கண்ணாடி போன்ற ஸ்கின் வேணுமா? கிரீம்லாம் வேணாம்.. கொலாஜன் நிறைந்த ட்ரிங்க் குடிங்க போதும்

இன்றைய நவீன காலத்தில் மோசமான வாழ்க்கை முறை, உணவு முறை மற்றும் உடல் செயல்பாடுகள் இல்லாதது போன்றவை பல பிரச்சனைகளுக்கு வழிவகுக்கிறது. இதில் சருமம் தொடர்பான பல்வேறு பிரச்சனைகளும் அடங்குகிறது. போதிய ஊட்டச்சத்து இல்லாமை மற்றும் இன்னும் பிற காரணங்களால் சருமத்தில் எரிச்சல், அரிப்பு, கரும்புள்ளிகள், வறண்ட சருமம் மற்றும் இன்னும் பல்வேறு பிரச்சனைகள் ஏற்படுகிறது. இந்நிலையில், இது போன்ற பிரச்சனைகளிலிருந்து விடுபட பியூட்டி பார்லர் செய்வது, சருமத்திற்கு வெளிப்பூச்சாக பல்வேறு சரும பராமரிப்புப் பொருள்களைப் பயன்படுத்துவது போன்றவற்றைக் கையாள்கின்றனர்.

உண்மையில், இவை சருமத்திற்கு நன்மை தரும் என நினைக்கிறீர்களா? ஆனால், உண்மையில் சருமத்தைப் பொலிவாக்குவதுதல் என்பது சருமத்திற்கு வெளிப்பூச்சாக மட்டுமல்லாமல், உடலின் உள்ளே இருந்து தொடங்குகிறது என்பதை பலரும் மறந்து விடுகின்றனர். கடைகளில் விற்பனை செய்யப்படும் அழகு பராமரிப்புப் பொருள்களைப் பயன்படுத்துவது தற்காலிகமான தீர்வைத் தந்தாலும், அதன் நீண்ட கால பயன்பாடு சில பக்கவிளைவுகளை ஏற்படுத்தக்கூடியதாக இருக்கலாம். இதற்கு மாற்றாக, சில இயற்கை வைத்தியங்களைக் கையாள்வது நீடித்த நன்மைகளை அளிக்கும்.

இந்த பதிவும் உதவலாம்: மணப்பெண் போல ஜொலிக்கணுமா? 21 நாள் தொடர்ந்து இந்த ஜூஸ் குடிங்க. நிபுணர் தரும் சூப்பர் டிப்ஸ்

சருமத்தைப் பொலிவாக்க கொலாஜன்

கொலாஜன் என்பது உடலில் உள்ள மிக முக்கிய புரதமாகும். இது உடலின் பல்வேறு செயல்பாடுகளுக்கு முக்கிய பங்கு வகிக்கிறது. குறிப்பாக, இவை சருமத்திற்குக் கூடுதல் நன்மைகளைத் தருகிறது. இது சருமத்தின் நெகிழ்ச்சித்தன்மை, நீரேற்றம் மற்றும் உறுதித்தன்மைக்கு பங்களிக்கிறது. பொதுவாக, வயதாகும் போது கொலாஜன் உற்பத்தி குறைந்து, சுருக்கங்கள், தொய்வு மற்றும் வறட்சிக்கு வழிவகுக்கிறது.

எனினும் அன்றாட உணவில் கொலாஜன் நிறைந்த உணவுகள், பானங்களைச் சேர்ப்பதன் மூலம் சருமத்தைப் பொலிவாக்கலாம். இதில் சருமத்தைப் பொலிவாக்க உதவும் கொலாஜன் நிறைந்த பானம் குறித்து ஊட்டச்சத்து நிபுணர் சர்தக் குக்ரேஜா அவர்கள் தனது இன்ஸ்டாகிராம் பக்கத்தில் குறிப்பிட்டுள்ளார். அதைப் பற்றி இங்குக் காண்போம்.

நிபுணர் கருத்து

ஊட்டச்சத்து நிபுணர் சர்தக் குக்ரேஜா தனது பதிவில், “கொலாஜன் பளபளப்பு கண்ணாடி: பளபளப்பான சருமத்திற்கான ரகசியம்” என்று கூறி ஆரம்பித்தார்.

அதில் அவர், “நான் இந்த க்யூப்களை, இளமைக்கான க்யூப்கள் என்று அழைக்கிறேன். இது ஒரு கிளாஸ் ஒயின் அல்ல. இந்த கிளாஸை நீங்கள் கொலாஜன் பளபளப்பு கண்ணாடி என்று அழைக்கலாம். ஏனெனில் இந்த கிளாஸ் உங்கள் சருமத்தை வெளிப்புறத்திலிருந்து குணப்படுத்தும் எந்த தோல் பராமரிப்பு பொருட்களையும் விட உள்ளே இருந்து பளபளப்பாக மாற்றும். ஏனெனில் இந்த க்யூப்கள் உங்களை உள்ளே இருந்து பளபளப்பாக மாற்றும். இதை தினமும் குடிப்பதால் உங்கள் உடல் கொலாஜன் உற்பத்தியை வெகுவாக அதிகரிக்கும்” என்று கூறினார்.

