கொழுப்பு கல்லீரலை தடுக்கும் உணவுகள்.. மருத்துவர் பரிந்துரை..

இன்றைய வேகமான வாழ்க்கைமுறையில் கல்லீரல் கொழுப்பு (Fatty Liver) பிரச்சனை அதிகரித்து வருகிறது. கல்லீரல் என்பது உடலின் முக்கியமான சுத்திகரிப்பு உறுப்பாகும். அதில் அதிகப்படியான கொழுப்பு தேங்கினால் செரிமானக் கோளாறுகள், சோர்வு, மற்றும் பல ஆரோக்கிய பிரச்சனைகள் உருவாகின்றன.

அமெரிக்காவைச் சேர்ந்த குடல்நோய் நிபுணர் டாக்டர் சௌரப் சேதி தனது இன்ஸ்டாகிராம் பக்கத்தில், கல்லீரல் ஆரோக்கியத்தைப் பாதுகாக்கவும், கொழுப்பை குறைக்கவும் உதவும் 10 இயற்கை உணவுகள் குறித்து பரிந்துரைத்துள்ளார்.

கொழுப்பு கல்லீரலை தடுக்கும் உணவுகள்

எக்ஸ்ட்ரா வர்ஜின் ஆலிவ் ஆயில் (Extra Virgin Olive Oil)

ஆலிவ் ஆயில் கல்லீரலில் தேங்கும் கொழுப்பை குறைக்க உதவுகிறது. இதில் உள்ள ஆண்டி-ஆக்சிடென்ட்கள் கல்லீரல் சுத்திகரிப்பு செயல்பாட்டை மேம்படுத்துகின்றன. தினமும் சிறிதளவு ஆலிவ் ஆயிலை உணவில் சேர்த்துக் கொள்வது சிறந்தது.

பெர்ரி (Berries)

புளிப்பு சுவை கொண்ட ப்ளூபெர்ரி, ஸ்ட்ராபெர்ரி, பிளாக்பெர்ரி போன்ற பேரிகனிகளில் உள்ள பாலிஃபெனால்கள் கல்லீரல் சேதத்தைத் தடுக்கின்றன. இவை கொழுப்பை எரிக்கவும் உதவுகின்றன.

அவகாடோ (Avocado)

அவகாடோவில் உள்ள ஹெல்தி பேட்கள் மற்றும் குளூட்டதையோன் என்ற பொருள் கல்லீரல் டிடாக்ஸ் செயல்பாட்டை ஊக்குவிக்கிறது. இது கல்லீரல் செல்களை புதுப்பிக்க உதவுகிறது.

வால்நட்ஸ் (Walnuts)

வால்நட்ஸ் ஓமேகா-3 கொழுப்பு அமிலங்களின் சிறந்த மூலமாகும். இது கல்லீரலில் தேங்கும் கொழுப்பை குறைத்து, இன்சுலின் எதிர்ப்பு செயல்பாட்டை சீராக்குகிறது.

கிரூசிபெரஸ் காய்கறிகள் (Cruciferous vegetables)

ப்ரோக்கோலி மற்றும் காலிஃப்ளவர் போன்ற காய்கறிகள் கல்லீரல் சுத்திகரிப்பு என்சைம்களை ஊக்குவிக்கின்றன. இவை டிடாக்ஸிபிகேஷனை மேம்படுத்தி, நச்சுகளை நீக்க உதவுகின்றன.

ஓட்ஸ் (Oats)

ஓட்ஸில் உள்ள பேட்டா-குளூக்கான் நார்ச்சத்து கல்லீரல் கொழுப்பை குறைத்து, எடையை கட்டுப்படுத்த உதவுகிறது. தினமும் ஓட்ஸ் பிரேக்‌பாஸ்ட் ஒரு ஆரோக்கியமான தேர்வாகும்.

கிரீன் டீ (Green Tea)

கிரீன் டீயில் உள்ள கேட்டசின் (Catechin) என்ற பொருள் கல்லீரல் செல்களை சுத்தப்படுத்தி, கொழுப்பு தேக்கம் குறைக்கிறது. தினமும் ஒரு கோப்பை பச்சை தேநீர் குடிப்பது நல்லது.

இந்த பதிவும் உதவலாம்: கல்லீரலை ஆரோக்கியமாக்கவும், உடலை நச்சு நீக்கவும் உதவும் 3 சிறந்த யுக்திகள்.. நிபுணர் விளக்கம்

காபி (Coffee)

அளவான அளவில் குடிக்கும் காபி கல்லீரல் புற்றுநோய் அபாயத்தை குறைத்து, கல்லீரல் நச்சுப் பொருட்களை வெளியேற்ற உதவுகிறது. ஆனால், அதில் சர்க்கரை சேர்க்காமல் குடிக்க வேண்டும்.

டோஃபு (Tofu)

சோயா புரதம் நிறைந்த டோஃபு கல்லீரல் கொழுப்பு சேமிப்பை குறைக்க உதவுகிறது. இது ஒரு சிறந்த சைவ புரத மூலப்பொருள் ஆகும்.

பூண்டு (Garlic)

பூண்டில் உள்ள அலிசின் (Allicin) என்ற இயற்கை பொருள் கல்லீரல் நச்சுகளை நீக்கி, கொழுப்பு சேமிப்பை குறைக்க உதவுகிறது. தினமும் சிறிதளவு பூண்டு உணவில் சேர்த்துக் கொள்வது பயனுள்ளதாகும்.

View this post on Instagram

A post shared by Saurabh Sethi MD MPH | Gastroenterologist (@doctor.sethi)

இறுதியாக..

கல்லீரல் ஆரோக்கியம் என்பது நம் உடல் நலத்தின் மையம். டாக்டர் சௌரப் சேதி கூறியபடி, ஆலிவ் ஆயில், அவகாடோ, பச்சை தேநீர், பூண்டு, வால்நட்ஸ் போன்ற உணவுகளை தினசரி உணவில் சேர்த்துக் கொள்வது கொழுப்பு கல்லீரல் பிரச்சனையைத் தடுக்கவும், டிடாக்ஸிபிகேஷனை மேம்படுத்தவும் உதவும். உணவு பழக்கத்தில் சிறிய மாற்றமே பெரிய ஆரோக்கிய மாற்றத்தை தரும்.

Disclaimer: இந்தக் கட்டுரை பொதுவான மருத்துவத் தகவல்களை அடிப்படையாகக் கொண்டு எழுதப்பட்டுள்ளது. இது மருத்துவ ஆலோசனை அல்ல. கல்லீரல் பிரச்சனை அல்லது பிற உடல்நலக்குறைவு இருந்தால், உங்கள் மருத்துவரை அணுகி ஆலோசனை பெறுவது அவசியம்.