வெறும் வயிற்றில் உடற்பயிற்சி செய்வது கொழுப்பை வேகமாகக் குறைக்குமா? நிபுணர் தரும் விளக்கம் இதோ

இன்றைய நவீன காலத்தில் மோசமான வாழ்க்கை முறை, உணவு முறை மற்றும் உடல் செயல்பாடுகள் இல்லாதது போன்றவை பல பிரச்சனைகளுக்கு வழிவகுக்கிறது. இதனால் உடல் எடை அதிகரிப்பு பலரும் அனுபவிக்கக்கூடிய ஒரு பொதுவான பிரச்சனையாக மாறிவிட்டது. இந்த எடை அதிகரிப்பைக் குறைப்பதற்கு பலரும் பலவேறு வழிகளைக் கையாள்கின்றனர். அதிலும், சமூக ஊடகங்களில் உடற்பயிற்சியில் செல்வாக்கு செலுத்துபவர்களும் பயிற்சியாளர்களும் உண்ணாவிரத உடற்பயிற்சிகள் என்று அழைக்கப்படுவதை விளம்பரப்படுத்துகின்றனர்.

அதாவது, காலையில் எதுவும் சாப்பிடாமல் உடற்பயிற்சி செய்வதாகும். இவ்வாறு செய்வது, கொழுப்பை வேகமாக எரித்து, எடை இழப்பை பாதியாகக் குறைக்கும் என்று கருதுகின்றனர். ஆனால், உண்மையில் இந்த முறை அவ்வளவு பயனுள்ளதாக இருக்குமா அல்லது இது வெறும் கட்டுக்கதையா? உண்மையில், நாம் வெறும் வயிற்றில் உடற்பயிற்சி செய்யும்போது, உடலில் ஆற்றலுக்கான கார்போஹைட்ரேட்டுகள் இல்லை. இந்நிலையில், அது சேமிக்கப்பட்ட கொழுப்பை நேரடியாக ஆற்றலாக மாற்றுகிறது என்று பலர் நம்புகின்றனர். இது மிகவும் கவர்ச்சிகரமானதாகத் தெரிகிறது. அதாவது சரியான நேரத்தில் எடை இழப்பை அதிக முயற்சி இல்லாமலும் அடைய முடிவதற்கு உதவுகிறது.

எனினும், சில உடற்பயிற்சி நிபுணர்கள் இந்த முறை அனைவருக்கும் பாதுகாப்பானது அல்ல என்று கூறுகின்றனர். இது குறித்த துல்லியமான தகவலுக்கு, ஊட்டச்சத்து மற்றும் உடற்பயிற்சி நிபுணர் வர்ணித் யாதவ் அவர்கள் சில தகவல்களைப் பகிர்ந்துள்ளார். அதைப் பற்றி இங்குக் காண்போம்.

இந்த பதிவும் உதவலாம்: முதுகு, முழங்கால் வலியால் அவதியா? இதிலிருந்து விடுபட உதவும் எளிய, பயனுள்ள பயிற்சி இதோ!

வெறும் வயிற்றில் உடற்பயிற்சி செய்வது கொழுப்பை வேகமாக எரிக்குமா?

ஊட்டச்சத்து மற்றும் உடற்பயிற்சி நிபுணரும், உடற்பயிற்சி பயிற்சியாளருமான வர்ணித் யாதவ் அவர்களின் கூற்றுப்படி, வெறும் வயிற்றில் உடற்பயிற்சி செய்வது என்பது எதையும் சாப்பிடாமல் அல்லது குடிக்காமல் உடற்பயிற்சி செய்வதாகும். இது பொதுவாக காலையில் செய்யப்படக்கூடிய பயிற்சியாகும்.

நாம் இரவு உணவிலிருந்து பல மணிநேரங்கள் கடந்து விட்டதால், உடல் உண்ணாவிரதத்தில் இருக்கும் போது உடற்பயிற்சியைச் செய்யலாம். இந்த நிலையில் உடலில் இரத்த சர்க்கரை அளவு குறைவாக இருக்கும். மேலும், இது உடல் ஆற்றலுக்காக சேமிக்கப்பட்ட கொழுப்பை உடைக்க காரணமாகிறது. எனவே தான், இது கொழுப்பை எரிப்பதற்கு நன்மை பயக்கும் என்று கருதப்படுகிறது.

