ஹெல்த்தியான தினை கலவை ரெசிபியை எப்படி செய்வது? இதை குளிர்காலத்தில் ஏன் சாப்பிட வேண்டும்?

சிறியவர்கள் முதல் பெரியவர்கள் வரை சிற்றுண்டி சாப்பிடுவதில் மிகுந்த ஈடுபாடு காட்டுகின்றனர். வயிறு நிரம்பிய உணவை எடுத்துக் கொண்ட பின்னரும், சர்க்கரை போன்ற இனிப்பு நிறைந்த சிற்றுண்டிகளின் மீதான விருப்பம் நாளுக்கு நாள் அதிகரித்துக் கொண்டு தான் இருக்கிறது. இது தவிர, அதிக காரம், அதிக உப்பு நிறைந்த ஆரோக்கியமற்ற சிற்றுண்டிகளை எடுத்துக் கொள்வதிலும் ஆர்வம் அதிகம் உள்ளது. சிற்றுண்டி சாப்பிடுவதைக் கட்டுப்படுத்துவது அவ்வளவு எளிதானது அல்ல. இருந்தபோதும், ஆரோக்கியமான சிற்றுண்டியை எடுத்துக் கொள்வது அவசியமாகும்.

இந்நிலையில், காரமான, உப்பு நிறைந்த அதே சமயம் ஆரோக்கியமான சிற்றுண்டியை உட்கொள்ள பலரும் விரும்புகின்றனர். அவ்வாறே, குளிர்காலத்திற்கு ஏற்ற தினை வகைகளைக் கொண்டு தயார் செய்யப்படும் ஆரோக்கியமான சிற்றுண்டியைத் தயார் செய்வதற்கான குறிப்புகளை ஊட்டச்சத்து நிபுணர் பாலக் நாக்பால் அவர்கள் தனது இன்ஸ்டாகிராம் பக்கத்தில் பகிர்ந்துள்ளார். அவர் தனது சொந்தமாக தயாரிக்கப்பட்ட தினை கலவையின் வீடியோவை பகிர்ந்து, அதன் நன்மைகளையும் எடுத்துரைத்துள்ளார். இதில் ஆரோக்கியமான சிற்றுண்டி வகையான தினை கலவை தயார் செய்யும் முறை மற்றும் அதன் நன்மைகள் குறித்து ஊட்டச்சத்து நிபுணர் பகிர்ந்துள்ளதைக் காண்போம்.

நிபுணரின் கருத்து

ஊட்டச்சத்து நிபுணர் வீடியோவில் கூறியதாவது, “பெரும்பாலான அப்பாக்களைப் போலவே, என் அப்பாவும் நம்கீன்களுக்கு அடிமையானவர். அவருக்கு ஒவ்வொரு மாலையும் தேநீருடன் ஒரு கிண்ணம் தேவை, என்னவென்று தெரியுமா? அவர் உண்மையில் தனது வழக்கமான நம்கீன் சாப்பிடுவதை நிறுத்திவிட்டார், ஏனென்றால் அவர் எனது குளிர்கால தினை கலவையை முயற்சித்தார். மறுநாளே அவர் என்னிடம் ஒரு புதிய தொகுதி கேட்டார்” என்று பகிர்ந்தார்.

மேலும் அவர், “இது கம்பு பொரி (Bajra puffs), வேர்க்கடலை, கொட்டைகள் மற்றும் விதைகளால் ஆனது. இது உங்களை சூடாக வைத்திருக்கும். மேலும் இந்த குளிர்காலத்தில் நீங்கள் சீக்கிரம் நோய்வாய்ப்பட மாட்டீர்கள். உங்கள் நம்கீன் ஏக்கங்கள் அனைத்தும் நீங்கப் போகிறது. இது உங்கள் சரியான குளிர்கால உணவு” என்று கூறினார்.

இதனைத் தொடர்ந்து, "உங்க குடும்பத்துல நாம்கீனை விட குளிர்கால தினை மிக்ஸ் தான் ரொம்பப் பிடிக்கும். என் அப்பாவுக்கு மாலை நேர நம்கீன் ரொம்பப் பிடிக்கும், அதனால அவர் வழக்கமான பாக்கெட்டை என் வீட்டு குளிர்கால தினை கலவையுடன் மாற்றிய போது, இந்த ரெசிபி வெற்றி பெற்றது” என்று கூறினார். இதில் அவர் பகிர்ந்துள்ள ரெசிபியைத் தயார் செய்யும் முறை மற்றும் நன்மைகளைக் காண்போம்.

