நேந்திரம்பழம்: சர்க்கரை நோயாளிகளுக்கும் பாதுகாப்பான சூப்பர் உணவு – மருத்துவர் தீபா விளக்கம்!

நேந்திரம்பழம் நம் உணவுப் பழக்கத்தில் முக்கியமான இடத்தைப் பிடித்த பழமாகும். இதில் ஏராளமான ஊட்டச்சத்துகள் மற்றும் மருத்துவ குணங்கள் இருப்பதாக மருத்துவர் தீபா தெரிவித்துள்ளார். குறிப்பாக கால்சியம், மெக்னீஷியம், பொட்டாஷியம் போன்ற கனிமச்சத்துகள் இதில் போதுமான அளவில் உள்ளன என அவர் கூறுகிறார். மேலும், இந்த பழத்தில் க்ளைசெமிக் இண்டெக்ஸ் (Glycemic Index) குறைவாக இருப்பதால், சர்க்கரை நோயாளிகளும் காலை உணவாக இது ஒன்றை பாதுகாப்பாக எடுத்துக் கொள்ளலாம் என்று மருத்துவர் தீபா விளக்குகிறார்.

Source Link: https://youtu.be/DXdt61e7yu0

சர்க்கரை நோயாளிகளுக்கு நேந்திரம்பழம் ஏன் நல்லது?

க்ளைசெமிக் இண்டெக்ஸ் குறைவாக இருப்பதால் - இரத்த சர்க்கரை திடீரென உயரும் அபாயம் குறையும், நீண்ட நேரம் பசியில்லாமல் இருக்கும், மலச்சிக்கல் போன்ற செரிமான கோளாறுகளை குறைக்கும், உடலுக்கு தேவையான மினரல்கள் கிடைக்கும். காலை உணவாக ஒரு நேந்திரம் வாழைப்பழம் எடுத்துக் கொண்டால் - சர்க்கரை அளவு சீராக இருக்கும், செரிமானம் மேம்படும் என்று அவர் பரிந்துரைக்கிறார்.

எலும்பு ஆரோக்கியம் & வயிறு கோளாறுகளுக்கு நேந்திரம்பழம்

நேந்திரம் வாழைப்பழத்தில் உள்ள கால்சியம், மெக்னீஷியம், பொட்டாஷியம் ஆகியவை எலும்புகளை வலுப்படுத்தும். மலச்சிக்கல், வயிறு சுளுக்கு, செரிமான சிரமம் போன்றவற்றையும் நீக்கும் இயற்கை மருந்தாக இது செயல்படுகிறது.

உடல் எடையை அதிகரிக்க வேண்டுமா? இந்த ரெசிபி போதும்!

ஒல்லியாக இருப்பவர்கள் நேந்திரம்பழத்தை உடல் எடையை உயர்த்த பயன்படுத்தலாம். மருத்துவர் தீபா கூறும் சிறப்பு ரெசிபி:

* 2 நேந்திரம் வாழைப்பழம்

* சிறிதளவு வெண்ணெய்

* தேன் அல்லது பனங்கற்கண்டு

* எல்லாவற்றையும் சேர்த்து அரைத்து குடித்தால், ஆரோக்கியமான முறையில் எடை அதிகரிக்கும். உடல் வலிமை உயரும்.

இந்த பதிவும் உதவலாம்: குளிர்காலத்தில் ஸ்நாக்ஸ் சாப்பிட்டா வெயிட் ஏறும்னு கவலை வேணாம்.. ஹெல்த்தியான இந்த 4 ஸ்நாக்ஸ் சாப்பிடுங்க

உடல் எடை குறைக்க வேண்டுமா? இதை பின்பற்றுங்கள்

எடை குறைக்க நினைப்பவர்கள், காலை உணவாக 1 நேந்திரம்பழம் சாப்பிட வேண்டும். அதன்பிறகு இஞ்சி தேநீர் குடிக்க வேண்டும். இது கொழுப்பு எரிப்பை தூண்டும். வயிற்றை லேசாக வைத்திருக்கும். பசியை கட்டுப்படுத்தும் என்று மருத்துவர் கூறுகிறார்.

சரும ஆரோக்கியத்துக்கும் நேந்திரம் வாழை ஒரு அற்புத உணவு!

தினசரி நேந்திரம் பழம் சாப்பிட்டால் - சருமத்திற்கு இயற்கையான ஒளி, சுருக்கம் தடுப்பு, ஈரப்பதம் பராமரிப்பு - அனைத்தும் கிடைக்கும் என்று ஆய்வுகள் கூறுகின்றன.

இறுதியாக..

நேந்திரம் வாழைப்பழம் எல்லா வயதினருக்கும் ஏற்ற, பல சத்துகள் நிறைந்த பயனுள்ள உணவு. சர்க்கரை நோயாளிகளுக்கு பாதுகாப்பானது. எலும்புகளை வலுப்படுத்தும். செரிமானத்தை சீராக்கும். எடை குறைக்கவும் அதிகரிக்கவும் உதவும். இது போன்ற பல நன்மைகளால் தினசரி காலை உணவில் சேர்த்துக் கொள்ள வேண்டிய பழமாக மருத்துவர் தீபா பரிந்துரைக்கிறார்.

Disclaimer: இக்கட்டுரை நிபுணர்கள் மற்றும் பொதுத் தரவுகளின் அடிப்படையில் எழுதப்பட்டுள்ளது. உங்களிடம் சர்க்கரை நோய், சிறுநீரக பிரச்சனைகள், அலர்ஜி போன்றவை இருந்தால், நேந்திரம் வாழைப்பழத்தை தினசரி உணவில் சேர்த்துக் கொள்ளும் முன் உங்கள் குடும்ப மருத்துவரை அணுகவும்.