சியா விதைகளை சாப்பிடும்போது இந்த 7 தவறுகளைச் செய்யாதீர்கள்.!

சியா விதைகள் இன்று உலகளவில் சூப்பர் ஃபுட் என்று கருதப்படுகின்றன. சிறியதாகத் தோன்றினாலும், இதில் உள்ள நார்ச்சத்து, புரதம், ஒமேகா-3 கொழுப்பு அமிலம், கால்சியம், மெக்னீசியம், ஆன்டி-ஆக்ஸிடன்ட்கள் போன்றவை உடலுக்கு மிகுந்த சக்தி தருகின்றன.

ஆனால், தவறான முறையில் சாப்பிட்டால், நன்மைக்கு பதில் தீமையே அதிகம் ஏற்படும் என்று மருத்துவர் ரதி எச்சரிக்கிறார். மேலும் சியா விதைகளை சாப்பிடும் போது பொதுவாக மக்கள் செய்யும் 7 தவறுகள் என்ன என்பதையும் அவர் தனது யூட்யூப் சேனலில் பகிர்ந்துள்ளார்.

Video Link: https://youtu.be/rVD8WODdVL0

சியா விதைகளை சாப்பிடும்போது மக்கள் செய்யும் 7 தவறுகள்..

1. அப்படியே சாப்பிடுவது

சியா விதைகள் தண்ணீரை பல மடங்கு உறிஞ்சும் தன்மை கொண்டவை. இதை ஊற வைக்காமல் அப்படியே சாப்பிட்டால், அது தொண்டை மற்றும் வயிற்றில் வீக்கம் ஏற்படுத்தி அடைப்பை உருவாக்கும் அபாயம் உண்டு.

சரியான வழி: 1 டேபிள் ஸ்பூன் சியா விதையை குறைந்தது 30 நிமிடங்கள் தண்ணீரில் ஊற வைத்து மென்மையான ஜெல் வடிவில் சாப்பிட வேண்டும்.

2. அதிகமாக சாப்பிடுவது

சியா விதைகள் ஆரோக்கியமானது என்பதால், சிலர் ஒரே நாளில் 5 டேபிள் ஸ்பூன் மேல் சாப்பிடுகிறார்கள். ஆனால் இதில் அதிக நார்ச்சத்து இருப்பதால், வயிறு உப்புசம், வாயு பிரச்சனை, மலச்சிக்கல் ஏற்படும்.

மருத்துவர் பரிந்துரை: ஒரு நாள் 1 டேபிள் ஸ்பூன் போதும். பிரச்சனை ஏதும் இல்லை என்றால், மெதுவாக 2 டேபிள் ஸ்பூன் வரை அதிகரிக்கலாம்.

3. தண்ணீர் குடிக்காமல் இருப்பது

சியா விதைகள் சரியாக செயல்பட, உடலில் போதுமான தண்ணீர் இருக்க வேண்டும். நீர் குறைவாக இருந்தால், விதைகள் உடலின் உள்ளிருக்கும் தண்ணீரை உறிஞ்சி நீர்ச்சத்து குறைபாடு மற்றும் மலச்சிக்கல் ஏற்படச்செய்யும்.

தீர்வு: தினசரி போதுமான தண்ணீர் குடிக்கவும். மோர், கஞ்சி, லெமன் ஜூஸ் போன்ற திரவங்களுடன் சியா விதைகளை சேர்த்து உட்கொள்வது சிறந்தது.

இந்த பதிவும் உதவலாம்: 

4. காலை உணவை தவிர்ப்பது

ஒரு கிளாஸ் சியா விதை நீர் குடித்துவிட்டு, இதுவே காலை உணவு என்று நினைப்பது தவறு. சியா விதைகளில் புரதம், நல்ல கொழுப்பு குறைவாகவே உள்ளன.

சரியான வழி: ஊறவைத்த சியா விதைகளை சாம்பார் சாதம், தயிர் சாதம் அல்லது ஸ்மூத்தி, ஓட்ஸ் போன்ற உணவுகளில் சேர்த்து சாப்பிட வேண்டும்.

5. எல்லா விதைகளும் நல்லதல்ல

சில சியா விதைகள் பூச்சிக்கொல்லி மருந்துகள் பயன்படுத்தி விளைவிக்கப்படுகின்றன. அவை ஹார்மோன் சமநிலையை கெடுத்து கல்லீரல் பாதிப்பு உண்டாக்கும் அபாயம் உண்டு.

மருத்துவர் பரிந்துரை: எப்போதும் ஆர்கானிக் (Organic), Non-GMO சியா விதைகளை மட்டும் தேர்வு செய்யவும்.

6. ஸ்டோர் செய்யும் தவறு

சியா விதைகளை வெப்பமான இடங்களில், பிளாஸ்டிக் பாக்கெட்டில் வைத்தால், அது விரைவில் கெட்டு விடும்.

தீர்வு: கண்ணாடி ஜாரில் சேமித்து, குளிர்சாதன பெட்டியில் (Fridge) வைக்க வேண்டும். இதனால் அதன் நன்மை நீண்ட நாள் காக்கப்படும்.

7. ஒவ்வாமை பிரச்சனை

சிலருக்கு சியா விதைகள் ஒத்துக்கொள்ளாது. தோலில் அரிப்பு, வீக்கம், வயிறு உப்புசம், வயிற்றுப்போக்கு, மூச்சுத் திணறல் போன்ற அறிகுறிகள் ஏற்படலாம்.

தீர்வு: இவ்வாறான அறிகுறிகள் தோன்றினால் உடனடியாக சாப்பிடுவதை நிறுத்தி மருத்துவரை அணுக வேண்டும்.

மருத்துவர் எச்சரிக்கை

சியா விதைகள் ஆரோக்கியத்திற்கு நன்மை பயக்கும். ஆனால் அதை சரியான முறையில், சரியான அளவில் சாப்பிட வேண்டும். தவறான முறையில் உட்கொண்டால் அது உடலுக்கு தீங்கு விளைவிக்கும் என்கிறார் மருத்துவர் ரதி.

இறுதியாக..

சியா விதைகள் உண்மையில் ஒரு அற்புதமான சூப்பர் ஃபுட். ஆனால் அளவுக்கு அதிகமாகவும், தவறான முறையிலும் சாப்பிட்டால், பல ஆரோக்கிய பிரச்சனைகளை ஏற்படுத்தும். எனவே, சியா விதைகளை தண்ணீரில் ஊற வைத்து, குறைந்த அளவில், சமநிலையுடன் சாப்பிட வேண்டும். மேலும் ஆர்கானிக் விதைகளை தேர்வு செய்து, தண்ணீரை போதுமான அளவில் குடிப்பது முக்கியம்.

Disclaimer: இந்தக் கட்டுரை பொதுவான விழிப்புணர்வுக்காக மட்டும். உடல்நல பிரச்சனைகள் அல்லது ஒவ்வாமை தொடர்பான சந்தேகங்கள் இருப்பின், உங்கள் மருத்துவரின் ஆலோசனையைப் பெறுவது அவசியம்.