பல பிரச்சனைகளுக்கு ஒரே தீர்வு.. சர்க்கரை வள்ளிக்கிழங்கு ஒன்னு போதும்!

அன்றாட உணவில் ஆரோக்கியமான ஊட்டச்சத்துக்கள் நிறைந்த காய்கறிகள், பழங்கள், நட்ஸ் மற்றும் விதைகள் போன்றவற்றை எடுத்துக் கொள்வது அவசியமாகிறது. இந்த வரிசையில் சர்க்கரை வள்ளிக்கிழங்கு மிகவும் முக்கிய பங்கு வகிக்கிறது. இது மாவுச்சத்து நிறைந்த இனிப்பு சுவை கொண்ட வேர் காய்கறியாகக் கருதப்படுகிறது. பொதுவாக, குளிர்காலத்தில் இது சந்தையில் அதிகம் விற்பனை செய்யப்படுகிறது. எனினும், மக்கள் வழக்கமாக சர்க்கரைவள்ளிக்கிழங்கை தங்கள் அன்றாட உணவில் சேர்த்துக்கொள்வதில்லை.

எனினும், சர்க்கரைவள்ளிக்கிழங்கின் நன்மைகளைத் தெரிந்துகொண்ட பிறகு அதை உட்கொள்வது உடலுக்கு மிகுந்த நன்மை பயக்கும். ஏனெனில், இது பல நோய்களிலிருந்து பாதுகாக்கக்கூடிய ஆற்றலைக் கொண்டுள்ளன. சர்க்கரை வள்ளிக்கிழங்கில் வைட்டமின் ஏ, சி, பி6, பொட்டாசியம், இரும்புச்சத்து, செலினியம், கால்சியம், ஆக்ஸிஜனேற்றம், பீட்டா கரோட்டீன் போன்ற பல்வேறு ஊட்டச்சத்துகள் நிறைந்துள்ளன. இத்தகைய ஊட்டச்சத்துக்கள் நிறைந்த சர்க்கரைவள்ளிக்கிழங்கை சாப்பிடுவதால் கிடைக்கும் நன்மைகள் குறித்து உணவியல் நிபுணர் ஸ்வேதா ஜே பஞ்சல் அவர்கள் தனது இன்ஸ்டாகிராம் பக்கத்தில் குறிப்பிட்டுள்ளார். அதைப் பற்றி இங்குக் காண்போம்.

நிபுணரின் கருத்து

உணவியல் நிபுணர் ஸ்வேதா ஜே பஞ்சல் அவர்கள் தனது பதிவில் கூறியதாவது,”சர்க்கரைவள்ளிக் கிழங்கு (Shakarkandi): உங்கள் உடல் விரும்பும் தேசி சூப்பர்ஃபுட்” என்று ஆரம்பித்தார்.

மேலும் அவர் நீரிழிவு, மலச்சிக்கல் அல்லது அதிக கொழுப்பை நிர்வகித்தல் போன்ற பல்வேறு பிரச்சனைகளுக்கு இந்த எளிமையான உள்ளூர் காய்கறியை கவனிக்காமல் விடாதீர்கள் என்று அறிவுறுத்துகிறார்.

அவரின் கூற்றுப்படி, சர்க்கரைவள்ளிக் கிழங்கில் நார்ச்சத்து, ஆக்ஸிஜனேற்றிகள் மற்றும் மெதுவாக ஜீரணிக்கும் கார்போஹைட்ரேட்டுகள் போன்றவை நிறைந்து காணப்படுகிறது. இவை நிலையான இரத்த சர்க்கரை மற்றும் குடல் ஆரோக்கியத்தை ஆதரிப்பதில் முக்கிய பங்கு வகிக்கின்றன.

how-to-buy-good-sweet-potatoes-(3)-1735290917768.jpg

சர்க்கரைவள்ளிக் கிழங்கு சாப்பிடுவதால் கிடைக்கும் நன்மைகள்

அன்றாட உணவில் சர்க்கரைவள்ளிக் கிழங்கு இடம் பெறத் தகுதியானது ஏன் என்பதற்கான சில காரணங்களை நிபுணர் ஸ்வேதா அவர்கள் பகிர்ந்துள்ளார். அதன் படி,

மலச்சிக்கல் குணமாக

நிபுணரின் கூற்றுப்படி, சர்க்கரைவள்ளிக் கிழங்கு மலச்சிக்கல் பிரச்சனையை நீக்க உதவுகிறது. இதில் உள்ள அதிகளவிலான நார்ச்சத்துக்கள் நல்ல குடல் பாக்டீரியாவை ஊட்டுகிறது. மேலும் இது குடல் இயக்கத்தை மேம்படுத்துகிறது.

