3 நாளைக்கு இந்த இன்டர்மிட்டன்ட் ஃபாஸ்டிங் டயட் பிளான் ஃபாலோ பண்ணுங்க.. 2 கிலோ வரை எடையைக் குறைக்கலாம்

இன்றைய காலத்தில் மோசமான வாழ்க்கை முறை மற்றும் ஆரோக்கியமற்ற உணவுமுறை காரணமாக பலரும் பல வகையான பிரச்சனைகளைச் சந்திக்கின்றனர். இதில் உடல் எடை அதிகரிப்பு பொதுவான பிரச்சனைகளில் ஒன்றாகும். எனவே தான் பலரும் உடல் எடையைக் குறைக்க உடற்பயிற்சி செய்வது, சீரான உணவுமுறை மற்றும் பல்வேறு டயட் முறைகளைப் பின்பற்றுவது உள்ளிட்ட முறைகளைக் கையாள்கின்றனர். இந்த வரிசையில் இடைவிடாத உண்ணாவிரத முறையும் அடங்கும்.

பொதுவாக, இடைவிடாத உண்ணாவிரதம் (IF) என்பது இரண்டு குறிப்பிட்ட காலகட்டங்களுக்கு இடையில் சுழற்சி முறையில் நடைபெறும் ஒரு வகை உணவு முறை ஆகும். ஆனால், பலருக்கும் இந்த உண்ணாவிரதத்தை எப்படி இருப்பது என்பது பற்றி தெரிவதில்லை. எனவே தான் பலருக்கு இந்த விரத்தத்தில் என்ன உணவுகளை சாப்பிட வேண்டும், எதைத் தவிர்க்க வேண்டும் என்பதில் குழப்பமடைகின்றனர். சில பிரபலமான முறைகளில் 16:8, 5:2, மாற்று நாள் உண்ணாவிரதம் மற்றும் ஒரு நாள் உணவு (OMAD) போன்றவை அடங்கும்.

இடைபட்ட உண்ணாவிரதம் உணவு நேரத்தைக் கட்டுப்படுத்துவதன் மூலம் கலோரி உட்கொள்லலைக் குறைக்கிறது. இந்த உணவுமுறை எடையிழப்பை ஊக்குவிக்கவும், கொழுப்பைக் குறைக்கவும் மற்றும் இரத்த சர்க்கரை அளவைப் பராமரிக்கவும் உதவுவதாகக் கூறப்படுகிறது. இதில் 2 கிலோ வரையிலான உடல் எடையைக் குறைப்பதற்கு தொடர்ந்து 3 நாள்களுக்குப் பின்பற்றக்கூடிய உணவுத்திட்டம் குறித்து ஊட்டச்சத்து நிபுணரான சுர்பி குப்தா அவர்கள் தனது இன்ஸ்டாகிராம் பக்கத்தில் சில தகவல்களைப் பகிர்ந்துள்ளார்.

இந்த பதிவும் உதவலாம்: இன்டர்மிட்டன்ட் ஃபாஸ்டிங் இருக்க போறீங்களா? நிபுணர் சொன்ன இந்த குறிப்புகளை மறந்தராதீங்க

3-நாள் இடைப்பட்ட உண்ணாவிரத உணவுத் திட்டம்

நிபுணரின் கூற்றுப்படி,”வளர்சிதை மாற்றத்தை அதிகரிக்க, செரிமானத்தை மேம்படுத்த மற்றும் வீக்கத்தைக் குறைக்க ஒரு சிறிய மறுசீரமைப்பு - இவை அனைத்தும் புத்திசாலித்தனமாக சாப்பிடும்போது!

உண்மையான முடிவுகளுக்கு உண்ணாவிரத நேரத்தை ஊட்டமளிக்கும் உணவுகளுடன் சமநிலைப்படுத்தும் இந்த எளிய 3-நாள் திட்டத்தை முயற்சிக்கவும்” என்று கூறியுள்ளார்.

நாள் 1 - லேசான உணவு முறை

லேசான உணவு முறையைக் கையாள்வதன் மூலம் உடலை உண்ணாவிரதத்திற்கு எளிதாக்கலாம்.

மதியம் 12 மணி (முதல் உணவு)

• காய்கறி பருப்பு + 1 கிண்ணம் பழுப்பு அரிசி + சாலட்,
• அல்லது தயிருடன் கூடிய காய்கறி குயினோவா கிண்ணம்.

மாலை 4 மணி சிற்றுண்டி

• கிரீன் டீ + ஒரு கைப்பிடி வறுத்த மக்கானா அல்லது பாதாம்.

மாலை 7 மணி இரவு உணவு

• மூங் தால் சில்லா + புதினா சட்னி + வதக்கிய காய்கறிகள்.

குறிப்பு

உண்ணாவிரதத்தின் போது தண்ணீர், தேங்காய் தண்ணீர் அல்லது மூலிகை தேநீர் குடிக்கலாம்.

இந்த பதிவும் உதவலாம்: World Diabetes Day 2025: ப்ரீ-டயபடீஸை குணப்படுத்த இன்டர்மிட்டன்ட் ஃபாஸ்டிங் உதவுமா? நீங்க இதை கட்டாயம் தெரிஞ்சிக்கணும்

நாள் 2 - நச்சு நீக்கம் & உற்சாகப்படுத்துதல்

இந்த நச்சு நீக்கம் மற்றும் உற்சாகப்படுத்துதல் உணவுமுறையின் மூலம் வளர்சிதை மாற்றம் மற்றும் நீரேற்றத்தை அதிகரிக்கலாம்.

மதியம் 12 மணி (முதல் உணவு)

• சியா விதைகள் + பழங்களுடன் ஓட்ஸ் கஞ்சி,
• அல்லது வேர்க்கடலை + மோர் உடன் போஹா

மாலை 4 மணி சிற்றுண்டி

எலுமிச்சை தண்ணீர் + 1 பழம் (ஆப்பிள்/பப்பாளி).

மாலை 7 மணி இரவு உணவு

வறுத்த பனீர்/டோஃபு + வதக்கிய காய்கறிகள் + சூப்.

குறிப்பு

உண்ணாவிரத நேரங்களில் சர்க்கரை பானங்கள் அல்லது பழச்சாறுகளைத் தவிர்க்கலாம்.

View this post on Instagram

A post shared by Diets By Surbhi Gupta (@diets_by_surbhi_gupta)

நாள் 3 - லேசான & சுத்தமான உணவுமுறை

இது கொழுப்பு எரிவதை ஆதரித்து வீக்கத்தைக் குறைக்க உதவுகிறது.

மதியம் 12 மணி (முதல் உணவு)

• பெசன் சில்லா + சட்னி + வெள்ளரிக்காய் சாலட்,
• அல்லது கலப்பு காய்கறி டாலியா.

மாலை 4 மணி சிற்றுண்டி

மூலிகை தேநீர் + 2 பேரீச்சம்பழம் + வால்நட்ஸ்.

மாலை 7 மணி இரவு உணவு

தெளிவான காய்கறி சூப் + வேகவைத்த முளைகள் கொண்ட சாலட்.

குறிப்பு

உண்ணாவிரதத்தின் போது எலுமிச்சையுடன் வெதுவெதுப்பான நீரைக் குடித்து, பசியைக் குறைக்க வேண்டும்.

இந்த பதிவும் உதவலாம்: வெறும் 30 நாள்களில் தொப்பையைக் குறைக்கணுமா? இந்த டிப்ஸ் ஃபாலோ பண்ணுங்க.. மருத்துவர் விளக்கம்

Image Source: Freepik