ஒட்டுமொத்த முடி பிரச்சனைக்கும் ஒரே தீர்வு.. வீட்டிலேயே செய்த இந்த ட்ரிங்க் குடிங்க!

இன்று சிறியவர்கள் முதல் பெரியவர்கள் வரை அனைவரும் சந்திக்கும் பொதுவான பிரச்சனைகளில் ஒன்றாக முடி பிரச்சனை அடங்குகிறது. போதுமான பராமரிப்பு இல்லாதது, போதிய ஊட்டச்சத்துக்கள் இல்லாமை உள்ளிட்ட பல்வேறு காரணங்களால் முடி உதிர்வு, முடி உடைதல், வறட்சியான முடி, நரைமுடி மற்றும் இன்னும் பல்வேறு முடி சார்ந்த பிரச்சனைகள் ஏற்படலாம். இந்நிலையில், முடி சார்ந்த பிரச்சனைகளிலிருந்து விடுபட விரும்புபவர்கள் கடைகளில் விற்பனை செய்யப்படும் இரசாயனங்கள் கலந்த முடி பராமரிப்புப் பொருள்களைப் பயன்படுத்துகின்றனர்.

ஆனால், இவை தற்காலிக தேர்வாக இருக்கலாம். மேலும், இந்த பராமரிப்புப் பொருள்களின் நீண்ட கால பயன்பாடுகள் தலைமுடியை மேலும் பாதிக்கக்கூடும். இந்நிலையில், முடி மெலிவதைத் தடுக்கவும், முடி உதிர்வைத் தடுத்து நிறுத்தவும் இயற்கையான வீட்டு வைத்தியங்களைக் கையாள்வது அவசியமாகும். இதில் முடி உதிர்வைத் தடுத்து நிறுத்தவும், முடி ஆரோக்கியத்தை மேம்படுத்தவும் உதவும் பானம் குறித்து மருத்துவர் பொற்கொடி ஹரி அவர்கள் தனது இன்ஸ்டாகிராம் பக்கத்தில் பானம் தயாரிக்கும் முறை குறித்தும், அதன் நன்மைகள் குறித்தும் பகிர்ந்துள்ளார். அதைப் பற்றி இங்குக் காண்போம்.

முடி வளர்ச்சிக்கான அதிசய பானம்

தினந்தோறும் காலை நேரத்தில் இந்த பானத்தை எடுத்துக் கொள்வது, உங்கள் உச்சந்தலை உங்களுக்கு நன்றி தெரிவிக்கும் என்று மருத்துவர் தனது பதிவில் குறிப்பிட்டுள்ளார்.

தேவையான பொருட்கள்

• கருப்பு எள் விதைகள் - 1 தேக்கரண்டி
• ஆளி விதைகள் - 1 தேக்கரண்டி
• ஊறவைத்த பாதாம் - 5
• நெல்லிக்காய் தூள் - 1 தேக்கரண்டி / ½ புதிய நெல்லிக்காய்
• முருங்கைக்காய் தூள் - 1 தேக்கரண்டி
• பேரீச்சம்பழம் - 2 முதல் 3
• சூடான நீர் - 250 மில்லி

தயார் செய்யும் முறை

1. பாதாம், எள், ஆளி விதை போன்றவற்றை கொடுக்கப்பட்ட அளவில் எடுத்துக் கொண்டு இரவு முழுவதும் ஊற வைக்க வேண்டும்.

2. இவற்றை காலையில், எல்லாவற்றையும் வெதுவெதுப்பான நீரில் கலக்க வேண்டும்.

3. பின்னர் இதில் நெல்லிக்காய் மற்றும் முருங்கைக்காய் சேர்த்து மீண்டும் கலக்க வேண்டும்.

4. இவ்வாறு தயார் செய்த பானத்தை உடனடியாக குடிக்கலாம்.

இந்த பதிவும் உதவலாம்: Hair Growth Drinks: முடி கொட்டாமல் இருக்க காலையில் இந்த பானங்களை முயற்சிக்கவும்.!

முடி வளர்ச்சிக்கான பானத்தின் நன்மைகள்

- முடி உதிர்தலைக் குறைக்கிறது

- முடி வேர்களை வலுப்படுத்துகிறது

- கொலாஜனை அதிகரிக்கிறது

- பளபளப்பான, அடர்த்தியான முடியை அளிக்கிறது

- ஹார்மோன் சமநிலையை ஆதரிக்கிறது

- அதிக ஆக்ஸிஜனேற்றிகள் மற்றும் தாதுக்களைக் கொண்ட பானமாகும்.

