இந்த ஊட்டச்சத்தை முற்றிலும் தவிர்க்கிறீர்களா? என்னென்ன பிரச்சனைகள் வரும்னு தெரிஞ்சிக்கோங்க

அன்றாட வாழ்வில் ஆரோக்கியமான ஊட்டச்சத்துக்களான வைட்டமின்கள், தாதுக்கள் நிறைந்த உணவுகள் அவசியமாகக் கருதப்படுகிறது. அதே சமயம், சில ஊட்டச்சத்துக்களைத் தவிர்ப்பதும் அவசியமானதாகும். இந்த வரிசையிலேயே கார்போஹைட்ரேட்டுகள், சர்க்கரை போன்றவை அடங்குகிறது. சிலர் உடலுக்கு ஆரோக்கியமற்றதாக இருக்க எண்ணி, கார்போஹைட்ரேட்டுகள் மற்றும் சர்க்கரையைத் தவிர்க்கின்றனர். ஆனால், இவை இரண்டுமே உடலுக்கு முக்கிய ஊட்டச்சத்துக்களாகக் கருதப்படுகிறது.

இந்நிலையில், இவை இரண்டையும் முற்றிலுமாகத் தவிர்ப்பது அவர்களின் ஒட்டுமொத்த ஆரோக்கியத்தையும் பாதிக்கக்கூடும். பொதுவாக, கார்போஹைட்ரேட்டுகள் முதன்மையாக உடலுக்கு ஆற்றலை வழங்குகிறது. இது உடலில் பல்வேறு வளர்ச்சிதை மாற்ற செயல்முறைகளுக்கு அவசியமானதாகக் கருதப்படுகிறது. இவை உடலின் செயல்பாடுகளைச் செய்யத் தேவையான ஆற்றலை வழங்குகிறது. குறிப்பாக, உடற்பயிற்சியின் போது குளுக்கோஸாக ஆற்றலை அளிக்கிறது.

இந்நிலையில், கார்போஹைட்ரேட்டுகளை முற்றிலுமாகத் தவிர்ப்பதால் என்னென்ன உடல்நலப் பிரச்சனைகள் ஏற்படக்கூடும் என்பது குறித்து ஊட்டச்சத்து நிபுணர் நமாமி அகர்வால் அவர்கள் தனது இன்ஸ்டாகிராம் பக்கத்தில் பகிர்ந்துள்ளார்.

இந்த பதிவும் உதவலாம்: வெய்ட்டு குறைய இந்த டயட்ட ஃபாளோ பண்ணிடாதீங்க..

கார்போஹைட்ரேட்டுகளைத் தவிர்ப்பதால் என்னென்ன விளைவுகள்

நிபுணரின் கூற்றுப்படி, “கார்போஹைட்ரேட்டுகள் வெறும் "சர்க்கரை" அல்லது "எடை அதிகரிக்கும் உணவுகள்" மட்டுமல்ல. அவை உங்கள் உடலின் முக்கிய எரிபொருளாகக் கருதப்படுகிறது. நீங்கள், அவற்றை மிகக் குறைவாகக் குறைக்கும்போது, என்ன நடக்கும் என்பது இங்கே.” என்று குறிப்பிட்டுள்ளார்.

கார்போஹைட்ரேட்டுகளைத் தவிர்ப்பது என்னென்ன உடல்நலப் பிரச்சனைகளை ஏற்படுத்தும் என்பது குறித்து காணலாம்.

குறைந்த ஆற்றல்

தசைகள் மற்றும் மூளை, கார்போஹைட்ரேட்டுகளிலிருந்து குளுக்கோஸை இயக்க வழிவகுக்கிறது. அது மட்டுமல்லாமல், அவர்கள் சோர்வாகவும், சோம்பலாகவும் உணரக்கூடும். குறைந்த கார்போஹைட்ரேட்டுகள் காரணமாக உடலில் இரத்த சர்க்கரை அளவு குறையக்கூடும். இதனால் ஆற்றல் உற்பத்தி குறைகிறது. இதன் காரணமாக, உடல் சோர்வை உணரக்கூடும்.

