லெமன் ஜூஸ் இப்படித்தான் குடிக்க வேண்டும்.. மருத்துவர் எச்சரிக்கை.!

உடலை குளிர்ச்சியாக வைத்திருக்க பலரும் பழச்சாறுகளை அதிகம் விரும்புகின்றனர். அதில், லெமன் ஜூஸ் பலரின் முதன்மைத் தேர்வாக இருக்கிறது. ஆனால், லெமன் ஜூஸ் குடிப்பதில் சில முக்கிய விதிமுறைகளை பின்பற்றாவிட்டால் உடலுக்கு பாதிப்பு ஏற்படும் என மருத்துவர் கார்த்திகேயன் எச்சரிக்கிறார்.

லெமன் ஜூஸ் – ஏன் கவனமாக குடிக்க வேண்டும்?

மருத்துவர் கார்த்திகேயன் கூறுவதாவது, “லெமன் ஜூஸ் ஒரு வகை Citric Acid. அதனை அப்படியே குடிப்பது குடல் மற்றும் வயிற்று சுவரை பாதிக்கக்கூடும்.” எனவே, லெமன் ஜூஸ் நேரடியாக குடிக்கக் கூடாது. தண்ணீர் கலந்து மட்டுமே குடிக்க வேண்டும்.

சரியான கலவை என்ன?

• 1 பங்கு எலுமிச்சை சாறு
• 5 பங்கு தண்ணீர்

இந்த விகிதத்தில் கலந்து குடிப்பதே உடலுக்கு பாதுகாப்பானது.

இந்த பதிவும் உதவலாம்: தினமும் லெமன் வாட்டர் குடிப்பதால் உங்க உடலுக்கு என்னாகும் தெரியுமா? மருத்துவர் தரும் அட்வைஸ்

பற்களை பாதுகாக்க ஸ்ட்ரா அவசியம்

• லெமன் ஜூஸ் பற்களின் எனாமல் (Enamel) பாதிப்பை ஏற்படுத்தும்.

அதனால் ஸ்ட்ரா (Straw) கொண்டு குடிக்கும் பழக்கத்தை
பின்பற்ற வேண்டும்.

அல்சர் உள்ளவர்கள் கவனம்

வயிற்றுப் புண் (Ulcer) உள்ளவர்களுக்கு லெமன் ஜூஸ், எரிச்சல் மற்றும் வலியை அதிகரிக்கக்கூடும். அல்சர் பிரச்சனை இருப்பவர்கள், லெமன் ஜூஸ் குடிப்பதை தவிர்ப்பது நல்லது.

இதயத் துடிப்பு அதிகரிக்க காரணமா?

சிலருக்கு வேகமாக மூச்சை இழுத்து விடும் பழக்கம், உடலில் Carbon Dioxide அதிகரிப்பு இருக்கும். இதனால், இதயத் துடிப்பு அதிகரிப்பு, பொட்டாஷியம் அளவு குறைவு ஏற்படலாம். இத்தகையவர்கள் லெமன் ஜூஸ் மற்றும் Citric Acid உள்ள பழங்களை அதிகமாக எடுத்துக் கொள்ளக் கூடாது.

சூடு தண்ணீரில் எலுமிச்சை? வேண்டாம்!

மருத்துவர் கார்த்திகேயன் தெளிவாக கூறுகிறார், “சூடு தண்ணீரில் எலுமிச்சை சாறு கலந்து குடித்தால், அதில் உள்ள Vitamin C சத்து அழிந்து விடும்.” எப்போதும் சாதாரண தண்ணீரில் மட்டும் எலுமிச்சை சாறு கலந்து குடிக்க வேண்டும்.

இறுதியாக..

லெமன் ஜூஸ் வெயில் காலத்தில் உடலுக்கு நன்மை தரும் பானம் தான். ஆனால், சரியான அளவு, சரியான கலவை, சரியான நேரம் இவற்றை பின்பற்றினால் மட்டுமே அது ஆரோக்கியமாக இருக்கும். அதிகப்படியான பயன்பாடு உடலுக்கு எதிர்விளைவுகளை ஏற்படுத்தும் என்பதை மறக்க வேண்டாம்.

Disclaimer: இந்தக் கட்டுரை பொது சுகாதார தகவல்கள் மற்றும் நிபுணர் கருத்துகளின் அடிப்படையில் எழுதப்பட்டுள்ளது. உங்களுக்கு, அல்சர், இதயத் துடிப்பு பிரச்சனை, குடல் தொடர்பான நோய்கள் இருந்தால், மருத்துவர் ஆலோசனை பெற்ற பின்னரே லெமன் ஜூஸ் குடிக்க வேண்டும்.