மருத்துவர் பகிர்ந்துள்ள இந்த பானத்தைத் தயார் செய்ய செயல்முறைக்குத் தேவையான பொருள்கள் அனைத்துமே பல்வேறு முடி சார்ந்த பிரச்சனைகளிலிருந்து விடுபட வைக்கிறது.

கருப்பு எள் விதைகள்

இதில் முடியின் வளர்ச்சியை ஊக்குவிக்கும் முக்கிய ஊட்டச்சத்துக்களான இரும்பு, தாமிரம், துத்தநாகம், வைட்டமின்கள் போன்றவை உள்ளன. இவை மெலனின் உற்பத்தியை ஆதரிப்பதன் மூலம் முன்கூட்டியே நரைப்பதைத் தடுக்கவும், நுண்ணறைகளை வலுப்படுத்தவும், உச்சந்தலையில் சுழற்சி மற்றும் நீரேற்றத்தை மேம்படுத்துவதன் மூலம் பளபளப்பைச் சேர்க்கவும் உதவுகிறது.

ஆளி விதைகள்

ஆளி விதையில் உள்ள ஒமேகா-3, வைட்டமின் ஈ மற்றும் ஆன்டிஆக்ஸிடன்ட்கள் போன்றவை கூந்தலுக்கு மிகவும் நல்லது. ஏனெனில் இது முடி நுண்ணறைகளை வளர்க்கிறது, முடி உதிர்தலைக் கட்டுப்படுத்துகிறது, பளபளப்பைச் சேர்க்கிறது மற்றும் இழைகளை வலுப்படுத்துகிறது.

ஊறவைத்த பாதாம்

ஊறவைத்த பாதாம் பயோட்டின், வைட்டமின் ஈ, புரதம், மெக்னீசியம் மற்றும் துத்தநாகம் போன்றவை உள்ளது. இவை நுண்ணறைகளை வலுப்படுத்தவும், முடி உதிர்தலைக் குறைக்கவும், புதிய வளர்ச்சியை ஊக்குவிக்கவும், பளபளப்பைச் சேர்க்கவும் மற்றும் உச்சந்தலையை வளர்க்கவும் உதவுகின்றன

View this post on Instagram

A post shared by DrPorkodi Hari (@drporkodihari)

புதிய நெல்லிக்காய் அல்லது நெல்லிக்காய் தூள்

இது முடிக்கு சூப்பர்ஃபுட் என்றே கூறலாம். இதில் வைட்டமின் சி, ஆக்ஸிஜனேற்றிகள் மற்றும் கொழுப்பு அமிலங்கள் நிறைந்துள்ளன. இவை நுண்ணறைகளை வலுப்படுத்தவும், கொலாஜனை அதிகரிக்கவும் மற்றும் உச்சந்தலையில் சுழற்சியை மேம்படுத்தவும் உதவுகின்றன. மேலும் இது தலைமுடிக்கு ஏராளமான நன்மைகளை வழங்குகிறது.

முருங்கைக்காய் தூள்

இதில் இரும்புச்சத்து அதிகம் இருப்பதால் முடிக்கு அதிக ஆக்ஸிஜனை எடுத்துச் செல்ல உதவுகிறது, மேலும் துத்தநாகம் முடி வளர்ச்சியை ஊக்குவிக்கிறது மற்றும் முடி உதிர்தலைக் கட்டுப்படுத்துகிறது

பேரிச்சம்பழம்

மயிர் நுண்ணறைகளுக்கு ஆக்ஸிஜனை எடுத்துச் செல்லும் இரும்புச்சத்து நிறைந்ததாகும். மேலும் இது உச்சந்தலையில் உள்ள செல்களில் செயலில் வளர்சிதை மாற்ற செயல்முறைக்கு ஆற்றலை வழங்குகிறது

பொறுப்புத்துறப்பு

இதில் வழங்கப்பட்ட தகவல்கள் பொதுவான தகவல் நோக்கங்களுக்காக மட்டுமே. எனினும், தனிப்பட்ட தகவல்களைப் பெற விரும்புபவர்கள் அல்லது புதிய முயற்சிகளைக் கையாள விரும்புபவர்கள் எப்போதும் தகுதிவாய்ந்த நிபுணரை அணுகுவது நல்லது.

இந்த பதிவும் உதவலாம்: Hair Growth Drinks: வெறும் வயிற்றில் இதை மட்டும் குடிக்கவும்.. சந்தேகமே வேண்டாம்.. முடி சூப்பரா வளரும்..

Image Source: Freepik