ஜிம் செல்லும்முன் தேன் + வாழைப்பழம் சாப்பிடலாமா? நிபுணர்கள் சொல்வது என்ன?

உடற்பயிற்சி செய்வதற்கு முன் என்ன சாப்பிட வேண்டும் என்பது பற்றிய குழப்பம் பலருக்கும் இருக்கும். சரியான pre-workout உணவு உடலுக்கு ஆற்றலை வழங்கி, தசை வலிமையை மேம்படுத்தி, உடற்பயிற்சி திறனை உயர்த்தும். பொதுவாக ஓட்ஸ், முழுதானிய உணவுகள், முட்டை, தயிர், பழங்கள் போன்றவை நல்ல pre-workout உணவுகளாகக் கருதப்படுகின்றன. இப்போதெல்லாம் அதிகமாக பேசப்படும் கேள்வி - ஜிம் செல்லும்முன் தேன் + வாழைப்பழம் சாப்பிடலாமா? அது பயனளிக்குமா? இதற்கு நிபுணர்களின் பதில் ஆம், ஆனால் சில நிபந்தனைகளுடன்.

தேன் & வாழைப்பழம் — சிறந்த Pre-Workout Combo?

தேன் மற்றும் வாழைப்பழம் உடற்பயிற்சிக்கு முன் சாப்பிடக்கூடிய சிறந்த லேசான உணவாகும்.

வாழைப்பழம் செய்வது என்ன?

* இயற்கையான கார்போஹைட்ரேட்டுகளின் சிறந்த மூலமாகும்

* உடலுக்கு விரைவான ஆற்றலை தருகிறது

* பொட்டாசியம் அதிகம் இருப்பதால் தசை பிடிப்புகளைத் தடுக்கிறது

* நீடித்த சகிப்புத் திறனை வழங்குகிறது

தேன் செய்வது என்ன?

* குளுக்கோஸ் + பிரக்டோஸ் என்ற எளிய சர்க்கரை கலவையை வழங்குகிறது

* உடற்பயிற்சியின் போது உடனடி energy boost

* தசைகளுக்கு விரைவாக எரிசக்தி கிடைக்க உதவும்

இவை இரண்டும் சேரும் போது உடல் லேசாக இருக்கும்; ஜீரணிக்க சுலபம். அதனால், ஜிஂம் தொடக்கநிலையர்கள், மாணவர்கள், வீரர்கள், சக்தி குறைவாக உணர்பவர்கள் இதை எடுத்துக் கொள்ளலாம்.

இந்த பதிவும் உதவலாம்: எடை குறைய.. நீங்கள் தவிர்க்க வேண்டிய உணவுகள் இங்கே.. மருத்துவர் பரிந்துரை..

ஏன் உடற்பயிற்சிக்கு முன் தேன் + வாழைப்பழம் சாப்பிட வேண்டும்?

1. உடனடி & நீடித்த ஆற்றல்

வாழைப்பழத்தில் உள்ள கார்போஹைட்ரேட்டுகள் + தேனில் உள்ள எளிய சர்க்கரைகள், உடற்பயிற்சி முழுவதும் energy sustained ஆக இருக்கும்.

2. தசை பம்ப் மேம்பாடு

பொட்டாசியம் & சோடியம் சமநிலையில் இரத்த ஓட்டம் மேம்பட்டு, தசைக்கு அதிக ஆக்சிஜன், ஊட்டச்சத்துகள் கிடைக்கும். தசை பம்ப் (Muscle Pump) அதிகரிக்கும்.

3. நீரேற்றம் மற்றும் எலக்ட்ரோலைட் சமநிலை

வாழைப்பழத்தின் எலக்ட்ரோலைட் தன்மைகள் - பிடிப்புகளை தடுக்கிறது, நீரேற்றத்தை மேம்படுத்துகிறது.

யாரெல்லாம் இந்த கலவையைத் தவிர்க்க வேண்டும்?

சர்க்கரை நோயாளிகள் தேன் + வாழைப்பழம் இரத்தத்தில் சர்க்கரையை வேகமாக உயர்த்தும். குறைந்த கார்ப் டயட்டில் இருப்பவர்கள், இரத்த சர்க்கரை கட்டுப்பாடு பிரச்சனை உள்ளவர்கள், தேன் அல்லது மகரந்த ஒவ்வாமை உள்ளவர்கள், இந்த உணவைக் தவிர்ப்பது பாதுகாப்பானது.

எப்போது சாப்பிட வேண்டும்?

உடற்பயிற்சிக்கு 45 நிமிடங்கள் முதல் 1 மணி நேரத்திற்கு முன் எடுத்துக் கொள்வது சிறந்தது. வயிற்றில் கனமாக இருக்காது; உடல் உடற்பயிற்சிக்கு தயார் நிலையில் இருக்கும்.

இறுதியாக..

தேன் மற்றும் வாழைப்பழம் சேர்த்துக் கொண்டால் உடற்பயிற்சிக்கான சிறந்த சக்தி, தசை வலிமை, எலக்ட்ரோலைட் சமநிலை, நீடித்த ஆற்றல் போன்ற பல நன்மைகள் கிடைக்கின்றன. ஆனால், இது எல்லோருக்கும் பொருந்தும் pre-workout உணவு அல்ல. குறிப்பாக நீரிழிவு நோயாளிகள் அல்லது low-carb diet இருப்பவர்கள் கவனமாக இருக்க வேண்டும். சரியாக உடற்பயிற்சிக்கும் முன் எடுத்துக் கொண்டால், இது ஒரு எளிய, இயற்கையான, உடனடி energy booster ஆகும்.

பொறுப்பு துறப்பு: இந்தக் கட்டுரை பொது தளத்தில் கிடைத்த மருத்துவ நிபுணர்கள் விளக்கங்களின் அடிப்படையில் உருவாக்கப்பட்டது. இதில் கூறப்பட்ட உணவுப் பரிந்துரைகளை நீங்கள் பின்பற்றுவதற்கு முன் உங்கள் குடும்ப மருத்துவர் அல்லது சுகாதார நிபுணரின் ஆலோசனையைப் பெறவும்.