காலை நேரத்தில் வெறும் வயிற்றில் உடற்பயிற்சி செய்வதால், உடல் ஏற்கனவே உள்ள குளுக்கோஸுக்குப் பதிலாக கொழுப்பை ஆற்றலுக்காகப் பயன்படுத்த கட்டாயப்படுத்துகிறது. இந்நிலையில், கொழுப்பு எரிதல் செரிமான செயல்முறையானது சற்று வேகமாக இருக்கும். எனினும், இந்த விளைவு குறிப்பிடத்தக்கதாகவோ அல்லது நீடித்ததாகவோ இருக்காது. அதே சமயம், உணவுமுறை மற்றும் தினசரி செயல்பாடு சமநிலையில் இல்லாவிட்டால், வெறும் வயிற்றில் உடற்பயிற்சி செய்வது மட்டும் எடை இழப்புக்கு வழிவகுக்காது.

உடற்பயிற்சி பயிற்சியாளர் வர்னித் யாதவ் அவர்களின் கூற்றுப்படி, உண்ணாவிரத உடற்பயிற்சிகள் ஆரம்பத்தில் கொழுப்பு ஆக்சிஜனேற்றத்தை அதிகரிக்கிறது. ஆனால் நீண்ட காலத்திற்கு, கலோரி பற்றாக்குறையே எடை இழப்புக்கு உண்மையான காரணமாக விளங்குகிறது. அதாவது, நாம் உட்கொள்வதை விட அதிக கலோரிகளை செலவிட்டால் மட்டுமே கொழுப்பு இழப்பை துரிதமாக்கும். வெறும் வயிற்றில் உடற்பயிற்சி செய்தாலும் சரி அல்லது சாப்பிட்ட பிறகு உடற்பயிற்சி செய்தாலும் சரி, அதிக கலோரிகளை செலவிடுவதன் மூலம் கொழுப்பு இழப்பு ஏற்படலாம்.

இந்த பதிவும் உதவலாம்: எடை அதிகரிக்க முடியவில்லையா? மருத்துவர் சந்தோஷ் ஜேக்கப் கூறும் புத்திசாலித்தனமான வழிகள்!

வெறும் வயிற்றில் உடற்பயிற்சி செய்வதன் நன்மைகள்

இவ்வாறு, வெறும் வயிற்றில் உடற்பயிற்சி செய்வதால் என்னென்ன நன்மைகள் கிடைக்கும் என்பது குறித்து காணலாம்.

• உடலுக்கு உடனடி ஆற்றலுக்கான குளுக்கோஸ் இல்லாதபோது, அது சேமிக்கப்பட்ட கொழுப்பை ஆற்றலாகப் பயன்படுத்துகிறது.
• உண்ணாவிரத உடற்பயிற்சி செய்பவர்களுக்கு இன்சுலின் உணர்திறன் சிறப்பாக இருக்கும். இது இரத்த சர்க்கரை அளவைக் கட்டுக்குள் வைத்திருக்க வழிவகுக்கிறது.
• மேலும், சிலர் வெறும் வயிற்றில் உடற்பயிற்சி செய்யும்போது சிறந்த கவனம் மற்றும் ஆற்றலை அனுபவிக்கின்றனர். ஏனெனில் அவர்களின் உடல் இலகுவாக உணர்கிறது.
• காலையில் எழுந்து சாப்பிடாமல் உடற்பயிற்சி செய்வது, நாள் முழுவதும் வளர்சிதை மாற்றத்தை அதிகமாக வைத்திருக்க உதவுகிறது. மேலும் இது கலோரிகளை எரிக்க உதவுகிறது.

முடிவுரை

இவ்வாறு, வெறும் வயிற்றில் உடற்பயிற்சி செய்வது அனைவருக்கும் அவசியமில்லை அல்லது அவசியம் நன்மை பயக்கும் என்பதும் கூறப்படுவதில்லை. இது சிலருக்கு வேலை செய்யலாம். ஆனால் மற்றவர்களுக்கு இவை தீங்கு விளைவிக்கக்கூடும். இதை முயற்சிக்க விரும்புபவர்கள், உடலின் தேவைகளைப் புரிந்துகொண்டு முதலில் ஒரு நிபுணரை அணுகி ஆலோசனை பெறுவது அவசியமாகக் கருதப்படுகிறது.

இந்த பதிவும் உதவலாம்: தொப்பையை குறைக்க உதவும் 6 அற்புதமான பயிற்சிகள்.! மருத்துவர் பரிந்துரை.. 

Image Source: Freepik