தேன் – இது இனிப்பில் மட்டுமின்றி, ஆரோக்கிய நன்மைகளிலும் சிறந்ததாக கருதப்படுகிறது. தொண்டை வலி முதல் ஜீரண பிரச்சினை வரை பல சிக்கல்களுக்கு தேன் ஒரு நல்ல இயற்கை மருந்து என்று மக்கள் நம்புகிறார்கள்.
ஆனால், ஒரு முக்கியமான கேள்வி பெற்றோர்களை எப்போதுமே குழப்பத்தில் ஆழ்த்துகிறது – “குழந்தைகளுக்கு தேன் கொடுக்கலாமா? வேண்டாமா?” இந்தக் கேள்விக்கு தெளிவான பதிலை வழங்கியுள்ளார் மருத்துவர் டாக்டர் ஐசக் அப்பாஸ்.
தேன் குழந்தைகளுக்கு ஏன் அபாயகரம்?
தேனில் Clostridium botulinum எனப்படும் பாக்டீரியாவின் Spores (விதைகள்) இருக்கக்கூடும். இது பெரியவர்களின் குடல் சூழலில், இவை பெரும்பாலும் பாதிப்பை ஏற்படுத்தாது. ஆனால், 12 மாதங்களுக்கு குறைவான குழந்தைகளின் குடல் இன்னும் முழுமையாக வளர்ச்சியடையாததால், இந்த Spores அங்கு முளைத்து, நச்சு உற்பத்தி செய்யும்.
என்ன நடக்கும்?
Clostridium botulinum, நரம்பு மண்டலத்தை பாதிக்கிறது. இதன் விளைவுகள் தசைகள் பலவீனமடைதல், சுவாசக் குறைபாடு ஏற்பட கூடும். கடுமையான சந்தர்ப்பங்களில், பக்கவாதம் அல்லது மரணம் கூட ஏற்படலாம்.
மருத்துவர் விளக்கம்
12 மாதங்களுக்கு குறைவான குழந்தைகளுக்கு, ஒரு துளி தேன் கூட கொடுக்கக் கூடாது. இது American Academy of Pediatrics வழிகாட்டுதலிலும் தெளிவாகக் குறிப்பிடப்பட்டுள்ளது என்று டாக்டர் ஐசக் அப்பாஸ் கூறுகிறார்.
பெற்றோர் கவனிக்க வேண்டியது
* 1 வயதுக்கு குறைவான குழந்தைகளுக்கு எந்த வடிவிலும் தேன் கொடுக்கக்கூடாது.
* தேன் கலந்து தயாரிக்கப்படும் உணவுகள், பானங்கள், பாரம்பரிய சிகிச்சைகள் – எதுவும் தவிர்க்கப்பட வேண்டும்.
* 1 வயதிற்கு மேல் குழந்தைகள், மெதுவாக சிறிய அளவில் தேன் உட்கொள்ளலாம்.
* எப்போதும் குழந்தையின் ஆரோக்கியம் குறித்த ஆலோசனையை மருத்துவரிடம்தான் கேட்க வேண்டும்.
1 வயதுக்கு மேல் உள்ள குழந்தைகளுக்கு தேன் நன்மைகள்
* நோய் எதிர்ப்பு சக்தியை மேம்படுத்தும்.
* தொண்டை வலியை குறைக்கும்.
* இயற்கையான இனிப்பான சத்தான உணவாக பயன்படும்.
(ஆனால் கூடுதல் அளவில் தேன் கொடுப்பது பரிந்துரைக்கப்படவில்லை.)
View this post on Instagram
இறுதியாக..
தேன் பல நன்மைகள் கொண்ட இயற்கை உணவு என்றாலும், 12 மாதங்களுக்கு குறைவான குழந்தைகளுக்கு அது அபாயகரம். Clostridium botulinum Spores காரணமாக, Infant Botulism எனப்படும் உயிருக்கு ஆபத்தான நிலை ஏற்படக்கூடும். எனவே, பெற்றோர் மிகுந்த கவனத்துடன், 1 வயதிற்கு பின் மட்டுமே குழந்தைகளுக்கு தேன் கொடுக்க வேண்டும்.
உங்கள் குழந்தையின் ஆரோக்கியத்திற்கு சிறந்த பாதுகாப்பு – மருத்துவர் ஆலோசனையுடன் உணவு பழக்கத்தை பின்பற்றுவது தான்.
{Disclaimer: இந்தக் கட்டுரை பொதுவான மருத்துவத் தகவல்களை மட்டுமே வழங்குகிறது. ஒவ்வொரு குழந்தையின் உடல் தன்மை மாறுபடும். எனவே, குழந்தைகளின் உணவு மற்றும் ஆரோக்கியம் தொடர்பான முடிவுகளை எடுக்கும் முன், உங்கள் குழந்தை மருத்துவரை அணுகுவது அவசியம்.}
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