இந்த பதிவும் உதவலாம்: எந்தெந்த உடல்நலப் பிரச்சனைகளுக்கு எந்தெந்த தினை சிறந்தது? நிபுணர் தரும் விளக்கம்

தேவையான பொருட்கள்

• கம்பு பொரி - 2 பெரிய கிண்ணங்கள்
• வேர்க்கடலை - 1 கப் (உலர்ந்த வறுத்தது)
• பாதாம் - ½ கப் (நறுக்கியது)
• வால்நட்ஸ் - ½ கப் (நறுக்கியது)
• பூசணி விதைகள் - ¼ கப்
• எண்ணெய் - 1 டேபிள் ஸ்பூன்
• பெருங்காயம் - ½ டீஸ்பூன்
• கடுகு விதைகள் - 1 டேபிள் ஸ்பூன்
• கறிவேப்பிலை - 10–12
• மஞ்சள் - ½ டீஸ்பூன்
• சிவப்பு மிளகாய் தூள் - ½ டீஸ்பூன்
• உப்பு / உப்பு சேர்க்காத மசாலா - சுவைக்கேற்ப
• மிளகு - ¼ டீஸ்பூன்

செய்முறை

• வேர்க்கடலை, பாதாம், வால்நட்ஸ் மற்றும் பூசணி விதைகளை 4–5 நிமிடங்கள் வறுக்க வேண்டும்.
• ஒரு கடாயில், எண்ணெயை சூடாக்கி, அதில் பெருங்காயம், கடுகு, கறிவேப்பிலை சேர்க்கலாம்.
• பின்னர், அதில் மஞ்சள், சிவப்பு மிளகாய் தூள், உப்பு மற்றும் மிளகு சேர்க்க வேண்டும்.
• அதன் பிறகு வறுத்த நட்ஸ் மற்றும் கம்பு பொரியைச் சேர்த்து நன்கு கலக்கலாம்.
• அதை குளிர்வித்து காற்று புகாத ஜாடியில் சேமிக்கலாம்.

View this post on Instagram

A post shared by Palak Nagpal - Clinical Nutritionist (@nutritionwithpalaknagpal)

குளிர்காலத்திற்கு இது ஏன் சரியான சிற்றுண்டி

குளிர்காலத்தில் இந்த தினை கலவை ஏன் சரியான சிற்றுண்டியாக இருக்கும் என்பது குறித்து ஊட்டச்சத்து நிபுணர் விளக்குகிறார்.

• இது உடலை இயற்கையாகவே சூடேற்றுகிறது
• அதிகளவு ஆக்ஸிஜனேற்றிகள் மற்றும் தாதுக்களைக் கொண்டுள்ளன
• இது நம்மை நீண்ட நேரம் முழுதாக வைத்திருக்க உதவும்
• நோய் எதிர்ப்பு சக்தியை ஆதரிக்கிறது
• பசியைக் கட்டுப்படுத்த உதவும் சுத்தமான, மொறுமொறுப்பான, வறுக்கப்படாத சிற்றுண்டி

இதனைத் தொடர்ந்து, “அவர் ஒரு ஆரோக்கியமான நம்கீனை காதலிக்க முடிந்தால், நீங்களும் அதை விரும்புவீர்கள் என்று எனக்குத் தெரியும். இதைச் சேமித்து, இதைச் செய்து, உங்கள் புதிய குளிர்கால உணவை அனுபவிக்கவும்,” என்று அவர் தனது பதிவை முடித்தார்.

இந்த தினை கலவையில் ஒவ்வொரு மூலப்பொருள்களும் பல்வேறு நன்மைகளை வழங்குகிறது. உடல் குளிர்ந்த காலநிலையை சமாளிக்க உதவுகிறது மற்றும் இந்த சிற்றுண்டி ஆரோக்கியமாக வைத்திருக்க உதவுகிறது.

பொறுப்புத்துறப்பு

இதில் வழங்கப்பட்ட தகவல்கள் பொதுவான தகவல் நோக்கங்களுக்காக மட்டுமே. எனினும், தனிப்பட்ட தகவல்களைப் பெற விரும்புபவர்கள் அல்லது புதிய முயற்சிகளைக் கையாள விரும்புபவர்கள் எப்போதும் தகுதிவாய்ந்த நிபுணரை அணுகுவது நல்லது.

இந்த பதிவும் உதவலாம்: திணை அரிசி.. உடலை உறுதியாக வைத்திருக்கும் இயற்கை சூப்பர்ஃபுட்.!

Image Source: Freepik