நீரிழிவு நோய் முதல் எலும்பு ஆரோக்கியம் வரை.. பல நோய்களைக் குணப்படுத்தும் சிறந்த தினை வகைகள்

உடல் ஆரோக்கியத்தைப் பொறுத்த வரை, ஆரோக்கியமான ஊட்டச்சத்துக்கள் நிறைந்த காய்கறிகள், பழங்கள், நட்ஸ், விதைகள் மற்றும் பானங்கள் என பல்வேறு உணவுப் பொருள்களை எடுத்துக் கொள்வது அவசியமாகக் கருதப்படுகிறது. இந்த வரிசையில், தினைகளும் முக்கிய பங்கு வகிக்கின்றன. கடந்த சில ஆண்டுகளாகவே, பாரம்பரிய தினைகள் ஆரோக்கியமான உணவுப் புரட்சிகளில் ஒன்றாகக் கருதப்படுகிறது. உண்மையில், இது மக்களிடையே சுகாதார விழிப்புணர்வை அதிகரிக்கிறது. தினை மிகவும் முக்கியமானதாகும்.

ஏனெனில் தினை வகைகள் தனித்துவமான ஊட்டச்சத்துக்கள் நிறைந்ததாகும். இவை இதயத்தைப் பாதுகாக்கவும், செரிமான அமைப்பை வலுப்படுத்தவும், நீரிழிவு நோயைத் தடுக்கவும் மற்றும் நோயெதிர்ப்புச் சக்தியை மேம்படுத்தவும் உதவுகிறது. இது தவிர, நரம்பு மற்றும் தசை ஆரோக்கியத்தை மேம்படுத்துவதோடு ஆற்றல் மட்டங்களையும் அதிகரிப்பதில் தினை வகைகள் முக்கிய பங்கு வகிக்கின்றன.

இந்த பதிவும் உதவலாம்: Barnyard Millet benefits: குதிரைவாலி அரிசியை இப்படி சமைத்து சாப்பிட்டால்… முழு ஆரோக்கியமும் கிடைக்கும்!

பல நோய்களுக்கு உதவும் தினைகள்

இவ்வாறு, நம் உடலில் ஏற்படக்கூடிய பல்வேறு உடல்நலப் பிரச்சனைகளுக்கு பல தினைகள் முக்கிய பங்கு வகிக்கின்றன. இதில் எந்தெந்த தினை வகைகள் எந்தெந்த நோய்களுக்கு உதவுகிறது என்பது குறித்த தகவல்களை டயட் தெரபி, உணவியல் நிபுணர் ஸ்வேதா ஜே பஞ்சால் அவர்கள் தனது இன்ஸ்டாகிராம் பக்கத்தில் பகிர்ந்துள்ளார். அதைப் பற்றி இங்குக் காண்போம்.

நீரிழிவு நோய் - குதிரைவாலி (Barnyard millet)

நீரிழிவு நோயாளிகளுக்கு குதிரைவாலி நன்மை பயக்கும், ஏனெனில் இதில் அதிகளவு நார்ச்சத்துக்கள் உள்ளது. இவை இரத்த சர்க்கரை அளவைக் கட்டுப்படுத்த உதவுகிறது. குதிரைவாலியில் நார்ச்சத்து, மாவுச்சத்து, கொழுப்பு, சுண்ணாம்புச்சத்து, பாஸ்பரஸ் மற்றும் இரும்புச்சத்து போன்ற சத்துக்கள் உள்ளன. இவை உடலுக்கு மிகவும் அவசியமானவையாகும். நிபுணரின் கூற்றுப்படி, இது குறைந்த ஜி.ஐ கொண்டது மற்றும் குளுக்கோஸ் வெளியீட்டைக் குறைக்கிறது. மேலும் இது எதிர்ப்புத் திறன் கொண்ட ஸ்டார்ச் நிறைந்ததாகும்.

அசிடிட்டி பிரச்சனை - ஃபாக்ஸ்டெயில் தினை (Foxtail Millet)

ஃபாக்ஸ்டெயில் தினையானது ஏராளமான ஆரோக்கிய நன்மைகளைக் கொண்ட ஒரு பசையம் இல்லாத தானியமாகும். இதில் புரதம், நார்ச்சத்து, கால்சியம், இரும்பு மற்றும் மெக்னீசியம் தாதுக்கள் போன்றவை நிறைந்துள்ளது. மேலும் இது குறைந்த கலோரி உள்ளடக்கம் கொண்டது. இந்த தானியம் செரிமானிக்க எளிதானதாகும். மேலும் இது அல்கலைன் உருவாக்கத்திற்கு உருவாகிறது. இதன் மூலம் அசிடிட்டி பிரச்சனையிலிருந்து விடுபடலாம்.

