கறிவேப்பிலை எண்ணெயை யூஸ் பண்ணா முடி உதிர்வைத் தடுக்கலாமா? மருத்துவர் தரும் பதில்

Curry leaves oil for hair fall benefits and how to use: இன்றைய நவீன காலத்தில் மோசமான வாழ்க்கைமுறை மற்றும் ஆரோக்கியமற்ற உணவுமுறையின் காரணமாக பலரும் பலதரப்பட்ட பிரச்சனைகளைச் சந்திக்கின்றனர். இதில் முடி சார்ந்த பிரச்சனைகளும் அடங்கும் என்பது உங்களுக்குத் தெரியுமா? ஆம். உண்மையில் முடி உதிர்தல், முடி வறட்சி, பொடுகு, நரைமுடி மற்றும் இன்னும் பல்வேறு முடி தொடர்பான பிரச்சனைகளை மக்கள் பலரும் சந்திக்கின்றனர். குறிப்பாக, உணவில் ஊட்டச்சத்துக்கள் இல்லாதது, முடி நுண்ணறைகளை பலவீனப்படுத்தி முடி உதிர்தல் பிரச்சனையை அதிகரிக்கிறது.

இதுதவிர, முடியை சரியாகப் பராமரிக்காததும், தவறான முடி பராமரிப்பு பொருட்களைப் பயன்படுத்துவதும் முடி உதிர்வு பிரச்சனையை ஏற்படுத்தக்கூடும். இந்நிலையில், தலைமுடிக்குக் கறிவேப்பிலையை பயன்படுத்துவது மிகவும் நன்மை பயக்கும் என்று கூறப்படுகிறது. பொதுவாக, கறிவேப்பிலையை உட்கொள்வதும், அதன் எண்ணெயைப் பயன்படுத்துவதும் முடிக்கு பெரிதும் உதவுகிறது. ஆனால், கறிவேப்பிலை எண்ணெயைப் பயன்படுத்துவது உண்மையில் முடி உதிர்தலைக் குறைக்குமா என்ற கேள்வி அனைவருக்கும் எழுகிறது.

இது குறித்து, உஜ்ஜைனின் லட்சுமி கிளினிக் மற்றும் மெடிகோஸின் BAMS ஆயுர்வேத ரத்னா டாக்டர் மகேந்திர லால்வானி அவர்கள் சில தகவல்களைப் பகிர்ந்துள்ளார். அதில் சிலவற்றைக் காண்போம்.

இந்த பதிவும் உதவலாம்: Curry Leaves For Hair: கறிவேப்பிலையை இப்படி யூஸ் பண்ணா இந்த முடி பிரச்சனை எதுவும் வராதாம்.

கறிவேப்பிலை எண்ணெயைப் பயன்படுத்துவது முடி உதிர்தலைக் குறைக்குமா?

நிபுணர்களின் கூற்றுப்படி, கறிவேப்பிலை எண்ணெயைப் பயன்படுத்துவது முடி உதிர்தலைக் குறைக்க பெரிதும் உதவுகிறது. தினமும் கறிவேப்பிலை எண்ணெயைப் பயன்படுத்துவது முடி உதிர்தலைக் குறைக்க உதவுகிறது. எனினும், முடி உதிர்தல் பிரச்சினைக்கு இது மட்டுமே சிகிச்சையாக எடுத்துக் கொள்ள முடியாது. இதனுடன் யமான உணவை எடுத்துக்கொள்வதும், முடியைப் பராமரிப்பதும் அவசியமாகும்.

கறிவேப்பிலை எண்ணெய் கூந்தலுக்கு எவ்வாறு உதவுகிறது?

உச்சந்தலையை ஈரப்பதமாக்க

கறிவேப்பிலையை எண்ணெய் தயாரிக்கப் பயன்படுத்தும் போது, அதன் இலைகள் உச்சந்தலையை ஈரப்பதமாக்க உதவுகிறது. இதன் மூலம், முடி உதிர்தலுக்கு முக்கிய காரணங்களில் ஒன்றாக விளங்கும் பொடுகு மற்றும் வறட்சியைத் தடுக்கலாம். அதே சமயம், உச்சந்தலையை ஈரப்பதமாக வைத்திருப்பதன் மூலம் முடி வளர்ச்சியை ஊக்குவிக்கலாம். இவை முடி நுண்குழாய்களை வலுப்படுத்தி முடி உதிர்தலைக் குறைக்க உதவுகிறது.

