ஒரே ஒரு மாடி ஏறும் போது மூச்சுத்திணறலா? அதற்கான காரணங்களும், தடுக்க உதவும் குறிப்புகளும்.. நிபுணர் தரும் விளக்கம்

நம் அன்றாட வாழ்வில் நாம் பலதரப்பட்ட உடல்நலப் பிரச்சனைகளைச் சந்திக்கிறோம். அதிலும் குறிப்பாக, அன்றாட செயல்முறைகளான நடைபயிற்சி செய்வது, ஓடுவது மற்றும் படிகளில் ஏறுவது உள்ளிட்டவற்றில் கூட சிரமங்களைச் சந்திப்பர். இந்த சாதாரண செயல்பாடுகளிலும் கூட நாம் சந்திக்கும் உடல்நலப் பிரச்சனைகளுக்குப் பின்னால் பல்வேறு காரணங்கள் இருக்கலாம். பொதுவாக, பலரும் இதற்கு முக்கிய காரணமாக இருப்பது உடல் எடை அதிகரிப்பு என்றே நினைப்பர். ஆனால், உடலில் ஏற்படும் மற்ற சில அறிகுறிகளும், மூச்சுத்திணறலுக்குக் காரணமாக இருக்கும் என்பது உங்களுக்குத் தெரியுமா?

இதில் மாடி ஏறும் போது மூச்சுத்திணறல் ஏற்படுவதற்கு என்னென்ன காரணங்கள் உள்ளன மற்றும் அதை தவிர்க்க உதவும் குறிப்புகள் போன்றவற்றைக் குறித்து தாய் மற்றும் சேய் ஊட்டச்சத்து நிபுணராக விளங்கும் ராமிடகவுர் தனது இன்ஸ்டாகிராம் பக்கத்தில் குறிப்பிட்டுள்ளார். அதைப் பற்றி இங்குக் காண்போம்.

நிபுணரின் கருத்து

நிபுணர் தனது பதிவில், “ஒரு மாடி ஏறினால் மூச்சுத் திணறல் ஏற்படுமா? இது எடையைப் பற்றியது மட்டுமல்ல, உங்கள் உள் ஆரோக்கியத்தைப் பற்றியது” என்று கூறி தனது பதிவைத் தொடங்கியுள்ளார். அதனைத் தொடர்ந்து, இதற்கு வழிவகுக்கும் 5 மறைக்கப்பட்ட மூல காரணங்களையும், அதற்கான எளிய மற்றும் அற்புத தீர்வுகள் குறித்தும் பகிர்ந்துள்ளார்.

இந்த பதிவும் உதவலாம்: Climbing Stairs: படிகட்டு ஏறுவதில் உடல் எடையைக் குறைக்கலாமா? நிபுணர் தரும் விளக்கம்

மாடிப்படி ஏறும் போது மூச்சு வாங்குவதற்கான காரணங்கள்

பலவீனமான நுரையீரல் அல்லது ஆழமற்ற சுவாசம்

ஆழமான சுவாசத்திற்கு நல்ல அளவிலான ஆக்ஸிஜன் தேவைப்படுகிறது. இந்நிலையில், தசைகளுக்கு போதுமான ஆக்ஸிஜன் வழங்க உடல் போராடுவதால் மூச்சுத்திணறல் ஏற்படுகிறது. எனவே தான், பலவீனமான நுரையீரல் அல்லது ஆழமற்ற சுவாசம் கொண்டிருக்கும் நபர்களுக்கு மாடிப்படி ஏறும் போது மூச்சுத்திணறல் ஏற்படும்.

குறைந்த ஹீமோகுளோபின் அல்லது இரும்புச்சத்து குறைபாடு

குறைந்தளவு ஹீமோகுளோபின் காரணமாக, மாடிப்படி ஏறும் போது மூச்சு வாங்கக்கூடும். ஏனெனில், உடலில் போதுமான ஆக்ஸிஜன் இல்லாததால் தசைகளுக்குத் தேவையான ஆக்ஸிஜனை வழங்குவதில் உடல் போராடுகிறது. இரத்த சிவப்பணுக்களில் உள்ள இந்த ஆக்ஸிஜனை எடுத்துச் செல்லும் ஒரு புரதத்தின் அளவைக் குறைப்பதே குறைந்த ஹீமோகுளோபின் ஆகும். இது தேவையான ஆக்ஸிஜனை ஈடுகட்ட முடியாததால் மூச்சுத்திணறலுக்கு வழிவகுக்கலாம்.