நார்ச்சத்து இழப்பு

பெரும்பாலான கார்போஹைட்ரேட்டுகள் நிறைந்த உணவுகள் அதிக நார்ச்சத்துக்கள் நிறைந்த உணவுகளாகும். இந்த வரிசையில் முழு தானியங்கள், பழங்கள் மற்றும் பருப்பு வகைகள் போன்ற உணவுகள் அடங்குகிறது. ஆனால், இவற்றைத் தவிர்ப்பது மோசமான செரிமானம் மற்றும் குடல் ஆரோக்கியத்திற்கு வழிவகுக்கக்கூடும். ஏனெனில், ஒட்டுமொத்த குடல் ஆரோக்கியத்திற்கு நார்ச்சத்துக்கள் முக்கியமானதாகக் கருதப்படுகிறது.

மூளை மூடுபனி

கார்போஹைட்ரேட்டுகள் குறைவாக இருக்கும் போது மன தெளிவு, கவனம் மற்றும் செறிவைக் குறைக்கிறது என்று குறிப்பிட்டுள்ளார். இது மூளை மூடுபனிக்கு வழிவகுக்கிறது. குறைந்த அளவிலான கார்போஹைட்ரேட்டுகள் மூளைக்கு ஆற்றல் கிடைப்பதைக் குறைக்கிறது. இவை இரத்த சர்க்கரை அளவில் ஏற்ற இறக்கங்களை ஏற்படுத்துகிறது.

குறிப்பாக, சுத்திகரிக்கப்பட்ட கார்போஹைட்ரேட்டுகளை உட்கொள்ளாதபோது, மூளையின் செயல்பாடு பாதிக்கப்படுகிறது. இதன் காரணமாகவே, மனக்குழப்பம், மறதி, கவனம் செலுத்துவதில் சிரமம் போன்ற மூளை மூடுபனி அறிகுறிகள் ஏற்படுகின்றன.

இந்த பதிவும் உதவலாம்: இந்த உணவுகள் உடலில் இருந்து அனைத்து கால்சியத்தையும் மெதுவாக உறிஞ்சிவிடும்..

சமநிலையற்ற அணுகுமுறை

“விரைவான திருத்தங்கள் நீடிக்காது. உண்மையான, நிலையான எடை இழப்பு சீரான உணவுகளிலிருந்து வருகிறது. தீவிரமான உணவுகளிலிருந்து அல்ல” என்பதை குறிப்பிட்டுள்ளார்.

View this post on Instagram

A post shared by Nmami - Dietitian|Nutritionist (@nmamiagarwal)

சிறந்த வழி

சரியான கார்போஹைட்ரேட்டுகளைத் தேர்வு செய்ய வேண்டும். முழு தானியங்கள், தினை, பழங்கள், காய்கறிகள் மற்றும் பருப்பு வகைகள் போன்ற உணவுகளைத் தேர்ந்தெடுக்கலாம். இவை உடலுக்கு நிலையான ஆற்றலை வழங்குகிறது. இவை செரிமானத்தை பராமரிக்கவும், ஒட்டுமொத்த ஆரோக்கியத்தை ஆதரிக்கவும் உதவுகின்றன.

மேலும் நிபுணர், “எடை இழப்பு என்பது கார்போஹைட்ரேட்டுகளை நீக்குவது பற்றியது அல்ல. சமநிலை, மிதமான தன்மை மற்றும் உடலை மூன்று மேக்ரோநியூட்ரியண்ட்களான கார்போஹைட்ரேட்டுகள், புரதங்கள் மற்றும் ஆரோக்கியமான கொழுப்புகளால் ஊட்டமளிப்பது பற்றியது” என்று குறிப்பிடுகிறார்.

எடை இழப்பு என்பது கார்போஹைட்ரேட்டுகள், புரதங்கள் மற்றும் ஆரோக்கியமான கொழுப்புகள் ஆகிய மூன்று மேக்ரோநியூட்ரியண்ட்களால் ஊட்டமளிப்பது பற்றியது என கூறுகிறார்.

பொறுப்புத்துறப்பு

இதில் வழங்கப்பட்ட தகவல்கள் பொதுவான தகவல் நோக்கங்களுக்காக மட்டுமே. எனினும், தனிப்பட்ட தகவல்களைப் பெற விரும்புபவர்கள் அல்லது புதிய முயற்சிகளைக் கையாள விரும்புபவர்கள் எப்போதும் தகுதிவாய்ந்த நிபுணரை அணுகுவது நல்லது.

இந்த பதிவும் உதவலாம்: இந்த 3 உணவு சேர்க்கைகளை உடனே நிறுத்துங்க.. இல்லாட்டி குடல் ஆரோக்கியம் பாதிக்கப்படும்.! மருத்துவர் எச்சரிக்கை..

Image Source: Freepik