முடக்கத்தான் கீரை எப்படி சாப்பிட்டால் வேலை செய்யும் தெரியுமா.? மருத்துவர் சந்தோஷ் ஜேக்கப் விளக்கம்..

மூட்டு வலி, சதை வலி, உடல் வீக்கம் போன்ற பிரச்சனைகளுக்கு தீர்வாக “முடக்கத்தான் கீரை” என்று கூறி பலர் தினசரி உணவில் சேர்த்துக் கொள்கிறார்கள். ஆனால், இது உண்மையில் எவ்வளவு பயன் தருகிறது? அதற்கான மருத்துவ ஆதாரம் என்ன? இதுகுறித்து மருத்துவர் சந்தோஷ் ஜேக்கப் (Chief Orthopedic Surgeon) தனது இன்ஸ்டாகிராம் பக்கத்தில் பகிர்ந்துள்ளார். 

ஆராய்ச்சிகள் என்ன சொல்கின்றன?

முடக்கத்தான் கீரையில் உள்ள பல்வேறு பைட்டோ கெமிக்கல்கள் மற்றும் மைக்ரோ நியூட்ரியன்ட்ஸ் காரணமாக, சில விலங்கு மற்றும் lab ஆராய்ச்சிகளில் இதற்கு anti-inflammatory மற்றும் mild anti-microbial பண்புகள் இருப்பதாக தெரியவந்துள்ளது.

எனினும், மனிதர்களில் இதன் மூட்டுவலி குறைக்கும் திறனை நிரூபிக்கும் வலுவான மருத்துவ ஆய்வுகள் இதுவரை இல்லையென்கிறார் மருத்துவர் சந்தோஷ் ஜேக்கப். அதாவது, “முடக்கத்தான் கீரை சாப்பிட்டால் மூட்டுவலி உடனே குறையும்” என்ற நம்பிக்கைக்கு விஞ்ஞான ஆதாரம் இன்னும் உறுதி செய்யப்படவில்லை.

கவனம் — சிலருக்கு பாதிப்பு ஏற்படலாம்!

முடக்கத்தான் கீரை இரத்தம் உறையாமல் தடுக்கும் தன்மை (blood-thinning effect) கொண்டிருக்கலாம் என்று சில ஆய்வுகள் கூறுகின்றன. எனவே, blood thinner மருந்துகள் (உதா: Aspirin, Warfarin) எடுத்துக்கொள்பவர்கள் இதை சாப்பிடுவதற்கு முன் மருத்துவரை கண்டிப்பாக அணுக வேண்டும் என அவர் எச்சரிக்கிறார். மேலும், இதன் அளவு மற்றும் அளவுக்கோல் பற்றிய மருத்துவ வழிகாட்டுதல்கள் இன்னும் முழுமையாக நிறுவப்படவில்லை.

இந்த பதிவும் உதவலாம்: தைராய்டு பிரச்சனையை இயற்கையாக கட்டுப்படுத்தலாம்.! மருத்துவர் சிவராமன் விளக்கம்.. பெண்களும் ஆண்களும் கவனிக்க வேண்டிய முக்கிய ஆலோசனைகள்..

முடக்கத்தான் கீரையை எப்படி சாப்பிடலாம்?

பலர் முடக்கத்தான் கீரையை அரைத்து குடிநீர் போல (raw decoction) அருந்துகிறார்கள். ஆனால் இது வாயு அல்லது வயிற்று எரிச்சல் ஏற்படுத்தக்கூடும் என மருத்துவர் கூறுகிறார். எனவே, இதனை சமைத்து சாப்பிடுவது தான் சிறந்த வழி.

சாப்பிடும் சிறந்த முறைகள்:

* பருப்புடன் சேர்த்து முடக்கத்தான் கீரை சாம்பார்

* தோசை மாவில் கலந்து முடக்கத்தான் கீரை தோசை

* சிறிதளவு கூட்டு வடிவில் சேர்த்து எடுத்துக் கொள்ளலாம்.

View this post on Instagram

A post shared by Dr Santhosh Jacob MBBS,DNB,MCh,DABRM,PhD (@drsanthoshjacob)

உண்மையில் எந்த வேலை செய்கிறது?

மருத்துவர் சந்தோஷ் ஜேக்கப் கூறுவதாவது - “மூட்டுவலிக்கு ஒரு கீரை அல்லது மூலிகை மட்டும் தீர்வாகாது. 10% எடை குறைப்பு, வாரத்துக்கு மூன்று முறை வலிமை பயிற்சி, போதுமான புரதம் + நார்ச்சத்து உணவு ஆகியவையே மூட்டுவலியை 50% வரை குறைக்க உதவுகின்றன.”

அதாவது, ஒரு ஆரோக்கியமான வாழ்க்கை முறை தான் உண்மையான மருந்து. எந்த மூலிகையும் ஆரோக்கியமான வாழ்க்கை முறையை மாற்ற முடியாது என்று அவர் வலியுறுத்துகிறார்.

இறுதியாக..

முடக்கத்தான் கீரை நிச்சயமாக சில நன்மைகள் கொண்ட ஒரு ஆரோக்கியமான கீரையாகும். ஆனால், அதை மருந்தாக நம்பி உடனடி தீர்வு எதிர்பார்ப்பது தவறு. இதை சமைத்து, மிதமான அளவில் சாப்பிடுவது பாதுகாப்பானது. மூட்டு வலி பிரச்சனை இருந்தால், உடற்பயிற்சி, சரியான உணவுமுறை, உடல் எடை கட்டுப்பாடு ஆகியவற்றை இணைத்து பின்பற்றுவது தான் மிகச்சிறந்த தீர்வாகும்.

Disclaimer: இந்தக் கட்டுரை பொது தளங்களில் பகிரப்பட்ட மருத்துவர் கருத்துகள் மற்றும் நிபுணர் தகவல்களின் அடிப்படையில் எழுதப்பட்டுள்ளது. இதில் கூறப்பட்ட எந்தவொரு மூலிகையையும் அல்லது சாப்பிடும் முறையையும் தொடங்குவதற்கு முன் உங்கள் மருத்துவரின் ஆலோசனையை பெறுவது அவசியம்.