முடி வளர்ச்சியை ஆதரிக்க

முடி வளர்ச்சிக்கு கறிவேப்பிலை எண்ணெயைப் பயன்படுத்துவது நன்மை பயக்கும். இந்த எண்ணெயைத் தலைமுடிக்குத் தவறாமல் தடவுவது முடி வளர்ச்சியை ஆதரிப்பதுடன், முடி உடைவதைக் குறைக்கவும் வழிவகுக்கிறது. ஆனால், இதன் விளைவு ஒவ்வொரு நபருக்கும் வேறுபட்டதாகும். இது முடி உதிர்தலுக்கான காரணங்ளைப் பொறுத்து மாறுபடுகிறது.

முடி ஆரோக்கியத்தை மேம்படுத்துவதற்கு

கறிவேப்பிலையில் ஆன்டிஆக்ஸிடன்ட்கள், அமினோ அமிலங்கள் மற்றும் பீட்டா கரோட்டின் போன்றவை உள்ளன. இவை உச்சந்தலையை வளர்க்கிறது. இந்த ஊட்டச்சத்துக்கள் முடி நுண்குழாய்களை வலுப்படுத்தி ஒட்டுமொத்த முடி ஆரோக்கியத்தை மேம்படுத்த உதவுகிறது. மேலும் இது முடியை வலுவாக வைத்திருக்க உதவுவதுடன், உச்சந்தலை தொடர்பான பிற பிரச்சினைகளையும் குறைக்க உதவுகிறது.

இந்த பதிவும் உதவலாம்: Curry Leaves Hair Oil: கரு கரு முடிக்கு கறிவேப்பிலை ஹேர் ஆயில்! வீட்டிலேயே இப்படி செய்யுங்க

முடி உதிர்தலைக் குறைக்க

பொதுவாக ஆக்ஸிஜனேற்ற அழுத்தத்தின் காரணமாக, முடி முன்கூட்டியே மெலிவதற்கு வழிவகுக்கிறது. இந்நிலையில், கறிவேப்பிலை எண்ணெயைப் பயன்படுத்துவது இந்தப் பிரச்சனையைக் குறைக்க உதவுகிறது. மேலும், கறிவேப்பிலையில் ஆன்டிஆக்ஸிடன்ட்கள் உள்ளன. இவை ஆக்ஸிஜனேற்ற அழுத்தத்தை எதிர்த்துப் போராடவும், முடி உதிர்தலைக் குறைக்கவும் உதவுகிறது.

முடிவுரை

முடிக்கு கறிவேப்பிலை எண்ணெயைப் பயன்படுத்துவது முடி உதிர்தலைக் குறைக்க உதவுகிறது. இந்த எண்ணெயைப் பயன்படுத்துவதுடன், சீரான உணவு மற்றும் சரியான முடி பராமரிப்பு போன்ற ஒவ்வொரு காரணியிலும் கவனம் செலுத்துவது அவசியமாகும். இது தவிர, சரியான முடி பராமரிப்பு பொருட்களைப் பயன்படுத்துவது, மன அழுத்தத்தை நிர்வகிப்பது போன்றவையும் முடியை வலுப்படுத்த உதவுவதுடன், முடி ஆரோக்கியத்தை மேம்படுத்த உதவுகிறது. எனினும், நீண்ட காலமாக முடி உதிர்தலால் அவதிப்பட்டால், தாமதிக்காமல் உடனடியாக மருத்துவரைத் தொடர்பு கொள்வது நல்லது.

இந்த பதிவும் உதவலாம்: இந்த 4 பொருள்கள் போதும்.. நீளமான அடர்த்தியான முடிக்கு கறிவேப்பிலை எண்ணெயை இப்படி செய்யுங்க

Image Source: Freepik