அன்றாட சமையலில் உப்பு சேர்ப்பது மிகவும் பிரதானமானதாகக் கருதப்படுகிறது. ஆனால், உப்பை உட்கொள்வது நாம் நினைப்பதை விட மிகவும் நுணுக்கமானதாகும். வழக்கமான சமையல் உப்பைத் தவிர, பல்வேறு வகையான உப்புகள் அதன் தனித்துவமான சுவைகள், அமைப்புகள் மற்றும் சாத்தியமான ஆரோக்கிய நன்மைகளுக்காகப் பெரிதும் போற்றப்படுகிறது. பாறை உப்பின் கரடுமுரடான, படிக அமைப்பு முதல் மென்மையான கடல் உப்பு வரை உப்பில் பல்வேறு வகைகள் உள்ளன. இந்த ஒவ்வொரு உப்பு வகையும், அதன் தனித்துவமான பண்புகளைக் கொண்டுள்ளது. இதை சமையலில் சேர்ப்பது சுவையை மேம்படுத்துவதுடன், உடல் ஆரோக்கியத்தையும் பாதிக்கக்கூடும்.
ஊட்டச்சத்து நிபுணர் லவ்னீத் பத்ரா அவர்கள், பல்வேறு வகையான உப்புகளுக்கு இடையிலான வித்தியாசத்தையும், சிறந்த ஆரோக்கியத்திற்காக சரியான உப்பை எவ்வாறு தேர்ந்தெடுப்பது என்பதையும் தனது இன்ஸ்டாகிராம் பக்கத்தில் விளக்குகிறார். இது குறித்து இன்ஸ்டாகிராம் பதிவில் அவர் பகிர்ந்ததாவது, "அனைத்து உப்புகளும் ஒன்றல்ல — சரியானதைத் தேர்ந்தெடுப்பது உங்கள் தைராய்டு, செரிமானம், நீரேற்றம் மற்றும் ஒட்டுமொத்த தாது சமநிலையைப் பாதிக்கும்" என்று எழுதியுள்ளார்.
உப்புக்களின் வகைகள் மற்றும் அதன் நன்மைகள்
நீங்கள் புத்திசாலித்தனமாகத் தேர்ந்தெடுக்க உதவும் வகையில், பல்வேறு வகையான உப்புகளைப் பற்றிய விளக்கம் குறித்து இங்கே காணலாம்.
how-excess-salt-consumption-impacts-your-body-main-1758695231713.jpg
1. சமையல் உப்பு (Table Salt)
இது மிகவும் பொதுவாகப் பயன்படுத்தப்படும் உப்பு ஆகும். ஆனால் இதுவே அதிக அளவில் பதப்படுத்தப்படுத்தி தயாரிக்கப்படும் உப்பு ஆகும். இவை அயோடின் குறைபாட்டைத் தடுப்பதற்கும், தைராய்டு ஆரோக்கியத்திற்கு ஆதரவளிப்பதற்கும் நல்லது எனக் கூறப்படுகிறது. எனினும், இதில் உள்ள இயற்கை தாதுக்கள் நீக்கப்பட்டுவிடுகின்றன. மேலும் இதில் பெரும்பாலும் கட்டியாவதைத் தடுக்கும் சேர்க்கைப் பொருட்கள் உள்ளன.
இந்த பதிவும் உதவலாம்: மூட்டு வலியைப் போக்க உதவும் எப்சம் உப்பு.. இதை பயன்படுத்துவதற்கான சிறந்த வழிகள் இதோ
2. இமயமலை இளஞ்சிவப்பு உப்பு (Himalayan Pink Salt)
இமயமலை இளஞ்சிவப்பு உப்பு ஆனது தூய்மையான, இயற்கையாகச் சுரங்கத்திலிருந்து எடுக்கப்பட்டு, நுண் தாதுக்கள் நிறைந்த உப்பு ஆகும். இது உங்கள் உணவில் சிறிய அளவில் மெக்னீசியம், கால்சியம் மற்றும் பொட்டாசியம் ஆகியவற்றைச் சேர்க்க நல்லது எனக் கருதப்படுகிறது. எனினும், இது அயோடினின் ஆதாரம் அல்ல. எனவே சமையல் உப்பை முழுவதுமாக இதற்குப் பதிலாகப் பயன்படுத்த வேண்டாம் என்று அறிவுறுத்தப்படுகிறது.
3. காலா நமக் (Black Salt)
இந்த புளிப்புச் சுவையுள்ள, கந்தகம் நிறைந்த உப்பு வகையானது, சாட் மற்றும் சாலட்களில் பயன்படுத்தப்படுகிறது. இது செரிமானம், வயிறு உப்புசம் நீங்குதல், பித்தநீர் ஓட்டம் மற்றும் குடலுக்கு உகந்த கந்தகச் சேர்மங்களுக்கு பெரிதும் உதவுகிறது. இந்த உப்புக்கு ஒரு வலுவான நறுமணம் உண்டு. இது உணவின் தரத்தைப் பாதிக்கலாம். எனவே, இதைச் சிறிய அளவில் பயன்படுத்துவதே சிறந்தது.
4. கடல் உப்பு (Sea Salt)
கடல் உப்பு என்பது ஆவியாக்கப்பட்ட கடல் நீரிலிருந்து பெறப்படும் ஒரு இயற்கை உப்பு ஆகும். இது இயற்கை தாதுக்களைத் தக்கவைக்க நல்லது, தூய்மையானது மற்றும் சிறந்த சுவையைக் கொண்டதாகும். சில குறைந்த தரப் பதிப்புகளில் மைக்ரோபிளாஸ்டிக் துகள்கள் இருக்கலாம். எனவே உப்பை வாங்குவதற்கு முன் எப்போதும் சரிபார்க்க வேண்டும்.
why-excessive-pink-salt-consumption-is-harmful-to-your-health-know-from-the-doctor-Main-1759288625866.jpg
View this post on Instagram
ஒவ்வொருவருக்கும் அவர்களுக்கு உகந்த சிறந்த உப்பு எது என்பது தனிப்பட்ட சுவை விருப்பங்கள், சமையல் தேவைகள் மற்றும் சுகாதார இலக்குகளைப் பொறுத்ததாகும். எனவே, புத்திசாலித்தனமாகத் தேர்ந்தெடுத்து, உணவைச் சாதாரண நிலையிலிருந்து சுவையான நிலைக்கு உயர்த்த வேண்டும்.
பொறுப்புத்துறப்பு
இதில் வழங்கப்பட்ட தகவல்கள் பொதுவான தகவல் நோக்கங்களுக்காக மட்டுமே. எனினும், தனிப்பட்ட தகவல்களைப் பெற விரும்புபவர்கள் அல்லது புதிய முயற்சிகளைக் கையாள விரும்புபவர்கள் எப்போதும் தகுதிவாய்ந்த நிபுணரை அணுகுவது நல்லது.
இந்த பதிவும் உதவலாம்: உப்பு எப்படி யூஸ் பண்ணனும் தெரியுமா.? பலர் தவறு செய்கிறார்கள்.. மருத்துவர் சிவராமன் எச்சரிக்கை.!
Image Source: Freepik
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
-
Current Version
Dec 16, 2025 17:29 IST
Published By : கௌதமி சுப்ரமணி
