வே புரோட்டீன் பற்றிய உங்களின் கேள்விகளுக்கு.. டாக்டர் பால் விளக்கம்..

இன்றைய இளைஞர்களிடையே வே புரோட்டீன் (Whey Protein) குறித்த ஆர்வம் அதிகரித்துக் கொண்டே வருகிறது. “அதை எடுக்க வேண்டுமா? எவ்வளவு எடுக்கலாம்? சிறுநீரகத்துக்கு பாதிப்பா?” போன்ற கேள்விகள் பலருக்கும் எழுகின்றன. இத்தகைய பொதுவான சந்தேகங்களுக்கு மருத்துவர் பால் மாணிக்கம் (Gastroenterologist) தனது விளக்கங்களை சமீபத்தில் பகிர்ந்துள்ளார்.

நமக்கு வே புரோட்டீன் தேவைதானா?

தொழில்நுட்ப ரீதியாக தேவையில்லை. முழுமையான புரோட்டீன் ஆதாரங்களை உணவிலிருந்தே பெறுவது மிகச் சிறந்தது. ஆனால், உணவின் மூலம் தினசரி தேவையை பூர்த்தி செய்ய முடியவில்லை என்றால், வே புரோட்டீனை பயன்படுத்தலாம் என மருத்துவர் பால் கூறுகிறார்.

எவ்வளவு புரோட்டீன் தேவை?

உடல் எடையைப் பொறுத்து புரோட்டீன் தேவை நிர்ணயிக்கப்படுகிறது. ஒரு கிலோ எடைக்கு – 1 கிராம் புரோட்டீன். உதாரணமாக, 70 கிலோ எடை உள்ளவர்களுக்கு 70 கிராம் புரோட்டீன் தேவைப்படும்.

சிறுநீரக பாதிப்பு ஏற்படுமா?

“ஆரோக்கியமான நபர்களுக்கு பாதிப்பு ஏற்படாது. ஆனால், சிறுநீரக நோயாளிகள் பயன்படுத்தும் போது மிகுந்த கவனம் தேவை. அவர்கள் மருத்துவரின் ஆலோசனையுடன் மட்டுமே எடுத்துக் கொள்ள வேண்டும்” என்று அவர் வலியுறுத்துகிறார்.

எப்போது எடுத்துக்கொள்வது சிறந்தது?

வே புரோட்டீனை எந்த நேரத்திலும் எடுத்துக் கொள்ளலாம். இருப்பினும், உடற்பயிற்சி முடிந்தவுடன் எடுத்துக் கொள்வது நல்லது. இது உடல் மீட்பு (Recovery) மற்றும் சத்துகள் உறிஞ்சுதல் (Absorption) வேகமாக நடக்க உதவும்.

இந்த பதிவும் உதவலாம்: Protien Rich Foods: கோழிக்கு நிகரான புரதம் நிறைந்த சைவ உணவுகளை தேடுகிறீர்களா?

எவ்வளவு அளவு எடுத்துக்கொள்ள வேண்டும்?

மருத்துவர் பரிந்துரைப்படி தொடக்கத்தில் அரை ஸ்கூப் போதுமானது. நேரடியாக முழு ஸ்கூப் எடுத்தால், சிலருக்கு வயிற்றுப் புணர்ச்சி (Bloating) ஏற்படலாம். அதனால், உடல் பழகும் வரை சிறிய அளவில் தொடங்குவது சிறந்தது.

பெண்கள் எடுத்துக்கொள்ளலாமா?

“மிகவும் அவசியம். பெண்களுக்கு புரோட்டீன் தேவை இன்னும் முக்கியமானது” என்கிறார் டாக்டர் பால். பெண்களும் தினசரி தேவையைப் பூர்த்தி செய்ய வே புரோட்டீனைப் பயன்படுத்தலாம்.

பக்கவிளைவுகள் உள்ளதா?

மிகவும் பொதுவாகக் காணப்படும் பக்கவிளைவு – மலச்சிக்கல்(Constipation). அதனால், போதுமான தண்ணீர் குடிப்பது அவசியம். நீண்டகாலமாக பயன்படுத்தியும், பல மருத்துவ ஆய்வுகள் வே புரோட்டீன் பாதுகாப்பானது என நிரூபித்துள்ளன.

View this post on Instagram

A post shared by Dr. Pal Manickam (@dr.pal.manickam)

டாக்டர் பால் பரிந்துரை

அமெரிக்காவில், அவர் Optimum Nutrition என்ற பிராண்டை பயன்படுத்துவதாக கூறுகிறார். ஆனால், இது விளம்பர நோக்கம் அல்ல என்றும், தனிப்பட்ட விருப்பம் மட்டுமே என்றும் தெளிவுபடுத்தியுள்ளார்.

வே புரோட்டீன் vs சிக்கன் / டோஃபு

“வீட்டில் சமைத்த சிக்கன் அல்லது டோஃபு தான் சிறந்த புரோட்டீன் ஆதாரம். வே புரோட்டீன் அதற்குப் பின்பு வரும். எனவே, வீட்டிலேயே சமைத்து சாப்பிடுங்கள்” என அவர் பரிந்துரைக்கிறார்.

இறுதியாக..

வே புரோட்டீன் அனைவருக்கும் கட்டாயமல்ல. ஆனால், புரோட்டீன் தேவையை உணவின் மூலம் பூர்த்தி செய்ய முடியாதவர்களுக்கு, பாதுகாப்பான அளவில் பயன்படுத்தலாம். சிறுநீரகப் பிரச்சினைகள் இல்லாதவர்களுக்கு, மருத்துவர் மேற்பார்வையுடன் எடுத்துக்கொள்வது பாதுகாப்பானதாகும்.

Disclaimer: இந்தக் கட்டுரை பொதுவான விழிப்புணர்வுக்காக மட்டுமே. இது மருத்துவ ஆலோசனை அல்ல. வே புரோட்டீன் உள்ளிட்ட சப்ளிமெண்ட்களைத் தொடங்குவதற்கு முன், நிபுணர் மருத்துவரின் ஆலோசனையைப் பெறுவது அவசியம்.