எதிர்ப்பு சக்தியை உயர்த்தும் புரதம்: தினமும் கொண்டைக்கடலை சாப்பிடலாமா? மருத்துவர் சிவராமன் விளக்கம்

உடலின் நோய் எதிர்ப்பு ஆற்றலை அதிகரிக்கவும், தசைகளின் வளர்ச்சியை சீராக வைத்திருக்கவும் - புரதம் (Protein) என்பது தவிர்க்க முடியாத முக்கிய ஊட்டச்சத்து ஆகும். ஆனால், இன்றைய வாழ்க்கை முறையில் புரதக் குறைபாடு, தவறான உணவுப் பழக்கம் போன்ற காரணங்களால் பலர் உடல் சோர்வு, நோய் எதிர்ப்பு சக்தி குறைவு போன்ற பிரச்சனைகளை சந்தித்து வருகின்றனர். இந்த நிலையில், குறைந்த செலவில் அதிக புரதம் தரும் உணவு எது? என்ற கேள்விக்கு, மருத்துவர் சிவராமன் ‘கொண்டைக்கடலை’ ஒரு சிறந்த தேர்வு எனக் கூறுகிறார்.

கிச்சனில் செலவிடும் 20 நிமிடம்.. ஆயுளை 20 ஆண்டுகள் நீட்டிக்கும்..

மருத்துவர் சிவராமன் கூறுகையில், “நம் வீட்டு சமையலறையில் தினமும் செலவிடும் கூடுதல் 20 நிமிடங்கள், நம் வாழ்க்கையில் 20 ஆண்டுகள் ஆரோக்கியத்தை அதிகரிக்க உதவும்” என்று குறிப்பிட்டுள்ளார். அதனால், புரதச் சத்து நிறைந்த உணவுகளை அன்றாட உணவுப் பட்டியலில் சேர்ப்பது மிகவும் அவசியம் என அவர் வலியுறுத்துகிறார்.

கொண்டைக்கடலை – இயற்கையான புரதச் சக்தி

கொண்டைக்கடலை (Chickpeas / Kondai Kadalai) என்பது அதிக புரதம், குறைந்த கொழுப்பு, மெதுவாக ஜீரணமாகும் கார்போஹைட்ரேட் கொண்ட ஒரு சிறந்த சத்துணவாகும்.

கொண்டைக்கடலை சாப்பிட சரியான முறை

தேவையான அளவு கொண்டைக்கடலையை, இரவு முழுவதும் ஊறவைக்கவும். காலை எழுந்ததும், சிறிதளவு உப்பு, மஞ்சள் தூள், கொத்தமல்லி இலை சேர்த்து சாப்பிடலாம். இந்த முறையில் சாப்பிடும்போது, உடலுக்கு தேவையான புரதச் சத்து இயற்கையாகவே கிடைக்கும்.

இந்த பதிவும் உதவலாம்: டபுள் மடங்கு நன்மை வேண்டுமா? அப்போ கொண்டைக்கடலையை இப்படி சாப்பிட்டு பாருங்க...!

சர்க்கரை நோயாளிகளுக்கு கொண்டைக்கடலை ஏன் நல்லது?

கொண்டைக்கடலையில் புரதம் அதிகம், கார்போஹைட்ரேட் குறைவு. இதில் உள்ள கார்போஹைட்ரேட்டுகள், இரத்தத்தில் மெதுவாக மட்டுமே கலக்கின்றன. இதனால், இரத்த சர்க்கரை அளவு திடீரென உயர்வது கட்டுப்படும். சர்க்கரை நோயாளிகளுக்கு பாதுகாப்பான உணவாக அமைகிறது.

செரிமான பிரச்சனை உள்ளவர்கள் என்ன செய்ய வேண்டும்?

சிலருக்கு கொண்டைக்கடலை சாப்பிட்டால் வாயு, வயிற்று உப்புசம், செரிமான தொல்லை ஏற்படலாம். அவர்கள், கொண்டைக்கடலையில், சிறிதளவு சீரகத்தூள் அல்லது ஓமம் சேர்த்து சாப்பிடலாம் என்று மருத்துவர் அறிவுறுத்துகிறார்.

இறுதியாக..

கொண்டைக்கடலை என்பது குறைந்த செலவில் கிடைக்கும். இது அதிக புரதம் கொண்டது. மேலும் இது நோய் எதிர்ப்பு சக்தியை உயர்த்தும் சிறந்த இயற்கை உணவாகும். சரியான முறையில், சரியான அளவில் தினமும் சாப்பிட்டால், தசை வளர்ச்சி, சர்க்கரை கட்டுப்பாடு, உடல் ஆரோக்கியம் எல்லாம் சீராகும்.

Disclaimer: இந்தக் கட்டுரை, பொது தளங்களில் கிடைக்கும் தகவல்கள் மற்றும் நாங்கள் தொடர்பு கொண்டு பேசிய நிபுணர்களின் கருத்துகளின் அடிப்படையில் எழுதப்பட்டுள்ளது. இக்கட்டுரையில் குறிப்பிடப்பட்டுள்ள உணவு முறைகளை நீங்கள் பின்பற்றுவதற்கு முன், உங்கள் குடும்ப மருத்துவர் அல்லது தகுந்த உடல்நல நிபுணரை அணுகி ஆலோசனை பெறுமாறு கேட்டுக் கொள்கிறோம்.