உடல் பருமன் (Obesity) - வரகு அரிசி (Kodo Millet)

வரகு (Kodo Millet) என்பது ஒரு சத்தான மற்றும் பசையம் இல்லாத தானியமாகும். இது பல நூற்றாண்டுகளாகவே பாரம்பரிய உணவுகளில் பயன்படுத்தப்பட்டு வருகிறது. மேலும் இது பல ஆரோக்கிய நன்மைகளைக் கொண்டுள்ளது. இதில் நார்ச்சத்துக்கள் நிறைந்திருப்பதால், இவற்றை உட்கொள்வதன் மூலம் நீண்ட நேரம் வயிறு நிரம்பிய உணர்வைப் பெறலாம். இதன் மூலம் அதிகப்படியான உணவு உட்கொள்ளலைத் தடுக்கலாம். கூடுதலாக இது குறைந்த கலோரி நிறைந்தது. இவை உடல் எடையிழப்புக்கு ஏற்றதாகும்.

ஆற்றல் குறைவு - சிறு தானியங்கள் (Little Millet)

ஆற்றல் குறைபாட்டை போக்குவதில் பல்வேறு சிறு தானியங்கள் முக்கிய பங்கு வகிக்கின்றன. நிபுணர் கூறியதாவது, சிறு தானியங்களில் அதிகளவிலான இரும்புச்சத்துக்கள், மெக்னீசியம், வைட்டமின்கள் பி போன்ற ஊட்டச்சத்துக்கள் நிறைந்து காணப்படுகின்றன. இவை உடலில் சகிப்புத்தன்மையை அதிகரிக்க உதவுகிறது. எனவே ஆற்றல் குறைபாடுக்கு சிறுதானியங்கள் உதவியாக இருக்கும்.

இந்த பதிவும் உதவலாம்: தினையின் வகை மற்றும் ஆரோக்கிய நன்மைகளை ஆராய்வோம்?

தைராய்டு பிரச்சனை - சோளம் தினை (Jowar Millet)

இது நேரடியாக தைராய்டு பிரச்சனைக்கு நன்மை பயக்காது என்றாலும், இதில் உள்ள மெக்னீசியம் மற்றும் இரும்புச்சத்து போன்ற ஊட்டச்சத்துக்கள் தைராய்டு ஆரோக்கியத்திற்கு உதவுகிறது. இந்த ஜோவார் தினை பசையம் இல்லாததாகவும், ஆக்ஸிஜனேற்றிகள் நிறைந்ததாகவும், தைராய்டுக்கு உகந்த உணவாக ஆதரிப்பதாகவும் ஊட்டச்சத்து நிபுணர் கூறுகிறார்.

View this post on Instagram

A post shared by Dietitian Shweta J Panchal | The Diet Therapy (@dt.shwetashahpanchal)

கொழுப்பைக் குறைக்க - ப்ரோசோ தினை (Proso Millet)

இவை மெக்னீசியம் மற்றும் நார்ச்சத்துக்கள் நிறைந்ததாகும். இது உடலில் எல்டிஎல் கொழுப்பைக் குறைக்க உதவுகிறது. மேலும் இது நல்ல கொலஸ்ட்ராலை அதிகரிக்கவும் உதவுகிறது. இதன் மூலம் இதய ஆரோக்கியத்தை பாதுகாக்கிறது. கூடுதலாக, இதில் உள்ள ஆக்ஸிஜனேற்றிகள் மற்றும் நார்ச்சத்து கொழுப்பைக் குறைப்பதோடு, இதய ஆரோக்கியத்தையும் மேம்படுத்துகின்றன.

பலவீனமான எலும்பு - ராகி (Finger Millet)

ராகியில் இயற்கையாகவே அதிகளவிலான கால்சியம் ஊட்டச்சத்துக்கள் நிறைந்து காணப்படுகிறது. இவை வலுவான எலும்பு மற்றும் பற்களுக்கு பெரிதும் உதவுகிறது. எனவே தான் பலவீனமான எலும்பு பிரச்சனை உள்ளவர்களுக்கு நிபுணர் ராகியை பரிந்துரைக்கிறார்.

மேலும் அவர், “தினைகள் வெறும் சூப்பர்ஃபுட்கள் மட்டுமல்ல. அவை இயற்கையின் சொந்த மருந்து ஆகும். அமிலத்தன்மையைத் தணிப்பது முதல் தைராய்டை சமநிலைப்படுத்துவது வரை, நீரிழிவு நோயை நிர்வகிப்பது வரை எலும்புகளை வலுப்படுத்துவது வரை, ஒவ்வொரு தேவைக்கும் ஒரு தினை உள்ளது” என தனது பதிவில் குறிப்பிட்டுள்ளார்.

பொறுப்புத்துறப்பு

இதில் வழங்கப்பட்ட தகவல்கள் பொதுவான தகவல் நோக்கங்களுக்காக மட்டுமே. எனினும், தனிப்பட்ட தகவல்களைப் பெற விரும்புபவர்கள் அல்லது புதிய முயற்சிகளைக் கையாள விரும்புபவர்கள் எப்போதும் தகுதிவாய்ந்த நிபுணரை அணுகுவது நல்லது.

இந்த பதிவும் உதவலாம்: Millet Rice: நாவில் எச்சில் ஊறும் சுவையில் நாட்டுக்கம்பு சாதம்! இப்படி செஞ்சா மிச்சமே இருக்காது

Image Source: Freepik