இந்த பதிவும் உதவலாம்: சர்க்கரைவள்ளிக்கிழங்கு சாப்பிடும் போது இந்த 5 தவறுகளை மட்டும் மறந்தும் செய்யாதீங்க.. அப்றம் பிரச்சனை உங்களுக்குத் தான்

கொழுப்பைக் கட்டுப்படுத்த

சர்க்கரை வள்ளிக் கிழங்கில் கரையக்கூடிய நார்ச்சத்துக்கள் நிறைந்து காணப்படுகிறது. இவை LDL என்ற கெட்ட கொழுப்பை உடலிலிருந்து குறைக்க உதவுகிறது. இதன் மூலம் உடல் எடையை விரைவில் கட்டுப்படுத்தலாம்.

நிலையான ஆற்றலுக்கு

சர்க்கரை வள்ளிக் கிழங்கை உட்கொள்வது, சுத்திகரிக்கப்பட்ட கார்போஹைட்ரேட்டுகள் இல்லாமல் உங்களை நீண்ட நேரம் முழுதாக வைத்திருக்கிறது. இது பசியின்மைக் கட்டுப்படுத்துவதுடன், நிலையான ஆற்றலுக்கு வழிவகுக்கிறது.

குடல் மற்றும் நோய் எதிர்ப்பு சக்தி அதிகரிப்பு

குடல் ஆரோக்கியத்தை மேம்படுத்தவும், நோய் எதிர்ப்பு சக்தியை அதிகரிக்கவும் உதவும் பீட்டா கரோட்டின் மற்றும் ஆக்ஸிஜனேற்றிகள் போன்றவற்றை சர்க்கரை வள்ளிக் கிழங்கு கொண்டுள்ளது.

நீரிழிவுக்கு ஏற்றது

சர்க்கரை வள்ளிக் கிழங்கை சரியான முறையில் உட்கொள்வது அதன் குறைந்த–மிதமான கிளைசெமிக் சுமை காரணமாக உடலில் சர்க்கரை அதிகரிப்பைத் தடுக்க உதவுகிறது.

இதனைத் தொடர்ந்து, நிபுணர் உள்ளூர் மற்றும் பருவகால உணவுகள் ஏன் சாப்பிட வேண்டும் என்பதற்கான காரணங்களைப் பகிர்ந்துள்ளார்.

உள்ளூர், பருவகால உணவுகளின் நன்மைகள்

• இது புத்துணர்ச்சியூட்டும் & அதிக ஊட்டச்சத்து அடர்த்தியானது
• நமது குடலுக்கு ஜீரணிக்க எளிதானது
• இவை இயற்கையாகவே நமது காலநிலைக்கு ஏற்ப சீரமைக்கப்படுகிறது
• சர்க்கரை வள்ளிக் கிழங்கு மிகவும் மலிவு மற்றும் நிலையானது

how-to-prevent-type-2-diabetes-in-young-age-main-1763110479226.jpg

View this post on Instagram

A post shared by Dietitian Shweta J Panchal | The Diet Therapy (@dt.shwetashahpanchal)

மேலும் நிபுணர், நமது உடல்கள் நாட்டுப்புற, பருவகால உணவுகளுக்கு ஏற்றவாறு மாறுகின்றன - இறக்குமதி செய்யப்பட்ட "சூப்பர்ஃபுட்ஸ்" அல்ல என்று குறிப்பிடுகிறார்.

சர்க்கரைவள்ளிக் கிழங்கை எப்படி சாப்பிடுவது

• வேகவைத்த, வறுத்த சர்க்கரை வள்ளிக் கிழங்கு சாப்பிடலாம்
• சிறந்த இரத்த சர்க்கரை கட்டுப்பாட்டிற்கு புரதம் மற்றும் கொழுப்புடன் இணைக்கலாம்
• பகலில் சிறப்பாக உட்கொள்வது நன்மை பயக்கும்.

இறுதியாக நிபுணர், உண்மையான ஆரோக்கியம் என்பது ஆடம்பரமான உணவுகளைப் பற்றியது அல்ல - இது புத்திசாலித்தனமான, உள்ளூர் மற்றும் பருவகால உணவை சாப்பிடுவது பற்றியது. மேலும் நடைமுறை இந்திய ஊட்டச்சத்து குறிப்புகளைப் பின்பற்றவும் என அறிவுறுத்துகிறார்.

பொறுப்புத்துறப்பு

இதில் வழங்கப்பட்ட தகவல்கள் பொதுவான தகவல் நோக்கங்களுக்காக மட்டுமே. எனினும், தனிப்பட்ட தகவல்களைப் பெற விரும்புபவர்கள் அல்லது புதிய முயற்சிகளைக் கையாள விரும்புபவர்கள் எப்போதும் தகுதிவாய்ந்த நிபுணரை அணுகுவது நல்லது.

இந்த பதிவும் உதவலாம்: உடலுக்கு நன்மை தரும் சக்கரவள்ளி கிழங்கு.! கிடைத்தால் விட்ராதீங்க..

Image Source: Freepik