காலை உணவை சாப்பிடுவதற்கான சரியான நேரம் எது? எப்படி சாப்பிடணும், எந்த உணவை சாப்பிடணும்?

பெரும்பாலான மருத்துவர் அல்லது சுகாதார நிபுணர்களிடம் நாம் பேசும் போது, அவர்கள் எப்போதும் நம்மை நன்றாக சாப்பிடவும், சமச்சீரான மற்றும் ஊட்டச்சத்து நிறைந்த உணவை எடுத்துக்கொள்ளவும் மட்டுமே பரிந்துரைக்கின்றனர். ஆனால், நாம் சரியான நேரத்தில் எடுத்துக் கொள்வதும் அவசியமாகும் எனக் கூறப்படுகிறது. உண்மையில், உணவு சீரானதாகவும், சத்தானதாகவும் இருப்பது போல, சரியான நேரத்தில் சாப்பிடுவது முக்கியமாகக் கருதப்படுகிறது. ஆனால், காலை உணவு எவ்வளவு முக்கியம் என்பது குறித்து பலருக்கும் தெரிவதில்லை.

உண்மையில் இன்றைய பிஸியான கால கட்டத்தில், பலரும் வேலை செய்வது அல்லது வேறு சில காரணங்களால் நேரம் இல்லாமல் இருப்பது போன்றவற்றால் உணவை எடுத்துக் கொள்வதில் தாமதம் பெறுகின்றனர். காலை உணவை எடுத்துக் கொள்ள தவறுவது மட்டுமல்லாமல், அதைத் தாமதமாக உண்பது அல்லது தவறான உணவுகளை உண்பது போன்ற தவறுகளைச் செய்கின்றனர். இது அவர்களின் உடல் ஆரோக்கியத்தைப் பாதிப்பது மட்டுமல்லாமல், மன ஆரோக்கியத்தையும் பாதிப்பதாக அமைகிறது.

இதில் சரியான முறையில் காலை உணவை எடுத்துக் கொள்வதற்கான சரியான நேரம் குறித்தும், எப்படி சாப்பிட வேண்டும் என்பது குறித்தும், எந்த வகையான உணவுகளை சாப்பிடலாம் என்பது குறித்தும் ஊட்டச்சத்து நிபுணர் ஸ்வேதா தக்ரர் அவர்கள் சில தகவல்களைப் பகிர்ந்துள்ளார். அதைப் பற்றி இங்குக் காண்போம்.

நிபுணரின் கருத்து

ஊட்டச்சத்து நிபுணர் தனது பதிவில் கூறியதாவது,”காலை உணவைத் தவிர்ப்பதை நிறுத்துங்கள்.

பெரும்பாலான மக்கள் காலையில் மிகவும் தாமதமாக, மிகக் குறைவாக அல்லது தவறான உணவுகளை சாப்பிடுகிறார்கள் - பின்னர் அவர்கள் ஏன் வயிறு உப்புசமாக, சோர்வாக அல்லது எப்போதும் பசியுடன் உணர்கிறார்கள் என்று யோசிக்கிறார்கள்” என்று குறிப்பிட்டுள்ளார்.

மேலும் அவர், உங்கள் காலை உணவை சாப்பிடுவதற்கான சரியான வழி இங்கே எனவும், அதனால் கிடைக்கும் நன்மைகளையும் பகிர்ந்துள்ளார்.

• சிறந்த கொழுப்பு இழப்பு
• நாள் முழுவதும் அதிக ஆற்றல்
• நிலையான இரத்த சர்க்கரை
• ஹார்மோன் ஆதரவு
• பசியின்மை இல்லாதது

what-vegetables-should-avoid-in-morning-main-1760720929117.jpg

காலை உணவிற்கு சிறந்த நேரம் எது தெரியுமா?

எழுந்த 60-90 நிமிடங்களுக்குள் காலை உணவை எடுத்துக் கொள்ள நிபுணர் பரிந்துரைக்கிறார். இவை கீழ்க்கண்ட நன்மைகளை வழங்குகிறது.

- வளர்சிதை மாற்றத்தை செயல்படுத்துகிறது

- கார்டிசோலைக் கட்டுப்படுத்துகிறது

- பின்னர் தீவிர பசியைத் தடுக்கிறது

ஆனால், காலை உணவைத் தவிர்ப்பது மெதுவாக கொழுப்பு இழப்பு மற்றும் சர்க்கரை பசிக்கு வழிவகுக்கலாம்.

இந்த பதிவும் உதவலாம்:

காலை உணவு தட்டில் இருக்க வேண்டியவை

நாம் எடுத்துக் கொள்ளும் காலை உணவில் எந்தெந்த ஊட்டச்சத்துக்கள் என்னென்ன அளவில் இருக்க வேண்டும் என்பதைப் பகிர்ந்தார்.

- புரதம் - 1/2 தட்டு

- நார்ச்சத்து - 1/4 தட்டு

- காம்ப்ளக்ஸ் கார்ப்ஸ் - 1/4 தட்டு

- நல்ல கொழுப்பு - 1 ஸ்பூன்

காலை உணவில் தவிர்க்க வேண்டியவை

- சர்க்கரை தானியங்கள்

- வெள்ளை ரொட்டி

- பழங்கள் மட்டும்

- தேநீர் & பிஸ்கட்

- பேஸ்ட்ரிகள் (மாவுப்பண்டம்)

பேக்கேஜ் செய்யப்பட்ட காலை உணவு

இந்த வகை உணவுகளைக் கட்டாயம் தவிர்க்க வேண்டும். ஏனெனில், இவை சர்க்கரையை அதிகரிக்கும், ஆற்றலை அதிகரிக்கும் & கொழுப்பு இழப்பை மெதுவாக்குகிறது.

எடையிழப்புக்கு சிறந்த காலை உணவு

காய்கறி போஹா / ஓட்ஸ்

பன்னீர் புர்ஜி + ரொட்டி

முளைகள் சாட் (Sprouts Chaat)

மூங் பருப்பு சில்லா (Moong dal chilla)

முட்டை + டோஸ்ட் (பழுப்பு)

குறிப்பு: முதலில் புரதம் எடுத்துக் கொள்ள வேண்டும். பின்னர் கார்போஹைட்ரேட் எடுத்துக் கொள்ளலாம்.

doctor-explains-shocking-new-research-evidence-on-intake-of-breakfast-timing-everyday-Main

View this post on Instagram

A post shared by Shweta Thakrar (@desssidiet_by_shwetathakrar)

ஹார்மோன்கள் மற்றும் குடல் பகுதிக்கு சிறந்த காலை உணவு

- சியா புட்டிங் (Chia Pudding)

- தயிர் சாதம்

- கடலை மாவு அடை (Besan chilla)

- மூங் பருப்பு இட்லி (Moong dal idli)

- குயினோவா உப்புமா (Quinoa upma)

குறிப்பு: நார்ச்சத்து, புரோபயாடிக்குகள் மற்றும் ஆரோக்கியமான கொழுப்புகளை எடுத்துக் கொள்ளலாம்.

இவ்வாறு சரியான முறையில் காலை உணவை எடுத்துக் கொள்வது உடல் ஆரோக்கியத்திற்கு நன்மை பயக்கும்.

இந்த பதிவும் உதவலாம்: குடல் ஹெல்த்தியா இருக்க காலை உணவில் கவனம் தேவை.. அதுக்கு இந்த உணவுகளை சாப்பிடுங்க

Image Source: Freepik