Does aloe vera gel remove dark circles: இன்றைய மோசமான உணவுமுறை மற்றும் ஆரோக்கியமற்ற வாழ்க்கை முறையால் பலரும் பல பிரச்சனைகளைச் சந்திக்கின்றனர். இதில் சரும பிரச்சனைகளும் அடங்கும். ஏனெனில், நீண்ட நேர திரை பயன்பாட்டின் காரணமாக சரும வறட்சி, கொப்புளங்கள், கண் கருவளையங்கள் உள்ளிட்ட பிரச்சனைகளைச் சந்திக்கும் நிலை ஏற்படுகிறது. குறிப்பாக, கண் கருவளையங்கள் இரவு நேரங்களில் அதிக நேரம் மொபைல் பயன்படுத்துவதன் காரணமாகவும் எழுகிறது.
இந்த கருவளையங்கள் ஒட்டுமொத்த முகத்தின் அழகைக் கெடுப்பதாக அமைகிறது. எனவே இதனைத் தவிர்க்க சிலர் சந்தையில் விற்பனை செய்யப்படும் பொருள்களை வாங்கி பயன்படுத்துகின்றனர். ஆனால் இதில் சில சமயங்களில் இரசாயனப் பொருள்கள் கலந்திருக்கலாம். இதனைத் தவிர்க்க இயற்கையான வீட்டு வைத்தியங்களை நாடுவது நல்லது. அந்த வகையில், இந்த கருவளையங்களை நீக்க எளிமையாக வீட்டில் கிடைக்கும் கற்றாழை ஜெல்லைப் பயன்படுத்தலாம்.
இந்த பதிவும் உதவலாம்: Eye Dark Circles: கண் கருவளையங்கள் நீங்க வீட்டிலேயே பின்பற்ற வேண்டிய சில எளிய முறைகள்!
கருவளையங்கள் நீங்க கற்றாழை பயன்படுத்தும் முறைகள்
கற்றாழை ஜெல்லை மூலப் பொருளாகப் பயன்படுத்தி சில சரும பராமரிப்புப் பொருள்களுடனோ அல்லது நேரடியாகவோ பயன்படுத்துவதன் மூலம் கருவளையங்களை நீக்கலாம்.
கற்றாழை மற்றும் ரோஸ் வாட்டர்
ரோஸ் வாட்டர் பயன்படுத்துவது சருமத்தை டோனிங் செய்வதுடன், முகத்தில் உள்ள அதிகப்படியான எண்ணெயை அகற்ற உதவுகிறது. இதன் அழற்சி எதிர்ப்பு மற்றும் இனிமையான பண்புகள் சருமத்தை ஈரப்பதமாக்கவும், வீக்கத்தைக் குறைக்கவும் உதவுகிறது. இதை கற்றாழையுடன் பயன்படுத்துவது முதுமையின் ஆரம்ப அறிகுறிகளைக் குறைத்து, சருமத்தை ஒளிரச் செய்வதற்கும் கருமையான நிறமிகளை நீக்குவதற்கும் உதவுகிறது. 
பயன்படுத்தும் முறை
- ஒரு பாத்திரத்தில் அலோ வேரா ஜெல் மற்றும் ரோஸ் வாட்டரை சம அளவு எடுத்து முகத்திற்கு தேவையான அளவில் கலக்க வேண்டும்.
- இந்தக் கலவையை கண்களைச் சுற்றி தடவி மெதுவாக மசாஜ் செய்யலாம்.
- இதை 10 நிமிடம் கண்களுக்குக் கீழே வைத்து, பிறகு வெதுவெதுப்பான நீரில் முகத்தைக் கழுவலாம்.
