Chia Seeds for Constipation: மலச்சிக்கல் பிரச்சனைக்கு உடனடி நிவாரணம் பெற இந்த ஒரு விதையை எடுத்துக்கோங்க!

$

How To Consume Chia Seeds For Constipation: இன்றைய காலகட்டத்தில் மாறிவரும் வாழ்க்கை முறை மற்றும் மோசமான உணவுப்பழக்கம் போன்றவற்றால் நாம் பலரும் உடல் உபாதைகளுக்கு உள்ளாகிறோம். இதனால் சிறு வயது முதலே பெரியவர்கள் சந்திக்கும் பெரும்பாலான பிரச்சனைகளைச் சந்திக்கும் சூழல் ஏற்படுகிறது. இவ்வாறு நம் வாழ்க்கை முறையில் மாற்றம் அதிகரிக்க அதிகரிக்க, நமக்கு ஏற்படும் நோய்களின் எண்ணிக்கையும் அதிகரித்து வருகிறது. இது போன்ற நோய்களைத் தவிர்க்க நாம் மருத்துவர்களை நாடி, மருந்துகளை எடுத்துக் கொள்கிறோம். ஆனால், சில சமயங்களில் இவை பக்கவிளைவை ஏற்படுத்தக் கூடும்.

எனவே, பிரச்சனைகள் சிறிய அளவில் இருக்கும் போதே நாம் வீட்டிலேயே சில ஆரோக்கியமான முறைகளைக் கையாளலாம். இதன் மூலம் நாம் எளிய பிரச்சனைகளிலிருந்து விலகி, அவற்றை மேலும் அதிகரிக்காமல் தடுக்க முடியும். அந்த வகையில் உணவுமுறை மற்றும் வாழ்க்கை முறை காரணங்களால் பலரும் மலச்சிக்கல் பிரச்சனையைச் சந்திக்கின்றனர். இந்த மலச்சிக்கல் பிரச்சனையைக் குணமாக்க வீட்டிலேயே சில ஆரோக்கியமான முறைகளைக் கையாளலாம். அதன் படி, மலச்சிக்கல் பிரச்சனையிலிருந்து நிவாரணம் பெற சியா விதைகள் பெரிதும் உதவுகிறது. இதில் சியா விதைகள் மலச்சிக்கல்லுக்கு எவ்வாறு உதவுகிறது? அதை எவ்வாறு எடுத்துக் கொள்ளலாம் என்பது குறித்து காணலாம்.

இந்த பதிவும் உதவலாம்: Chia Seeds Water: இது தெரிந்தால் உங்கள் தினசரி உணவில் கட்டாயம் சியா விதை இருக்கும்!

சியா விதைகள்

சியா விதைகளில் புரதம், நார்ச்சத்து மற்றும் ஒமேகா-3 கொழுப்பு அமிலங்கள் நிறைந்துள்ளது. இவை செரிமானம், இதய ஆரோக்கியம், மற்றும் மனநிறைவை அளிக்கக் கூடிய சூப்பரான ஊட்டச்சத்துமிக்க விதைகள் ஆகும். இதை பல்வேறு வழிகளில் நம் அன்றாட உணவில் சேர்த்துக் கொள்ளலாம். சியா விதைகளில் உள்ள ஆக்ஸிஜனேற்ற பண்புகள், அழற்சி எதிர்ப்பு பண்புகள் போன்றவை உடலுக்குப் பல்வேறு வகையான நன்மைகளைத் தருகிறது.

மலச்சிக்கல்லுக்கு சியா விதைகள் நல்லதா?

சியா விதைகளின் தனித்துவமான பண்புகள் காரணமாக மலச்சிக்கலுக்கு மிகுந்த நன்மை பயக்கும். இதில் மலச்சிக்கலுக்கு சியா விதைகள் எவ்வாறு உதவுகிறது என்பது குறித்து காணலாம்.

