அதிகபட்ச நன்மைகளைப் பெற காபி குடிக்கும் போது இந்த தவறை செய்யாதீங்க.. மருத்துவர் தரும் விளக்கம்

காலை எழுந்ததும் முதலாவதாக பலரும் காபி, டீ மற்றும் பால் போன்ற பானங்களை எடுத்துக் கொள்கின்றனர். இது மிகவும் பரவலாக எடுத்துக் கொள்ளப்படும் பானங்களில் ஒன்றாகக் கருதப்படுகிறது. இது அதன் புத்துணர்ச்சி அளிக்கும் விளைவுகளுக்காக நன்கு புகழ்பெற்றதாகும். பலரும் அதன் நறுமணத்தையும், புத்துணர்ச்சி தரும் பண்புகளையும் அனுபவிப்பதற்காக, குறிப்பாக அதில் உள்ள காஃபின் காரணமாக, ஒரு கப் காபியுடன் தங்கள் நாளைத் தொடங்குகின்றனர். இதை மிதமான அளவில் பருகும்போது, அது பல ஆரோக்கிய நன்மைகளை வழங்குகிறது. காபியில் ஆன்டிஆக்ஸிடன்ட்கள் நிறைந்துள்ளன. அவை உடலில் ஏற்படும் ஆக்சிஜனேற்ற அழுத்தத்தை எதிர்த்துப் போராட உதவுகின்றன.

மேலும், காபி குடிப்பது மேம்பட்ட மூளை செயல்பாடு, சிறந்த மனநிலை மற்றும் அதிகரித்த உடல் செயல்திறனுடன் தொடர்புடையதாகும். ஆனால், வழக்கமான காபி நுகர்வு பார்கின்சன் மற்றும் அல்சைமர் போன்ற சில நோய்களின் அபாயத்தைக் குறைக்கக்கூடும் என்று ஆய்வுகள் தெரிவிக்கின்றன. எனினும், அதிகபட்ச நன்மைகளைப் பெற, காபியைச் சரியான முறையில் அருந்துவது முக்கியமாகும். இதில் அதிகபட்ச நன்மைகளுக்கு காபியை எடுத்துக் கொள்வதற்கான சரியான முறை குறித்து நரம்பியல் துறையில் 33 ஆண்டுகளுக்கும் மேலான அனுபவம் கொண்ட நரம்பியல் அறுவை சிகிச்சை நிபுணர் டாக்டர் பிரசாந்த் கடகோல் அவர்கள் தனது இன்ஸ்டாகிராம் பக்கத்தில் சில தகவல்களைப் பகிர்ந்துள்ளார். அதைப் பற்றி இங்குக் காண்போம்.

காபி குடிக்கும் போது தவிர்க்க வேண்டிய தவறுகள்

மருத்துவர் தனது பதிவில் கூறியதாவது,"பெரும்பாலான மக்கள் முதல் சிப் குடிப்பதற்கு முன்பே காபியின் நன்மைகளை அழித்துவிடுகிறார்கள். இதற்கு ஒரு எளிய காரணம் உண்டு, நாம் அதை பால் சேர்க்காமல் குடிப்பதில்லை," என்று டாக்டர் கடகோல் கூறினார்.

மேலும் அவர்,"மருத்துவத் துறையில் மூன்று தசாப்த கால அனுபவம், சிறிய தினசரி பழக்கவழக்கங்கள் ஒரு ஆரோக்கியமான எதிர்காலத்திற்கு வழிவகுக்கும் என்று எனக்குக் கற்பித்துள்ளது. ஒரு கப் பால் சேர்க்காத காபியில் ஆயிரத்திற்கும் மேற்பட்ட உயிரியல் ரீதியாகச் செயல்படும் சேர்மங்கள் உள்ளன. அதில் பல கல்லீரல் ஆரோக்கியத்திற்கு ஆதரவளித்து, அழற்சியைக் குறைக்கின்றன. நீங்கள் பால் மற்றும் சர்க்கரையைச் சேர்க்கும்போது, அதன் நன்மை தரும் விளைவுகளில் பெரும்பாலானவற்றை நீங்களே இல்லாமல் செய்துவிடுகிறீர்கள்" என்று மருத்துவர் கூறினார்.

what-happens-to-your-body-if-you-drink-black-coffee-for-30-days-Main

பால் சேர்க்காமல் காபி குடிப்பது குறிப்பாக நன்மை பயக்கும். ஏனெனில் இதில் அதில் கலோரிகள், சர்க்கரை அல்லது கொழுப்பு இல்லை. இது அதன் நேர்மறையான விளைவுகளைக் குறைக்கக்கூடிய கூடுதல் பொருட்கள் எதுவும் இல்லாமல், அதன் முழுமையான ஆரோக்கிய நன்மைகளையும் அனுபவிக்க உங்களை அனுமதிக்கிறது.

பால் சேர்க்காத காபி ஆன்டிஆக்ஸிடன்ட்கள் நிறைந்த சிறந்த மூலமாகக் கருதப்படுகிறது. மேலும் இது வளர்சிதை மாற்றத்தையும், கொழுப்பைக் குறைக்கும் செயல்முறையையும் அதிகரிக்க உதவுகிறது.

இந்த பதிவும் உதவலாம்: தினமும் பிளாக் காபி குடிங்க.. கல்லீரலுக்கு அற்புத நன்மைகள்.! – உணவியல் நிபுணர் விளக்கம்..

