வரகு அரிசி எடையைக் குறைக்க உதவுமா? (Proso Millet For Weight Loss)
வரகு அரிசியில் கோதுமைய விட அதிகமா நார்ச்சத்து உள்ளது. இது செரிமானத்திற்கு உதவுகிறது மற்றும் கொலஸ்ட்ரால் அளவைக் குறைக்கிறது. அதுமட்டுமின்றி இதில் மாவுச்சத்து குறைவாக இருப்பதால் எடையைக் குறைக்க விரும்புவோருக்கு சரியான உணவு.
Weight Loss Breakfast
மேலும் இதில், லியூசின், ஐசோலூசின் மற்றும் மெத்தியோனைன் போன்ற அத்தியாவசிய அமினோ அமிலங்கள் உள்ளன.
வைட்டமின்கள் பி, ஈ மற்றும் மெக்னீசியம், பாஸ்பரஸ், இரும்பு, மாங்கனீஸ் மற்றும் பொட்டாசியம் போன்ற அத்தியாவசிய சத்துக்களும் நிறைந்தது. கூடுதல் போனஸாக குறைந்த கிளைசெமிக் இன்டெக்ஸ் இருப்பதால், வரகு அரிசி சர்க்கரை நோயாளிகளுக்கு வரப்பிரசாதம்.
கொள்ளு சாப்பிட்டால் எப்படி எடை குறையும்? (Horse Gram For Weight Loss)
கொள்ளு புரதத்தின் சிறந்த மூலமாகும், இது உங்கள் எடை இழப்பு முன்னேற்றத்திற்கு மிகவும் முக்கியமானது. அதிக புரத உணவுகள் வளர்சிதை மாற்றத்தை அதிகரிப்பதாக அறியப்படுவது மட்டுமல்லாமல், அவை பசியைக் கட்டுப்படுத்துகின்றன மற்றும் அதிக கலோரி உட்கொள்ளலைக் குறைக்கின்றன.
Weight Loss Breakfast
100 கிராம் கொள்ளில் 22 கிராம் புரதம் மற்றும் பிற ஊட்டச்சத்துக்கள் இருப்பதாக கூறப்படுகிறது.
மேலும் இதில் கலோரிகள் மிகக் குறைவாக உள்ளது. அதனால் தான் இது உங்கள் எடை இழப்பு உணவிற்கு ஒரு சிறந்த வரப்பிரசாதம் ஆகும். 100 கிராம் குதிரைவாலியில் 8 கிராம் நார்ச்சத்து உள்ளது. இது செரிமானத்தை சீராக்குவதோடு, பசியைக் கட்டுப்படுத்தவும் உதவுகிறது.
இவ்வளவு நன்மைகள் கொண்ட இந்த ரெண்டையும் வைத்து வரகு - கொள்ளு அடை செய்வது எப்படி என பார்க்கலாம். இதை உங்கள் காலை அல்லது இரவு நேர உணவில் சேர்த்து வந்தால் உடல் எடை குறைவதற்கு உதவியாக இருக்கும்.
வரகரசி - கொள்ளு அடை செய்ய தேவையான பொருட்கள்:
வரகரிசி - 100 கிராம்
கொள்ளு - 25 கிராம்
துவரம்பருப்பு, கடலைப்பருப்பு இரண்டும் சேர்ந்து - 50 கிராம்
காய்ந்த மிளகாய் - 8
சீரகம்- 1 ஸ்பூன்
பெருங்காயம் - தேவையான அளவு
ஓமம் - சிறிதளவு
தேங்காய் எண்ணெய் - தேவையான அளவு
துருவிய கேரட், முட்டை கோஸ், முருங்கைக் கீரை தளிர் - ஒரு சிறிய கப்
உப்பு - தேவையான அளவு.
Weight Loss Breakfast
செய்முறை:
- வரகரிசி மற்றும் கொள்ளுடன் காய்ந்த மிளகாய், சீரகம், உப்பு, பெருங்காயத் தூள், துவரம்பருப்பு, கடலைப்பருப்பு, ஓமம் என அனைத்தையும் சேர்த்து 5 மணி நேரம் ஊறவைக்கவும்.
- இந்த கலவையை நன்றாக அரைத்து, 2 மணி நேரம் புளிக்க வைக்கவும்.
- அதன்பின்னர் இந்த கலவையில் துருவிய கேரட், நறுக்கிய முட்டை கோஸ், முருங்கைக்கீரை தளிர் ஆகியவற்றைச் சேர்த்து சப்பாத்தி மாவை விட இலக்கமாக பிசைந்து கொள்ளவும்.
- தோசைக்கல்லை சூடாக்கி தேங்காய் எண்ணெய் விட்டு அடைகளாகச் சுட்டெடுக்கவும்.
Image Source: Freepik