ஜெல் அமைப்பு

சியா விதைகளில் கரையக்கூடிய நார்ச்சத்துக்கள் உள்ளது. இதுவே அவற்றின் அமைப்பை ஜெல் போல உருவாக்குகிறது. நீரை உறிஞ்சும் சியா விதைகள் ஜெல் போன்ற அமைப்பைப் பெறுகிறது. இவை செரிமான மண்டலத்தை உயவூட்டவும், மலம் கழிப்பதை எளிதாக்கவும் உதவுகிறது.

அதிக நார்ச்சத்து

100 கிராம் சியா விதைகளில் 34.4 கிராம் நார்ச்சத்துக்கள் இருப்பதாக அமெரிக்க உணவு மற்றும் மருந்து சங்கம் தெரிவித்துள்ளது. இந்த நார்ச்சத்துக்கள் வழக்கமான குடல் இயக்கத்தை ஊக்குவிக்கவும், மலத்தை மென்மையாக்கவும் உதவுகிறது. எனவே சியா விதைகளை மலச்சிக்கலுக்கான சிறந்த வீட்டு வைத்தியங்களில் ஒன்றாகக் கருதலாம்.

இந்த பதிவும் உதவலாம்: Turmeric With Chia Seeds: செரிமானம் முதல் சர்க்கரை வியாதி வரை. மஞ்சளுடன் சியா விதை தரும் சூப்பர் நன்மைகள்

மெதுவான செரிமானம்

சியா விதைகள் மெதுவாக செரிமானம் அடைகிறது. மேலும் நார்ச்சத்து மற்றும் ஊட்டச்சத்துக்களின் படிப்படியான வெளியீட்டை வழங்குகிறது. இவை குடல் இயக்கத்தை சீராக்க உதவுகின்றன. ஊட்டச்சத்து ஆராய்ச்சி மற்றும் பயிற்சியில் வெளியிடப்பட்ட ஆய்வு ஒன்றில், சியா விதைகள் வயிறு நிரம்பிய உணர்வைத் தருவதாகக் கூறப்படுகிறது. மேலும் இரைப்பை விரிவை அதிகரிக்கும் என்று கூறப்படுகிறது.

ப்ரீபயாடிக் பண்புகள்

சியா விதைகளை உட்கொள்வது நன்மை பயக்கும் குடல் பாக்டீரியாவுக்கு மிகுந்த ஆதரவு அளிக்கிறது. இதன் மூலம் ஆரோக்கியமான குடல் நுண்ணுயிரியை ஊக்குவிக்கவும், செரிமான ஆரோக்கியத்திற்கும் உதவுகிறது. சியா ஜெல்லை உட்கொள்வது ஈரப்பதத்தைத் தக்கவைக்கும் திறன் கொண்டுள்ளதாகக் கூறப்படுகிறது.

மலச்சிக்கல்லுக்கு சியா விதைகளை எப்படி எடுத்துக் கொள்ளலாம்?

• மலச்சிக்கல் பிரச்சனையைத் தீர்க்க சியா விதைகளை எப்படி எடுத்துக் கொள்ளலாம் என்பது குறித்து காணலாம்.
• மலச்சிக்கலுக்கு சியா விதைகளைப் பயன்படுத்த, முதலில் 1-2 தேக்கரண்டி சியா விதைகளை ஒரு கிளாஸ் தண்ணீரில் ஊற வைக்க வேண்டும்.
• இதை சுமார் 15-30 நிமிடங்கள் ஜெல் போன்ற நிலைத்தன்மையை உருவாக்கும் வரை ஊறவைக்க வேண்டும்.
• பிறகு இந்தக் கலவையை காலையில் வெறும் வயிற்றில் குடிக்கலாம்.

இவ்வாறு ஊறவைத்த சியா விதைகளை உட்கொள்வதன் மூலம், அதில் உள்ள அதிக நார்ச்சத்துக்கள் மலச்சிக்கலை போக்கவும், குடல் இயக்கத்தை மேம்படுத்தவும் உதவுகிறது. மேலும் இது எடையிழப்புக்கும் உதவுகிறது.

இந்த பதிவும் உதவலாம்: Mango Chia Seeds: மேங்கோ ஜூஸ் உடன் இந்த ஒரு விதையை சேர்த்து குடிங்க. எக்கச்சக்க நன்மைகள் கிடைக்கும்!

Image Source: Freepik