மேலும் அவர்,”அதன் பிறகு, உங்கள் இரத்த ஓட்டம் மேம்படும். உங்களுக்கு நிறைய ஆக்ஸிஜனேற்றிகள், நிறைய வைட்டமின் சி மற்றும் அழகான பொருட்கள் கிடைக்கும். இதன் காரணமாக உங்கள் சருமம் உள்ளே இருந்து பளபளப்பாக இருக்கும். இப்போது, நான் எப்போதும் ஆரோக்கியம் ஒரு சுலபமாக உணர வேண்டும் என்று கூறுவேன். எனவே, இந்த க்யூப்பை உருவாக்க நாங்கள் ஒரு முறை மட்டுமே கடினமாக உழைப்போம். அடுத்த 10 முதல் 12 நாட்களுக்கு அதை சேமித்து வைக்கலாம்” என்று கூறினார்.

இந்த பதிவும் உதவலாம்: பளபளப்பான சருமத்தைப் பெற விரும்பினால்.. இந்த பானங்களை வெறும் வயிற்றில் குடிக்கவும்..

கொலாஜன் நிறைந்த கியூப் ரெசிபி செய்முறை

அதனைத் தொடர்ந்து, ஊட்டச்சத்து நிபுணர் கொலாஜன் நிறைந்த கியூப் ரெசிபியைப் பகிர்ந்துள்ளார். அதைப் பற்றி காண்போம். அவர் தோராயமாக 8–10 பெரிய க்யூப்கள் தயாரிப்பதற்கான செய்முறையை விளக்கியுள்ளார்.

தேவையானவை

• பீட்ரூட் பவுடர் - 2 டேபிள் ஸ்பூன்
• வெள்ளரிக்காய் (தோலுடன்) - 80 கிராம்
• கொத்தமல்லி - 15 கிராம்
• கற்றாழை ஜெல்/சாறு - 20 கிராம்
• ஊறவைத்த சியா விதைகள் - 10 கிராம்
• எலுமிச்சை சாறு - 10 மில்லி
• தண்ணீர் - 100 மில்லி

View this post on Instagram

A post shared by NOURISHÉ by Sarthak Kukreja (@sarthak.nutrition)

செய்முறை

• இவை அனைத்தையும் கலந்து, ஐஸ் ட்ரேயில் ஊற்றி, உறைய வைக்க வேண்டும்.
• பின்னர், தினமும் 1 க்யூப் எடுத்து, அதை ஒரு கிளாஸ் குளிர்ந்த அல்லது வெதுவெதுப்பான நீரில் சேர்த்து பயன்படுத்தலாம்.

உட்கொள்ள சிறந்த நேரம்

விருப்பம் 1: வெற்று வயிற்றில் எடுத்துக் கொள்வது சருமத்தைப் பளபளப்பாக்கவும், உடலை நச்சு நீக்கவும் சிறந்ததாகும்.

விருப்பம் 2: மதிய நேரத்தில் அருந்துவது உடலுக்குப் புத்துணர்ச்சியையும், நீரேற்றத்தையும் தருவதுடன் ஆற்றல் ஊக்கத்திற்கும் சிறந்ததாகும்.

விருப்பம் 3: மாலை நேரத்தில் இந்த பானம் அருந்துவது உடலுக்குக் குளிர்ச்சியைத் தரவும், வீக்கத்தைக் கட்டுப்படுத்தவும் உதவுகிறது.

மேலும், ஒவ்வாமை இருந்தால் அல்லது செயலில் உள்ள IBS வெடிப்பின் போது இதைத் தவிர்க்க நிபுணர் அறிவுறுத்துகிறார்.

பொறுப்புத்துறப்பு

இதில் வழங்கப்பட்ட தகவல்கள் பொதுவான தகவல் நோக்கங்களுக்காக மட்டுமே. எனினும், தனிப்பட்ட தகவல்களைப் பெற விரும்புபவர்கள் அல்லது புதிய முயற்சிகளைக் கையாள விரும்புபவர்கள் எப்போதும் தகுதிவாய்ந்த நிபுணரை அணுகுவது நல்லது.

இந்த பதிவும் உதவலாம்: Collagen Boosting Foods: 40 வயதிலும் 20 போல் தெரியனுமா.? கொலாஜன் முக்கியம் பிகிலு.! இந்த கொலாஜன் நிறைந்த உணவை எடுத்துக்கோங்க..

Image Source: Freepik