ஊட்டச்சத்து குறைபாடுகள் (குறிப்பாக பி12, வைட்டமின் டி)

வைட்டமின் பி12 போன்ற சில வைட்டமின்கள் சிவப்பு இரத்த அணுக்கள் உற்பத்திக்கும், நரம்பு மண்டலத்திற்கும் முக்கியமாகும். இதன் குறைபாட்டின் காரணமாக, இரத்த சோகை மற்றும் நரம்பு மண்டல பாதிப்பு ஏற்பட்டு மூச்சுத்திணறல் ஏற்படலாம்.

நச்சுப் பெருக்கம் மற்றும் மோசமான சகிப்புத்தன்மை

மோசமான சகிப்புத்தன்மை என்பது ஆக்ஸிஜன் போதுமான அளவு கிடைக்கப் பெறாததையும், நச்சுப் பெருக்கம் என்பது ஆஸ்துமா போன்ற நுரையீரல் நோய்கள், அலர்ஜி, மற்றும் இரத்த உறைவு போன்ற மருத்துவ நிலைகளின் அறிகுறிகளையும் குறிப்பதாகும். இதன் காரணமாக, மாடிப்படி ஏறும் போது மூச்சு வாங்கக்கூடும்.

இந்த பதிவும் உதவலாம்: இப்படி செய்யுங்க! எப்பேற்பட்ட தொப்பையும் காணாம போய்டும்

ஹார்மோன் சமநிலையின்மை

ஹார்மோன் சமநிலையின்மை காரணமாக வளர்சிதை மாற்றம் மெதுவாக்கப்பட்டு, சாதாரண செயல்பாடுகளைக் கூட கடின நிலைக்கு மாற்றலாம். அவ்வாறே, இவை மாடிப்படி ஏறும் போது மூச்சுத்திணறலுக்கு வழிவகுக்கின்றன.

View this post on Instagram

A post shared by dt.ramitakaur | Maternal And Child Nutritionist | (@dt.ramitakaur)

தீர்வுகள்

நிபுணர் சில எளிதான மற்றும் அற்புதமான தீர்வுகள் குறித்து பகிர்ந்துள்ளார்.

- பீட்ரூட் மற்றும் நெல்லிக்காய் சாறுடன் நாளைத் தொடங்க வேண்டும் - இவை ஹீமோகுளோபினை இயற்கையாகவே அதிகரிக்க உதவுகின்றன.

- அனுலோம் விலோம் & பிரமாரி 5 நிமிடங்கள் பயிற்சி செய்வது நுரையீரல் திறனை விரிவுபடுத்துகிறது.

- கறிவேப்பிலை + கருப்பு திராட்சை (ஊறவைத்தது) சேர்த்துக் கொள்ளலாம். இவை சோர்வு மற்றும் குறைந்த இரும்புச்சத்தை எதிர்த்துப் போராட உதவுகிறது.

- "படிக்கட்டு இடைவெளிகளை" செய்ய வேண்டும். அதாவது, மெதுவாக 1 மாடி ஏறவும், ஓய்வெடுக்கவும், இவ்வாறு தினமும் 2-3 முறை செய்யலாம்.

- உணவில் தினை + நெய் சேர்த்துக் கொள்ள வேண்டும். இவை உடலில் ஆற்றலை ஆதரிக்கவும், சகிப்புத்தன்மையை மேம்படுத்தவும் உதவுகிறது.

குறிப்பு: உணவைத் தவிர்ப்பதைத் தவிர்க்க வேண்டும். ஏனெனில், இது உங்கள் ஆற்றல் அளவை வெகுவாகக் குறைக்கிறது.

"உங்கள் உடல் பலவீனமாக இல்லை - இது ஊட்டச்சத்து குறைபாடுடையது" என்று தனது பதிவில் விளக்கியுள்ளார்.

பொறுப்புத்துறப்பு

இதில் வழங்கப்பட்ட தகவல்கள் பொதுவான தகவல் நோக்கங்களுக்காக மட்டுமே. எனினும், தனிப்பட்ட தகவல்களைப் பெற விரும்புபவர்கள் அல்லது புதிய முயற்சிகளைக் கையாள விரும்புபவர்கள் எப்போதும் தகுதிவாய்ந்த நிபுணரை அணுகுவது நல்லது.

இந்த பதிவும் உதவலாம்: லிஃப்டுக்கு பதிலா படிகட்டு யூஸ் பண்ணுங்க.. உடம்புக்கு அவ்வளோ நல்லது.!

Image Source: Freepik