முழுமையாக குணமாகாது.. ஆனா கட்டுப்படுத்தலாம்.! Endometriosis சிகிச்சை குறித்து டாக்டர் ராஜேஸ்வரி ரெடி சொன்னது என்ன தெரியுமா?

பெண்களிடையே பெருமளவில் காணப்படும் எண்டோமெட்ரியோசிஸ் (Endometriosis) என்பது கருப்பையில் உள்ள திசுக்கள் (Endometrial tissue) வெளிப்புற பகுதிகளில் வளர்வதாலே ஏற்படும் வலி மற்றும் சிக்கலான நோயாகும். இதற்கு இன்னும் நிரந்தர குணம் கிடைக்கவில்லை, ஆனால் நவீன மருத்துவத்தின் உதவியுடன் அதை கட்டுப்படுத்தவும், வலி குறைக்கவும் முடியும் என மகப்பேறு நிபுணர் டாக்டர் ராஜேஸ்வரி ரெட்டி தெரிவித்துள்ளார்.

எண்டோமெட்ரியோசிஸ் என்றால் என்ன?

கருப்பையின் உள்திசு மாதம் தோறும் வளர்ந்து பின்னர் மாதவிடாய் காலத்தில் வெளியேறும். ஆனால், இந்த திசு கருப்பை வெளியே வளர்ந்தால் அது வலி, வீக்கம், வயிற்று புண், கருத்தரிக்காமை போன்ற பிரச்சனைகளை ஏற்படுத்தும். இதுவே எண்டோமெட்ரியோசிஸ் என்று அழைக்கப்படுகிறது.

இந்த பதிவும் உதவலாம்: எண்டோமெட்ரியோசிஸ் அசௌகரியத்தைக் குறைக்கும் அலர்ஜி எதிர்ப்பு உணவுகள் இங்கே..

சிகிச்சை முறைகள் – நோயின் நிலைமையைப் பொறுத்தது

டாக்டர் ராஜேஸ்வரி ரெட்டி கூறுகையில், “எண்டோமெட்ரியோசிஸ்க்கு நிரந்தர குணம் இல்லை என்றாலும், வலி மற்றும் பாதிப்புகளை சிகிச்சை மூலம் குறைக்கலாம். ஒவ்வொரு நோயாளிக்கும் தனிப்பட்ட சிகிச்சை திட்டம் தேவைப்படுகிறது” என்றார்.

வலி நிவாரண மருந்துகள் (NSAIDs)

மாதவிடாய் வலி மற்றும் எண்டோமெட்ரியோசிஸ் சார்ந்த தசை வலிகளை குறைக்க நான்-ஸ்டீராய்டல் ஆன்டி இன்ஃப்ளமேட்டரி மருந்துகள் (NSAIDs) வழங்கப்படுகின்றன.

ஹார்மோன் சிகிச்சை (Hormonal Therapy)

பெண்களின் ஹார்மோன் சமநிலையை சரி செய்ய ஹார்மோனல் மாத்திரைகள், IUDs (மிரேனா போன்றவை) அல்லது இன்ஜெக்ஷன்கள் மூலம் சிகிச்சை அளிக்கப்படுகிறது. இது திசு வளர்ச்சியை கட்டுப்படுத்தி வலியை குறைக்கும்.

லேபரோஸ்கோப்பிக் அறுவை சிகிச்சை (Laparoscopic Surgery)

வலி மிகுந்த நிலைமையில் அல்லது மருந்துகள் பலனளிக்காத போது, லேபரோஸ்கோப்பி மூலம் வெளிப்புற திசுக்களை அகற்றும் அறுவை சிகிச்சை மேற்கொள்ளப்படுகிறது.

கருத்தரிக்க சிகிச்சை (Fertility Treatment)

கருத்தரிக்க முடியாத பெண்களுக்கு, IVF (In Vitro Fertilization), சில மருந்து சிகிச்சைகள், அல்லது சிறு அறுவை சிகிச்சைகள் மூலம் கருத்தரிக்க உதவப்படுகிறது.

View this post on Instagram

A post shared by DrRajeshwari Reddy (@dr.rajeshwarireddy_gynaec)

ஒவ்வொருவருக்கும் தனி சிகிச்சை திட்டம்

டாக்டர் ராஜேஸ்வரி ரெட்டி கூறுகையில், “எண்டோமெட்ரியோசிஸ் சிகிச்சை ஒரே மாதிரி இருக்காது. நோயாளியின் வயது, உடல்நிலை, கருத்தரிப்பு விருப்பம் ஆகியவற்றை கருத்தில் கொண்டு தான் சிகிச்சை திட்டம் அமைக்கப்பட வேண்டும்” என்றார்.

ஆரம்ப கட்ட கண்டறிதல் மிக முக்கியம்

எண்டோமெட்ரியோசிஸ் நோயை ஆரம்ப கட்டத்திலேயே கண்டறிந்தால், வலி இல்லாத வாழ்க்கை வாழ முடியும் என அவர் வலியுறுத்துகிறார். பெண்கள் தங்களின் மாதவிடாய் வலி அல்லது நீண்டகால வயிற்று வலியை பொதுவாகக் கருதாமல் மருத்துவரிடம் ஆலோசனை பெறுவது அவசியம்.

இறுதியாக..

எண்டோமெட்ரியோசிஸ் ஒரு சவாலான ஆனால் நிர்வகிக்கக்கூடிய நோயாகும். சரியான சிகிச்சை, மருத்துவரின் ஆலோசனை மற்றும் மனநிலை சமநிலை மூலம் இதன் தாக்கத்தைக் கட்டுப்படுத்த முடியும். ஒவ்வொரு பெண்மணியும் தங்கள் உடல் மாற்றங்களை கவனித்து, அவை வலியாக நீடித்தால் உடனே நிபுணரை அணுகுவது மிக முக்கியம்.

Disclaimer: இந்தக் கட்டுரை பொதுத் தளத்தில் கிடைக்கும் தகவல்களையும், நிபுணர்களின் கருத்துகளையும் அடிப்படையாகக் கொண்டு எழுதப்பட்டுள்ளது. இங்கு வழங்கப்பட்ட தகவல் மருத்துவ ஆலோசனையாகக் கருதப்படக் கூடாது. இதனைப் பயன்படுத்தும் முன் உங்கள் மகப்பேறு நிபுணரை (Gynecologist) அணுகுவது அவசியம்.