கற்றாழை மற்றும் எலுமிச்சைச் சாறு
எலுமிச்சை வைட்டமின் சி நிறைந்ததாகும். இது சருமத்தை பளபளப்பாக மற்றும் உறுதியாக வைக்க உதவுகிறது. இந்த கற்றாழை, எலுமிச்சைச் சாறு இரண்டுமே கருவளையங்களுக்கு சிகிச்சை அளிக்க ஒரு நல்ல தீர்வாக அமைகிறது. எலுமிச்சையில் எக்ஸ்ஃபோலியேட்டிங் மற்றும் ப்ளீச்சிங் பண்புகள் நிறைந்துள்ளன. இவை சருமத்தை ஒளிர வைக்கிறது.
பயன்படுத்தும் வழிகள்
- இந்த எலுமிச்சைச்சாறு மற்றும் கற்றாழை கலவையை கண்களைச் சுற்றியுள்ள கரும்புள்ளிகள் உள்ள பகுதியில் தடவ வேண்டும்.
- பிறகு விரல் நுனியைப் பயன்படுத்தி, மெதுவாக மசாஜ் செய்ய வேண்டும்.
- இதை சுமார் 15 நிமிடங்கள் அப்படியே வைத்து, பிறகு தண்ணீரில் நன்கு கழுவலாம்.
- இந்த முறையை வாரத்திற்கு 1-2 முறை பயன்படுத்தலாம்.
இந்த பதிவும் உதவலாம்: Banana Peel For Dark Circles: முகத்தின் அழகைக் கெடுக்கும் கண் கருவளையம். வாழைப்பழத் தோலை இப்படி யூஸ் பண்ணுங்க.
கற்றாழை மற்றும் தேன்
தேன் உடல் ஆரோக்கியத்திற்கு மட்டுமல்லாமல் சரும ஆரோக்கியத்திற்கும் நன்மை பயக்கும். இதை கற்றாழையுடன் சேர்த்து பயன்படுத்துவது மிகுந்த நன்மை பயக்கும். இதன் உயர் ஃபிளாவனாய்டு மற்றும் ஆக்ஸிஜனேற்ற உள்ளடக்கம் போன்றவை நோயெதிர்ப்பு அமைப்பு மற்றும் செல் கட்டமைப்பின் ஆரோக்கியத்தை ஆதரிக்கிறது. மேலும் இதில் உள்ள ஏராளமான ஆன்டி-ஆக்ஸிடன்ட்கள் முதுமை செயல்முறையை தாமதப்படுத்துகிறது. 
பயன்படுத்துவது எப்படி?
- முதலில் முகத்தைக் கழுவிக் கொள்ள வேண்டும்.
- பிறகு கற்றாழையுடன் தேன் கலந்த கலவையை கண் இமைகள் உட்பட, கண்களைச் சுற்றியுள்ள பகுதியில் பயன்படுத்த வேண்டும்.
- அதன் பின் சிறிது நேரம் அப்படியே கண்களைச் சுற்றியுள்ள பகுதியை லேசான மசாஜ் செய்ய வேண்டும்.
- இவ்வாறு 15 நிமிடங்களுக்குப் பிறகு, பேக்கை அப்படியே விட்டுவிட்டு அதை முழுமையாகக் கழுவ வேண்டும்.
- இதைத் தினமும் இரவின் படுக்கும் முன் தடவலாம்.
இவ்வாறு கற்றாழையை பல்வேறு வழிகளில் பயன்படுத்தி கருவளையங்களை நீக்கலாம். எனினும், சருமம் உணர்திறன் மிக்கது என்பதால், புதிய சரும பொருள்களைப் பயன்படுத்தும் முன்னதாக பேட்ச் டெஸ்ட் செய்வது நல்லது. இதன் மூலம் ஒவ்வாமை, எரிச்சல் போன்ற பிரச்சனைகளைத் தவிர்க்க முடியும்.
இந்த பதிவும் உதவலாம்: Dark Circles Face Pack: கருவளையங்கள் விரைவில் மறைய இந்த ஃபேஸ் பேக்குகளைப் பயன்படுத்துங்க.
Image Source: Freepik