெதிர்ப்பு செயல்பாடு மற்றும் மன அழுத்த நிவாரணத்தை ஆதரிக்கிறது.
• இந்த டீடாக்ஸ் வாட்டர் மெதுவாக நச்சுகளை வெளியேற்றி குளிர்காலத்தில் உயிர்ச்சக்தியை அதிகரிக்கிறது என்று நிபுணர் கூறினார்.

பொறுப்புத்துறப்பு

இதில் வழங்கப்பட்ட தகவல்கள் பொதுவான தகவல் நோக்கங்களுக்காக மட்டுமே. எனினும், தனிப்பட்ட தகவல்களைப் பெற விரும்புபவர்கள் அல்லது புதிய முயற்சிகளைக் கையாள விரும்புபவர்கள் எப்போதும் தகுதிவாய்ந்த நிபுணரை அணுகுவது நல்லது.

இந்த பதிவும் உதவலாம்: Vegetables during winter: வின்டரில் உங்க டயட்ல கட்டாயம் சேர்க்க வேண்டிய காய்கறிகள் என்னென்ன தெரியுமா?

Image Source: Freepik