எனினும், பால், சர்க்கரை அல்லது இனிப்பூட்டிகளைச் சேர்ப்பது இந்த நன்மைகளில் சிலவற்றைக் குறைக்கக் கூடும். ஏனெனில், பால் சேர்ப்பது கலோரிகள் மற்றும் கொழுப்பை அறிமுகப்படுத்துகிறது. அதே சமயம், சர்க்கரை மற்றும் செயற்கை இனிப்பூட்டிகள் இரத்த சர்க்கரை அளவு அதிகரிப்பு மற்றும் எடை அதிகரிப்புக்கு வழிவகுக்கிறது.

இந்தச் சேர்க்கைகள் ஆன்டிஆக்ஸிடன்ட் உள்ளடக்கத்தையும் குறைக்கக்கூடும். இதனால் நல்ல ஆரோக்கியத்தைப் பெற விரும்புபவர்களுக்கு, பால் சேர்க்காத காபி ஒரு சிறந்த தேர்வாக அமைகிறது.

பால் சேர்க்காத காபி குடிப்பதால் ஏற்படும் நன்மைகளில் கவனம் செலுத்தி, மருத்துவர் சில தகவல்களைப் பகிர்ந்துள்ளார். அவரின் கூற்றுப்படி,"தினமும் 2-3 கோப்பை பால் சேர்க்காத காபி குடிக்கும் நபர்களுக்கு அழற்சி, கொழுப்பு கல்லீரல் மற்றும் கல்லீரல் ஃபைப்ரோஸிஸ் போன்றவை குறைந்திருப்பதாகக் கண்டறியப்பட்டுள்ளது. உற்றுநோக்கல் ஆய்வுகளும், ஆராய்ச்சிகளும் இதைத் தொடர்ந்து ஆதரிக்கின்றன" என்று கூறினார்.

எப்படி தொடங்குவது?

இதனைத் தொடர்ந்து மருத்துவர், "உங்கள் உணவில் பிளாக் காபியைச் சேர்த்துக்கொள்வது எப்படி என்பது இங்கே: நீங்கள் ஏற்கனவே காபி அருந்திக்கொண்டிருந்தால், ஒரு கப் பிளாக் காபிக்கு மாறுவதன் மூலம் தொடங்கலாம். மேலும், சிறிய அளவுகளில் தொடங்க வேண்டும். ஆரம்பத்தில் இது சற்று கடுமையாகத் தோன்றலாம். ஆனால் காலப்போக்கில் உங்கள் உடலும் சுவை மொட்டுகளும் பழகிவிடும்" என்று டாக்டர் கடகோல் அறிவுறுத்தினார்.

what-are-the-benefits-of-black-coffee-02-1750309731196.jpg

View this post on Instagram

A post shared by Prashant Katakol | Neurosurgeon & Yoga Teacher (@dr.katakol)

கூடுதல் குறிப்புகள்

மருத்துவர் காபியைப் பாதுகாப்பாக அருந்தவும், அதன் நன்மைகளை முழுமையாகப் பெறவும் சில கூடுதல் குறிப்புகள் குறித்து பகிர்ந்துள்ளார்.

• உயர்தர காபி கொட்டைகளைத் தேர்ந்தெடுக்க வேண்டும். மேலும் சேர்க்கப்பட்ட சர்க்கரைகள் மற்றும் பதப்படுத்திகளைக் கொண்டிருக்கக்கூடிய இன்ஸ்டன்ட் காபியைத் தவிர்க்க வேண்டும்.
• பதட்டம் அல்லது தூக்கமின்மை போன்ற எதிர்மறை விளைவுகளைத் தவிர்க்க, மிதமான அளவில் எடுத்துக் கொள்ள வேண்டும்.
• காபி ஒரு சிறுநீர் பெருக்கி என்பதால், நீரேற்றத்தை அதிகரிக்க நாள் முழுவதும் நிறைய தண்ணீர் குடிப்பது அவசியமாகும்.
• காபிக்கு உங்கள் உடல் எவ்வாறு பிரதிபலிக்கிறது என்பதைக் கவனிக்க வேண்டும். தேவைக்கேற்ப உங்கள் நுகர்வை சரிசெய்ய வேண்டும். இந்நிலையில், நடுக்கம் அல்லது செரிமானப் பிரச்சனைகள் ஏற்பட்டால், காபி அருந்துவதைக் குறைப்பது அல்லது டிகேஃப் காபிக்கு மாறுவது பற்றி பரிசீலிக்க வேண்டும்.

இறுதியாக மருத்துவர், "நீண்ட காலத்திற்கு பிளாக் காபி அருந்துவது கல்லீரலைப் பாதுகாக்கக்கூடும்" என்று முடித்தார்.

பொறுப்புத்துறப்பு

இதில் வழங்கப்பட்ட தகவல்கள் பொதுவான தகவல் நோக்கங்களுக்காக மட்டுமே. எனினும், தனிப்பட்ட தகவல்களைப் பெற விரும்புபவர்கள் அல்லது புதிய முயற்சிகளைக் கையாள விரும்புபவர்கள் எப்போதும் தகுதிவாய்ந்த நிபுணரை அணுகுவது நல்லது.

இந்த பதிவும் உதவலாம்: காபியில் நெய் கலந்து குடிப்பதில் இத்தனை நன்மைகள் இருக்கா? மருத்துவர் சொன்ன புல்லட் காபியின் இரகசியம்

Image Source: Freepik